مصر سنة 2062 فى حوار ما بين جد وحفيدة يكتبة كل أعضاء المنتدى
تخيل نفسك بقيت جد :wheelchair: وبتكلم حفيدك :4: عن أحوال مصر من سنة 2012 و أنت طالع ... أعتقد الحوار هيكون كالأتى:
الجد: جتكوا نيلة فى أيامكم السودة ... هو أنتم شفتم حاجة من الخير والعز اللى أحنا شوفناة زمان؟؟!!
الواحد مننا كان يدخل أجدعها مطعم وكان يجيب كيلو الكباب ب 200 حنية ....
الحفيد: 200 جنية بس يا جدو؟؟!!
الجد: أيوة يا بنى و كانت أحسن بيتزا بحوالى 60 جنية ....
الحفيد: لا يا جدو مش معقول ... دة ال60 جنية دول يدوبك يجيبوا كيس شيبسى صغير ....
الجد: مش بقولك أيامكم سودة ... تصدق زمان كان كيلو اللحمة ب 70 جنية و الفرخة ب 25 جنية ....
الحفيد: أية يا جدو الكلام اللى بتقولة دة؟؟!!
الجد: صدقنى يابنى زى ما بقولك كدة ... فين أيام زمان لما كان الدكاترة بتخاف ربنا ... كان أحسن دكتور كشفة ب 300 جنية ....
الحفيد: معقولة؟؟!!
الجد: زمان يابنى كان الشاب من دول بيتجوز أول ما يتم 40 سنة وعروستة كانت بتبقى فى أواخر التلاتينات
دلوقتى بقى الشاب بيتجوز بالعافية و هو عندة 60 سنة و العروسة بتبقى من 50 ل 55 ....
ياريت كل واحد فيكم يتخيل باقى الحوار هيكون أزاى ....