الموضوع: هي ليه الرجاله بتخاف من زوجاتها ؟ سؤال صريح و عايز اجابه صريحه

من كام قابلت واحد صاحبي بس هو اكبر مني و كان في كليه نجاره

صاحبي ده مشفتوش من ساعه ما اتخرجت فطبعا قعدنا نسلم و ندردش حبتين

قالي في وسط الكلام انه اتجوز و خلف و كده (اخد تأبيده يعني)

فتبادلنا ارقام النوبيلات و علي وعد بلقاء

يوم الخميس اتصل بيا و قالي نتقابل في الكافيه الفولاني قولتله ماشي

قاعدين بنرغي و بيحكيله عن مغامراته الزوجيه و انا اضحك و اشمت

في وسط القعده صوت سرينه اسعاف اشتغل

ده موبايله

الواد وشه اتخطف و ايديه بتترعش و هي بتمسك الموبايل و بيرد و هو مرعوب

مين طبعا ؟ المودام

قاعده تديله في لسته طلبات و صوتها طالع بره التليفون هههههههههههههههه

كان شكله عامل زي الدكتور شوقي في فيلم 365 يوم سعاده بتاع احمد عز

هنا السؤال بيطرح نفسه

ليه الرجاله بيخافوا من زوجاتهم ؟ دول رجاله و لا عيال توتو ؟

انا بقيت ملاحظ الحكايه دي كتير

انت تااااااااااانى و الجواز..... بص بقى.... الكلام النظرى خلاص ما ينفعش.... انت لازم تخيشلك فى جوازة ايا كانت عشان تجرب بنفسك ههههههههههههههه......

يا عم الدنيا مش كده..... لا اعتقد ان فى راجل بجد ممكن يخاف من مراته...... هى الحكاية بتيجى ازاى؟ هفهمك انا..... فى حاجات الراجل بيعملها لا تعجب مراته.... زى مثلا قضاء وقت كتير مع اصحابه و حاجات زى كده..... فايه اللى بيحصل؟ الست بتطبق نظرية البوز بيز Booz Base حاجة زى كده ...... الراجل بييجى يلاقى المنظر ده يقول فى سره يا فتاح يا عليم..... خير؟ فى حاجة حصلت؟ تلاقيها بتقوله كده تقعد الليلة كلها مع اصحابك و سايبنى قاعدة لوحدى؟ طيب يا ستى ما خرجتيش انتى ليه روحتى عند مامتك مثلا ما هى جنبك او ضيعتى الوقت فى مكالمات مع اصحابك او اى حاجة تانية عقبال ما اجى..... ابدا.... يهديكى يرضيكى فين و فين عقبال ما تفك البوز و ترجع كائن ادمى تانى :)..... الراجل بعد كده بيعمل ايه؟ بيتقى البوز شوية..... يعمل ايه؟ بدل ما يقضى الليلة كلها مع اصحابه يقعدله كام ساعة و يحاول على قد ما يقدر يرجع بدرى..... و هكذا طبق الكلام ده على اى مواقف تانية..... بيبقى الهدف الرئيسى للراجل يتقى البوز المتين..... فهمت يا سيدى التيتة؟ انا بقولك الكلام ده من معرفة بكتير من اصحابى و زوجاتهم النكديات و هواة البوز بيز :) اوعى تنسى النظرية..... ال Booz Base و ممكن لو عاوز تقرأ عنها اكتر دور على ويكيبديا هههههههههههههههههههه