عملت حادثة و انا رايح المقابلة

**د.أحمد سمير** · 23-06-2008 05:13 PM

قدر الله وما شاء فعل .. وربنا يخلفك خير يا أكرم .. اللهم آمين ..

المشاركة الأصلية كتبت بواسطة MohabSaeed

جهل و غباء اشد من سواق العربيه النقل الى كان المفروض يفرمل ويشغل الانتظار علاشان الى واراه ياخد باله ان فى حد واقف . مش يكسر كده وخلاص .
.

والله يا مهاب هذا هو الكلام السليم .. لكن تعرف يا أخي إن المشكلة لما يكون اللي جاي من وراك مصمم يلبس يعني يلبس ..
كلامك فكرني بموقف حصل لي من حوالي شهرين على طريق الإسماعيلية .. عربية نصف نقل محملة كراتين وباكيتات كبيرة جداً .. حصل إن كذا واحدة منهم طارت على الطريق ، أنا شايف المنظر من بعيد رحت مهدي .. ومشغل الانتظار ، وواحد بهيونداي فيرنا جاي طاير من ورا .. وانا قعدت أميل شوية علشان يفهم وهو أبداً .. وكان نصيبه إنه لبس في كرتونة ، ودخل في النص نقل من ورا ، وستر ربنا إن العامل اللي نزل يلم الكراتين بعد لما شاف الفيرنا كان هيموت هيموت ..
الفيرنا اتبهدلت وستر ربنا إنها متقلبتش .. وصاحبها كان هاين عليه يعيط ..

واحد تاني على طريق السويس بعد الشروق في اتجاه القاهرة راكب بيكانتو ، ومصمم يطلع من شمالي ، ومش واخد باله أبداً إنه في حرم الرصيف ، يعني بعد شوية مش هيلاقي الحارة اللي هو ماشي فيها أصلاً .. وانا يهديك يرضيك ، فلاشات ، انتظار ... وهو أبداً .. رحت موسع له سنة ، وبعدين رجعت زنقت عليه راح راجع ورايا ، ومشيت جنب الرصيف وهو ورايا لحد ما البيه فهم .. وبعد كدة وسعت له ، لقيته جاي جنبي ، وبيقولي أنا متشكر .. الحمد لله جت سليمة ..
مشكلتنا هي ثالوث من الغباء والعند والجهل .
أي شعب عنده هذا الثالوث محكوم عليه بالانهيار
تقبلوا خالص مودتي

**Akram** · 23-06-2008 10:34 PM

المشاركة الأصلية كتبت بواسطة analyzer

قدر الله وما شاء فعل
الف حمد لله على سلامتك

شكراً يا analyzer

المشاركة الأصلية كتبت بواسطة د.أحمد سمير

قدر الله وما شاء فعل .. وربنا يخلفك خير يا أكرم .. اللهم آمين ..

شكرا يا د/ أحمد
===============================================

انا النهاردة رحت للسمكري و لقيتة اشتعل فيها , و كنت متخيل إني هلاقي منظر الكبوت اللي عامل شكل ^ ,
لكن لقيت السمكري ركب الكبوت الجديد و الإكصدام و استعدل الرفارف و كمان كان فيه خبطة من فترة في الباب لقيه عملها و استعدل الصدر و ظبط المراوح ,
و هو بصراحة بيتهم بكل التفاصيل حتى إنه فك حاجات علشان يبقى يركبها بعد الدهان رغم إني مكنتش هقوله عليها و يمكن مكنتش هآخد بالي منها ,
الحمد لله انا ارتحت لما ملقتش شكل الخبطة و شكلها بدأ يرجع تاني .

**Dr Ahmed** · 23-06-2008 11:37 PM

دى حاجة تجيب النقطة

بس انت اللى غلطان و60 غلطان
عارف ليه؟

علشان هنا القاهرة = كل شئ معكوس
إزاى يا أفندى تمشى شمال على 90؟
سيادتك مش عارف إن اليمين فى مصر هو اللى تمشى عليه بالسرعات العالية والشمال مخصص للنقل التقيل والحنطور والانتظار؟
عارف لو كنت عملت محضر؟ كنت هتصلح عربيتك وعربيته لأن فيه قانون بيقول لك اللى يخبط التانى من الخلف يبقى هو اللى غلطان!!

آآآآآآآآآآآآآآآآآآآآآآآآآ آآآآآآآآآآآآآآآآآآآآآآه

**MoToRiZeR** · 23-06-2008 11:47 PM

لا حول ولا قوة الا بالله .. و الله الواحد بيضايق جدا اما يشوف كم المصايب اللي بتحصل للناس المحترمة زي حضرتك من الناس اللي مستوي الذكاء عندها و الذوق اقل من الصفر .. انا نفس الموقف حصلي و كان كمان واحد قافل عليا من اليمين فرملت و عديته بسرعة و اخدت غرزة غبية و مميتة كان قلبي واقع في رجليا و انا باخدها لأني كنت متأكد ان هلبس فيه و مش هلحق اقف قبله .

عموما متزعلش اللي حصل حصل خلاص .. و انا شخصيا بقيت امشي في الحارة اللي في النص لأن كذا مرة الاقي ناس راكنة عالشمال (لسبب ما) و الاقي نفسي هلبس فيهم .. و طبعا عاليمين ميكروباصات الله ينور .. فا في النص زي الفل

**Mzeid** · 24-06-2008 12:04 AM

ققدر الله و ماشاء فعل ..

**Akram** · 24-06-2008 12:08 AM

المشاركة الأصلية كتبت بواسطة Dr Ahmed

دى حاجة تجيب النقطة

بس انت اللى غلطان و60 غلطان
عارف ليه؟

علشان هنا القاهرة = كل شئ معكوس
إزاى يا أفندى تمشى شمال على 90؟
سيادتك مش عارف إن اليمين فى مصر هو اللى تمشى عليه بالسرعات العالية والشمال مخصص للنقل التقيل والحنطور والانتظار؟
عارف لو كنت عملت محضر؟ كنت هتصلح عربيتك وعربيته لأن فيه قانون بيقول لك اللى يخبط التانى من الخلف يبقى هو اللى غلطان!!

آآآآآآآآآآآآآآآآآآآآآآآآآ آآآآآآآآآآآآآآآآآآآآآآه

عندك حق يا د/ أحمد :)
و على فكرة انا عارف ان اللي يخبط عربية من ورا بيبقى هو الغلطان فى قانون المرور :(

**Akram** · 24-06-2008 12:14 AM

كويس ان انك قدرت تاخد الغرزة دي يا محمود (MoToRiZeR) لكن اللي حصل معايا حصل في 3 ثواني ,
الثانية الاولى العربية النقل بتاخد يمين فجأة ,
الثانية الثانية بفكر هي بتاخد يمين فجأة ليه ,
الثانية الثالثة فوجئت بالعربية اللي راكنة شمال و ضربت فرامل و بس .........:( :( :(

شكراً يا محمد هاني ,

بيقولوا اللي ييجي في الريش بقشيش ,
بس مش عارف معنى المثل ده ايه ....

**Dr Ahmed** · 24-06-2008 12:15 AM

والله يا أستاذ أكرم الحال بقى غريب جدا ، لكن فى كل الأحوال بنحمد ربنا على الابتلاء اللى أكيد بيرفع الدرجات ويكفر الذنوب طالما صبرنا واحتسبنا وربنا يعوض عليك بأفضل مما تتمنى..