طب ماتروح السوبر ماركت ده لوحدك وادخل قسم البن وجيب البنت المسهوكة ده وعرفها غلطها وكدة مايصحش يابنت الناس تعاكسي واحد ادام مراته.... اديني جيت لوحدي اهو شوفتي الدنيا صغيرة ازاي هههههههههههههه.
رقم العضوية : 117629
تاريخ التسجيل : 09Dec2011
المشاركات : 2,672
النوع : ذكر
الاقامة : القاهرة- الشيخ زايد
السيارة: اكسينت Rb 2012
السيارة[2]: YARIS
دراجة بخارية: اسكوتر
الحالة :
زمان لمن كنت عريس جديد ... ولسة متجوز ... كنت لمن ببقى ماشي مع المدام وألاقي حتت قطة كده عدت من قدامي ... كنت لازماً وحتماً أقولها بيس بيسسسسس ... أو نياو نياوو ... وان مقدرتش أبسبسلها او أعاكسها ... كنت بكتفي أني أعاكسها بقلبي ... وأكتم وأشيل جوه سري ... وأكتفي بنظرة بريئة ... لأني بقيت متجوز ، رغم أن المثل بيقلك من شاب على شيء شاخ عليه ... بس بصراحة أتعلمت الادب بعد اول خناقة مع مراتي يوم عدت حتت دين قطة من قدامي ، وسحرتني القطة وفيها نوع من المغناطيس الهلامي ... الي بيشد مقلت عينك واللنني بتاع عينك أصبح عضلة لا أرادية ... مش قادر أمنع نفسي ياناس ...!!!!!
وساحتها مراتي أتجننت ... وقالت لي بتبصلها لييييييييييه!
قلتلها ياستي : بصيتلها فين ما انا واقف اهو وساكت ههههههه
هي : ساكـــــــت ... ده أنتا عنيك كانت هتطلع عليها .
أنا : (أناااااااااا ... أناااااااااا ياشيخة حرام عليكي ) أتقي الله ده انا مفتحتش حتى بقي ولا قلت حتى نص كلمة .
هي : انا شايفاااااااااك وانتا بتبصلها .
أنا : (أنا ببص عادي يعني وعجبتني شنطتها فكنت عاوز أجبلك شنطه أخت بتاعتها الحق عليا يعني ) .
ومن ساعتها عرفت اني جرحت مشاعرها واحاسيسها ... ومبقيتش اعمل كده خالص ... غير وانا لوحدي . ههههههههه
@@@@@@@@@@@@@@@@@@@@@
النهردة كنت انا والمدام في أحد السوبرماركتات الكبيرة (حاجة شبه كارفور كده ) مش عاوز أقول على الاسم ... وطهقتني كل حته توقف فيها ساعتين وتقرالك مكونات كل علبة وتاريخ الانتاج وتاريخ الصلاحية ... ساعتين في كل قسم ... لا ومش بس كده تنادي عليا وتقولي ايه رأيك يا حبيبي نجيب دي ولا نجيب دي ... وأقولها ياسيتي اخلصي دي علبت تونة ودي علبت تونه ... دي مفتته ودي قطعة وحده والاتنين امريكانا وحياة ابوكي خلصينا بقه فلقتيني ... وانا كل ده ونفسي اسيبها واروح قسم السيارات وكماليات ومعطرات السيارات وهيا لألألألألألألألألأ مش عاوزاني حتى اهوب على هناك ... مع ان نفسيتي بترتاح بمجرد ما اققف وسط كماليات العربيات ومعطرات ومنظفات السيارات ... وحلفتلها 100 يمين اني مش هشتري حاجة انا هتفرج بس ... بس لا حياة لمن تنادي .
المهم وصلنا عند قسم التوابل وقسم البن ... وبقوا هما يشغلوا بنات في الفترة الصباحية ...
المهم فناديت على البنت لو سمحتي عاوز الله يباركلك 200 جرام كذاااااااا و200 جنيه كزااا واخلطيهم على بعض .
البنت : عاوزها حضرتك بن محوج ولا عادة .
انا : لا سادة .
البنت : يعني حضرتك عاوز 100 و 100 ؟
أنا : لا عاوز 200 و 200 .
البنت راحت ورجعت ... وهيا عماله تتسهوك وتكلمني بكل سهوكة ودلع وعنيها في عنيااااا ... رغم أنها صغيره يعني 20 او 21 سنة كبيرها قوووي ... لسه كتكوته صغيرة ... شوية وبصيت لقيتها رجعتلي تاني وبالذات لمن شافت المدام جيت وقفت جمبي ... وجيه بقه بكل كهن الدنيا وعماله تبصلي ...وسايحة على نفسها ... وبتقولي
البنت : حضرتك بتحبها .....
(وقامت ساكته شوية ) وبعدين مكملة بتحبها برازيللي ... ولا كلومبيييييييييي . هههههههههه
انا : هي أيه دي الي برازيلي ولا كلومبي .
البنت : :) القهـــــــــــــــــــوه ة .
أنا : أي حاجة أي حاجة الاحسن هاتيه .
وبيني وبينكم قاعدت اقول ياخبررررررررر أبيض ... ده أيه كهن النســـــى ده ... حتى البت لسه مفقسيتش من بيضة ... وبتتكلم وبتتصرف بالاسلوب ده ... فمراتي بصيتلي كده وشايف شرار طالع من عنيهااااااا ... ولا شرارة الاليكترك امريكي ال 1600 ووط ... فقلتلها عيله مايصة سيبك منها ... بنات أخر زمن ...
مراتي : ومالك ياخويا كده مبسوط ومبتسم ... وعمال تدحكلها .
أنا : ..... أناااااااااااا دحكتلها انا بس بدحك على الشرارة الي في عنيكي وحاسس ان في دخان هيطلع من نفوخك ..
وشوية البت رايحه متاخرة في طحن البن ... وزبون كان جي بعدنا ... مشي قبلينا ... فراحت مراتي قلت لأ بأأأأأأأأأأه وراحت رايحالها ... وانا قلت أستـــــــــر يارب ... وراحت ماسكة البت مسحت بكرامت الي خلفوها الارض ... وخليت البت واقفه قدامها زي الي عملها على روحها ... وانا عمال اقول استـر يارب ... أستر يارب ده لو بس البت نطقة بحرف وبوئة فيها كنت لقيتها قامت ناطلها جوه وجبتها من شعرها وفرشتها على الارض ... وجه المسؤول وأيه خير يامدام فيه أيه ... هدي أعصابك وانا هجبلك حقك ... قالتلوا البت بتاعتكم دي قاعده تتمايص ومشيت تلاته اربعه قدمنا مع انهم جوم بعدينا وبقالنا ساعه واقفين ولسه مخلصيتش طلبنا ... بس فالحه قاعده تتمايص ومش واقفه على بعضها ... وراح الراجل قام ممشيها قوام قوام ... وبقيت ماشي جمبيها وحاسس أن مراتي عاوزة تقولي أسبقني على البيت أنتا أنا هستنى هنا شوية ... وحسيت ان مراتي مش هترتاح غير لمن تدي البت بونية في وشها ... وتشدها من شعرها ...
بس بيني وبينكم كنت مبسوط هههههههههه أني حسيت أن أم عيالي بتغار عليا ... وفي لحظة قلبت من قطة وديعه لأســــــد وهتنط في كرش البت بتاعت البن ... بس بصراحة بت معندهاش دم يعني حبكت تعاكسني وتكلمني كده قدام مراتي ما كانت تستنى لمن أكون لوحدي ههههههههههههه ... بنات أخر زمن ... وتلاقي ياعيني لو واحد شب معجب فيها متبصلهوش ... وهيا في قرارت نفسها مش أعجاب فيا لالالالالا أبداً لكن غيظ وكييد ... عاوزين يغيظو بعض وخلاص ... وفاكرينها شطارة أنها تخطف الرجل من مراتوا ... وعيالوا ومن بيتوا ... وتلاقي البنات يحسوا بشعور الانتصار ...وبلذة الانتصار ...لو كان الراجل ناقص وبصلها ... فتلاقي البنت تحس أنها أنتصرت على زوجتوا ... ورغم ان الأنسان مننا دعييييييييييييييييييف ههههههههه .
الا أن لازم الواحد يلم نفسوا ويحترم مراتوا ويحترم شعورها ... ولا يستسلم أبداً أبداً . لمثل هكذا أشكال .
بس لو عاوز تستسلم وانتا لوحدك أستسلم
ههههههههههههههههههههه
@@@@@@@
وتحياتي
me_medoo
رقم العضوية : 55956
تاريخ التسجيل : 16Dec2009
المشاركات : 3,827
النوع : ذكر
الاقامة : EGYPT
السيارة: BMW
السيارة[2]: LANCER
دراجة بخارية: ISA
الحالة :
طب ماتروح السوبر ماركت ده لوحدك وادخل قسم البن وجيب البنت المسهوكة ده وعرفها غلطها وكدة مايصحش يابنت الناس تعاكسي واحد ادام مراته.... اديني جيت لوحدي اهو شوفتي الدنيا صغيرة ازاي هههههههههههههه.
رقم العضوية : 60755
تاريخ التسجيل : 02Feb2010
المشاركات : 469
النوع : ذكر
الاقامة : New Cairo
السيارة: Brilliance FSV M/T 2011
السيارة[2]: It was corolla 2000 1.3 L
دراجة بخارية: Don't have
الحالة :
يا خوفي لا المدام تكون بتشوف المنتدى وساعتها هنيجي نزورك في المستشفى
لا اله الا انت سبحانك اني كنت من الظالمين
mahmos2000 سابقا
رقم العضوية : 35540
تاريخ التسجيل : 14Mar2009
المشاركات : 26,487
النوع : انثى
الاقامة : Egypt_Alexandria
السيارة: لا يوجد
السيارة[2]: لا يوجد
دراجة بخارية: -
الحالة :
رقم العضوية : 125978
تاريخ التسجيل : 11Jun2012
المشاركات : 113
النوع : انثى
الاقامة : شرقيه
السيارة: طيارو 2
السيارة[2]: طباره 1
دراجة بخارية: 2
الحالة :
ما شاء الله ونعمه
رقم العضوية : 80905
تاريخ التسجيل : 22Sep2010
المشاركات : 2,674
النوع : ذكر
الاقامة : cairo elbehera
السيارة: بيجو 406
السيارة[2]: bmw 523i
دراجة بخارية: no
الحالة :
مش قادر ابطل ضحك ياميدو انت والله مشكله طيب ابعتلي علي الخاص اسم السوبر ماركت والساعه اللي كنت فيها وانا هاروح للبت دي اعرفها غلطتها بالنيابه عنك
rompo10
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
قولتلي البن بكام هناك ؟؟؟
ههههههههههههههه
بس حنقول ايه
بتتسهتن ومراتك معاك ؟
منهم لله الهواه امثالك موديننا في داهيه
بس انا شايف ان بعد البن خطك اتحسن هههههههه
وغلطاتك الاملائيه قلت
استمر يا ابني
علشان خاطرنا مش علشان مزاجك
وعموما اي مشاكل مع المدام حنحلهالك متقلقش ههههههه
ابعتلي اكونت الفيس علشان اضيفك في الصالون الثقافي بتاعي
وربنا يديم علينا العزوبيه نعمه
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 68210
تاريخ التسجيل : 17Apr2010
المشاركات : 2,398
النوع : ذكر
الاقامة : Saskatchewan - Canada
السيارة: NISSAN MAXIMA SE
السيارة[2]: PEUGEOT 505
دراجة بخارية: مابعرفش أسوقها للأسف !!!!
الحالة :
Maserati Quattroporteبسم الله الرحمن الرحيملقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)صدق الله العظيم
رقم العضوية : 105302
تاريخ التسجيل : 25Jun2011
المشاركات : 3,817
النوع : ذكر
الاقامة : Port Said \ Cairo
السيارة: Toyota Corolla 2008
السيارة[2]: Hyundai Verna 2009
دراجة بخارية: Kia Cerato 2010
الحالة :
ههههههههههههههههههههههههه هههه ربنا يكون في عونك بجد
اهه ده اللي قالقني من الجواز
بس احب اقول الحق من غير زعل
تصرف المدام مش صح لان البنت عمليا معملتش حاجه
و كان ممكن يتقطع عيشها بسبب حوار زي ده
يمكن شاب راجل وسيم قدامها فعملت كده ... والعه ههههههههههههه
علي فكره ساعات الغيره مبتبقاش بسبب الحب و لكن ساعات بتبقي حب للتملك
انا مقصدكش و الله انا بتكلم بشكل عام
حبيبي يا ميدو
رقم العضوية : 45939
تاريخ التسجيل : 01Sep2009
المشاركات : 4,938
النوع : ذكر
الاقامة : الباجور/ منوفيه
السيارة: لانسر كرستاله
السيارة[2]: بيجو 504 +شاهين
دراجة بخارية: نعم صينى
الحالة :
يا ميدوا حرام عليك البنت
انا بعمل العكس اى واحده بعاكسها وبالذات ومراتى معايا على الاقل القى حد يحوش عنى
تصدق انك حببتنى فى القهوه مع انى مش بشربها كتير اسم الماركت ده ايه بقى
وبعد كدا انزل لوحدك
اقوى واغلى 10 اسلحه بالعالم
http://technology-mmm.blogspot.com/
http://imageshack.com/a/img850/6764/4fdl.jpg
المفضلات