السلام عليكم
اشتريت الأتي:
1)مساعدين أمامي جولف 2 ساكس ب700جم
2)فلتر بنزين ب40جم
3)حساس أيدل بتاع العربية ب180جم و ممكن يركب يتاع اللنسر ب100جم استيراد بس أنا جيبت بتاعها أحسن
4)مراية جنب ب170جم كاملة جديدة
المصنعية 120جم
تحياتي
novo
السلام عليكم
اشتريت الأتي:
1)مساعدين أمامي جولف 2 ساكس ب700جم
2)فلتر بنزين ب40جم
3)حساس أيدل بتاع العربية ب180جم و ممكن يركب يتاع اللنسر ب100جم استيراد بس أنا جيبت بتاعها أحسن
4)مراية جنب ب170جم كاملة جديدة
المصنعية 120جم
تحياتي
novo
وكانت مشكلة حساس الأيدل أيه؟؟؟؟؟؟؟؟؟؟؟
اشتريت الايدل منين ؟ وياريت لو مركبتوش ترجعه احسن - انا اشتريته ب 150 من فترة بسيطة مكلملش 3 شهور فى العربية وخرف وحاليا مركب القديم احسن منه وادينى متعايش معاه - نصيحة لو مركبتوش رجعه وهات حاجه ثانيه احسن
بالمناسبة ابو 100 جنيه دة بتاع موديل ايه بالضبط فى الانسر ومن فين ؟
مع تحياتى
كان من ابو عوف فى التوفيقية
طب والحساس ده ميتنضفش بالاسبراي ويتصلح؟؟؟
الف مبروك يا احمد و لكن عايز اعرف رايك ايه فى المساعدين الساكس عشان انا اشتريتهم قبل كده و حاسس انهم ناشفين فهل انت عندك نفس الإحساس
لا متخافش منه مفيش احسن من الاصلى انا نضفته اكتر من 6 مرات وبيشتغل زى الفل وده مسئول عن ضبط لفات السلانسيه فقط - واللفات تزيد اول ما تدور العربية الصبح وترجع على 800 بعد ما تسخن ومسؤل عن رفع اللفات فى حالة تشغيل التكييف .. عموما مادمت مبسوط من الجديد ما يضرش بس ما ترميش الاصلى وما تفرطش فيه ح تعوزه بعدين ( شوية اليكتريك كلينر) وح يشتغل زى الفل ما ترميش اى حاجة تشيلها من العربية الاصلى.
وبالمناسبة انا محتاج مراية شمال جبت واحدة من التوكيل بـ 250 جنية وطلعت زباله(انا أسف فى اللفظ) بس ده اقل ما يقال عنها .. واتكسرت !!! دخل فى العربية ميكروباص وهى واقفة شالها من جدورها نزلت لقيتها معلقة على السلك
و عليكم السلام
هيه العربية من ساعت ما جبتها من الزيرو و العفشة ناشفة بس الفترة الأخيرة لاحظت ان درجة التمايل فى الملفات زادت و الاستابيلتي قلت و بعد تغيير المساعدين الحمد لله العربية اتظبطت
على فكره المساعدين طالعين سلام بمعنى ان محدش فيهم ضارب زيت و أعتقد ان ده ممتاز نظرا لأنهم بقالهم 90ألف كم
شكرا لرد حضرتك.
نصيحه لوجه الله تعالى ما ترميش اى حاجة تفكها من العربية لانك مش ح تلاقى زيها أبد أبدا والمساعدين بتوعها بعد إذنك هواء مش زيت.
جبت امبارح مراية شمال كهرباء بـ 170 جنية.. مش أد كده.. وكرتيرة رفرف يمين بـ 70 جنية من عند صقر جسر السويس والله المستعان.
الساده الاخوه الفضلاء..اعضاء المنتدى او حتى من خارجه وبمناسبة موضوع الحساسات ده ياريت نستفيد بشكل علمي ومبسط او حتى بالبلدي من الموضوع ده في سيارتنا الشيري a11 من حيث عدد الحساسات في السياره -اسمائهم -اماكنهم وبدقه ولو امكن بالصور-وظيفة كل حساس- اعراض تلفه - هل يمكن اصلاحه - سعره - البديل له وسعره ايضا - الاماكن اللتي يباع فيها وياريت لو فيه في الاسكندريه يقولنا عليه .وهل هناك اختلاف بين الحساسات بين الموديلات 2005/2006 ووالله يبقى لكم جزيل الشكر والامتنان- اخوكم السيد محمد