عرض للطباعة
السلام عليكم و رحمة الله
عملت امبارح و الحمد لله صيانة لانسر شارك 2009 هاي لاين في توكيل دايموند موتورز الكيلو 28 الصحراوي قبل داندي مول
تم تغيير الزيت 324
تم تغيير فلتر الزيت 67
تم تغيير فلتر هواء امامي 269
تم تغيير تيل فرامل امامي 479
تم شحن الفريون لانه سرب لوحده ب 90 جنيه
مصنعيات 399جنيه
ضريبة 162
الاجمالي دفعت 1790
:10D5C8w1107: و الحمد لله انا حبيت افيد اي حد و شكـــــــــــراً :10D5C8w1107:
ما اليابانى أهو قطع غياره غالية فى التوكيل دا الميجان بتاعتى أرحم :)
وألف مبروك يا باشا
بقينا زينا زى الpassat و ال jetta . ممكن بعد اذن حضرتك لو ينفع تنقل لينا انطباعك عن الصيانة عندهم ؟ يمكن راى حضرتك يختلف عن الناس اللى راحت قبل كده .
و الف مبروك . :)
400 جنيه مصنعيه!!!!!!
كانو جايبين للعربيه رقاصه تسليها وهي بيتعملها صيانه؟
مبروك عليك الصيانه
مبروووك على صيانة وربنا يباركلك فيها يارب ,, بس فى فرق بين ابو رواس و دايموند موتورز من حيث (الصيانة-خدمات-الاهتمام بعميل-الاسعار) ايهما افضل ؟!
اقتباس:
المشاركة الأصلية كتبت بواسطة IronHead
:POINTIy2[2]::POINTIy2[2]:
لعلمك هبور مصنعية بتاعتة 250 جند !
طب يا باشا لما انت من بنى سويف مفكرتش تروح التوكيل بتاعهم اللى فبني سويف ليه ,,, ولا سمعت انه اي كلام . وبعدين هى ايه حكاية التكييف اللى بيسرب ده انا معايا 2009 برضه لقيت التكييف ناقص فريون وكشفت عليه قالى مفيش حاجة بتسرب وشحنهولى وادينى بجربه اليومين دول
الصيانة غالية جدا مروحتش المصرية اللى فى قليوب ليه
الف مبروك يا باشا ..
الله يبارك فيكم جميعاً و أسف علي الغياب الفترة الماضية
1- و الله 400 جنيه و ممكن اصرو لكم الفاتورة
2-بالنسبة للفروق بين التوكيلات الفرق الوحيد اللي لاحظته انك بتشوف العربية و هما شغالين و اااه نسيت واحد شاي ببلاش هههههههههه
3-بالنسبة ليه ماروحتش البرقان بني سويف بسبب ان التكييف بتاعي أول ما دوت العربية شغلت التكييف و فجأه صوت تسريب جامد قوي زي ما يكون مسمار دخل في الكاوتش بطلت العربية و نزلت بسرعة افتح الكبوت و لم اجد شئ بس لسه سامع صوت التسريب جامد لحد ما الفريون خلص
روحت للمهندس اللي كان شغال في البرقان ( توكيل بني سويف ) في الورشة بتاعته و بعد ما كشف قالي لازم تروح دايموند موتورز علشان لو الكمبرسور باظ هما ملزمين بيه اما المصرية فهي صيانة بس
قلتله و البرقان قالي لأ لان الخدمة وحشة و الصنايعية غير مدربين كفاية بس الله أعلم ممكن يكون ظلم بس انا قلت مش هجازف بالعربية اللي حيلتي و مكدبتش خبر اتصلت بدايموند و حجزت و رحت و قالولي انه عايز شحن بس كشف ب 125 و شحن 90 قلتلهم طيب و انا مالي مش ده عليكم او علي الاقل قلولي العيب فين علشان ميتكررش تاني قالولي مفيش و شحنوه و خلاص و طبعاً انا مش مقتنع يعني هيسرب لوحده انا حاسس و الله اعلم انه ممكن يكون فيه عيب و هما مش عايزين يشيلوه و لصموهالي و خلاص و ربنا يسامحني بس اصل مستحيل تسرب لوحدها و يرجع يكشف عليها بالجهاز يقولي زي الفل امال الفريون خرج منين طيب ؟؟؟؟
بالنسبة للتيل طبعاً غيرته ب 479 جنيه و بعد ما مشيت سمعت صفارة في بدال الفرامل من الداخل و لم تكن موجوده من قبل رجعت تاني للمهندس قالي عادي و رشلي اسبراي و قالي قبل ما توصل بني سويف هيروح الصوت منذ اسبوع حتي الان و لم يذهب الصوت
قلتلهم لمبة الصالون بتعلق و بصراحة نسيت اشوفها قبل ما امشي بس لما و صلت افتكرت ووجدتها دون شك زي ما هيه
ملحوظة بقي لاحظت ان حسب غزالة المهندس بيغسل العربية لبعض الزباين ايه المقياس معرفش و انا عربيتي كانت زبالة محطوش عليها فوطة حتي ( من رأي دي نقطة في غاية الاهمية ) لانها احترام للعميل
الزيت اللي بيحطوه توتال و انا سمعت انه زبالة بس مش بمزاجك
كان معايا فلتر زيت اصلي مرضيوش يركبوه مع ان المهندس قالي ده اصلي بس شغل لم فلوس و خلاص
تقييمي النهائي للمركز 70 %
مركز قليوب تقييمي 50% خدمة زفت
مركز المصيلجي قليوب 50 % برده خدمة زفت تحس انك داخل تشحت
اااااه انا بالمره سألت عن كشافات الزينون 7140 جنيه بتتحرك مع الطاره
اااااااااسف علي الاطالة بس و الله نفسي افيد جميع الاعضاء و انا تحت أمركم في اي حاجه