إستفسار عن إجراءات عمل صحة التوقيع لعقد تمليك شقة

**mo_x5** · 01-07-2012 10:28 PM

متابع ....و لى استفسار بمناسبه الموضوع ده لو سمحت ...
ازاى اضمن ان الشقه مش مباعه لحد تانى غيرى و انا بأشترى ....هل التسجيل فى الشهر العقارى كافى مثلا ؟

**D . a .\ AYMAN** · 02-07-2012 03:23 AM

المشاركة الأصلية كتبت بواسطة أحمد كمال

هتاخد العقد مختوم و معاه صيغة الحكم من المحكمة

بس صحة التوقيع لا تعني صحة العقد

قانونا ثبات الملكية باسبقية التسجيل يعني لو اللي باع لك راح باع و سجل لواحد تاني هو المالك (انت بصحة التوقيع تقدر تقاضيه عشان النصب و تخش في سكك المحاكم ........ بس هو موقفه اقوى)

حتى صيغة حكم صحة التوقيع القاضي بيقول انه بس بيحكم ان فلان هو الموقع على العقد و بس بدون تعرض لمنصوص العقد

و ده يحميك من حاجتين : 1- الانكار : ما يقدرش ينكر انه هو اللي مضى الورقة و 2- الطعن بالتزوير سواء من البائع او الورثة ...... لان بالحكم ده المحكمة بنفسها بتشهد لك انه هو اللي ماضي .........

بس مهما كان التسجيل اقوى مليون مرة ...... بس لو مش هينفع تسجيل لأي سبب يبقى صحة توقيع ارحم بكتير من ورقة عرفي !

إيه ياباشا ده أستاذ قانون مدني ... طبعا ما فيش كلمة بعد كدة

المشاركة الأصلية كتبت بواسطة abokoko

فى عقد بصحة ونفاذ

ممكن معرفة مدى قوته
وايه اجراءاته

الفرق بين صحة التوقيع ودعوى الصحة والنفاذ ... إن الدعوى الأولانية القاضي بيحكم في الدعوى دون التطرق نهائيا لموضوع العقد ... يعني مابيبصش نهائي أصلا العقد ده بيتكلم في إيه سواء بيع عربية أو شقة أو حتى عجلة

لكن دعوى الصحة والنفاذ ... بيكون العقد وموضوعه ومحله وشروطه وأحكامه بالكامل محل نظر القاضي ... وهل هى متفقة وصحيح القانون أم لا ...

دعوى الصحة والنفاذ يمكن التسجيل مباشرة بها في الشهر العقاري لأن الحكم فيها يعتبر عنوانا لصحة البيع وأحكامه وشروطه وكافة ما يتعلق به

ولكن في النهاية يكون انتقال الملكية في العقارات "والعقارات فقط" بالتسجيل في الشهر العقاري

يعني لو واحد باعلك أرض أو شقة وبعد كدة رفض الإعتراف بالبيع ورفعت انت ضده دعوى صحة ونفاذ عقد البيع وبعد جلسات المحكمة حكمت المحكمة لصالحك بالصحفة والنفاذ فعلا وبعد كدة انت كسلت تسجل البيع في الشهر العقاري وراح البائع باع مرة تانية لشتري آخر حسن النية وراح سجل على طول في الشهر العقاري تكون الملكية انتقلت للمشتري الآخر من تاريخ التسجيل في الشهري العقاري ويكون للمشتري الأول فقط الرجوع بالتعويض على البائع ... أما حتة إبطال عقد البيع الثاني ده موضوع كبير ويطول شرحه .. لكن مثل صغير عليه كدة وهو بإثبات سوء النية للشتري الثاني

**abokoko** · 02-07-2012 03:53 AM

المشاركة الأصلية كتبت بواسطة d . A .\ ayman

إيه ياباشا ده أستاذ قانون مدني ... طبعا ما فيش كلمة بعد كدة

الفرق بين صحة التوقيع ودعوى الصحة والنفاذ ... إن الدعوى الأولانية القاضي بيحكم في الدعوى دون التطرق نهائيا لموضوع العقد ... يعني مابيبصش نهائي أصلا العقد ده بيتكلم في إيه سواء بيع عربية أو شقة أو حتى عجلة

لكن دعوى الصحة والنفاذ ... بيكون العقد وموضوعه ومحله وشروطه وأحكامه بالكامل محل نظر القاضي ... وهل هى متفقة وصحيح القانون أم لا ...

دعوى الصحة والنفاذ يمكن التسجيل مباشرة بها في الشهر العقاري لأن الحكم فيها يعتبر عنوانا لصحة البيع وأحكامه وشروطه وكافة ما يتعلق به

ولكن في النهاية يكون انتقال الملكية في العقارات "والعقارات فقط" بالتسجيل في الشهر العقاري

يعني لو واحد باعلك أرض أو شقة وبعد كدة رفض الإعتراف بالبيع ورفعت انت ضده دعوى صحة ونفاذ عقد البيع وبعد جلسات المحكمة حكمت المحكمة لصالحك بالصحفة والنفاذ فعلا وبعد كدة انت كسلت تسجل البيع في الشهر العقاري وراح البائع باع مرة تانية لشتري آخر حسن النية وراح سجل على طول في الشهر العقاري تكون الملكية انتقلت للمشتري الآخر من تاريخ التسجيل في الشهري العقاري ويكون للمشتري الأول فقط الرجوع بالتعويض على البائع ... أما حتة إبطال عقد البيع الثاني ده موضوع كبير ويطول شرحه .. لكن مثل صغير عليه كدة وهو بإثبات سوء النية للشتري الثاني

حضرتك تقصد الثانى سجل لنفسه فى الشهر العارى تسجيل بيع ناقل للتكليف -- وليس صحة توقيع من المحكمه -مش كده
لانه عمل صحة توقيع فالصحه والنفاذ اقوى - صح ولا انا فاهم غلط
؟؟
انا بسال علشان حجيه الاوراق اللى باقبلها فى ملف المشترك ( فى شركة الكهرباء )

ولو حضرتك مش هتزهق هنزود الاسئلة مستقبلا
وده اكيد بعد اذن صاحب الموضوع

**eslamrace** · 02-07-2012 04:02 AM

اولا شكرا على المعلومات القيمه دى
بس ليا سؤال هو التسجيل فى الشهر العقارى ايه اجراءاته وبيتكلف كام

**أحمد كمال** · 02-07-2012 04:05 AM

طيب ...... بالنسبة لسكان الرحاب و مدينتي و غيرها من الكومباوندز اللي ادارة الكومباوند بترفض تسجيل العقود عشان تاخد رسوم نقل ملكية مبالغ فيها ......

هل ينفع قضية نفاذ في الحالة دي سواء لتسجيل البيع بين الشركة و المالك الأصلي ... أو لنقل الملكية بين المالك الأصلي و مشتري منه؟

**أحمد كمال** · 02-07-2012 04:09 AM

المشاركة الأصلية كتبت بواسطة eslamrace

اولا شكرا على المعلومات القيمه دى
بس ليا سؤال هو التسجيل فى الشهر العقارى ايه اجراءاته وبيتكلف كام

لازم سلسلة الملكية كلها تتسجل

زي ما مثلا بتشتري عربية ...... بيبقى فيه شهادة بيانات من التوكيل + عقد بيع من التوكيل لاول مالك

لو انت تالت مالك يبقى لازم عقد بيع مسجل من المالك الاول للتاني عشان انت تعرف تبيع من التاني للتالت

في البيوت لازم عقد الارض يكون مسجل و فيه رخصة سليمة و ورق من الحي و افلام هندي عشان تعرف تسجل

**أحمد كمال** · 03-07-2012 06:15 AM

المشاركة الأصلية كتبت بواسطة eslamrace

طيب انا معايا تسلسل الملكيه والترخيص وكل دول مسجلين بس انا معايا صور منهم بس وانا اول مالك فالسؤال التسجيل للمكان بتاعى ايه اجرائاته وبيتكلف كام
وشكرا

معرفش التكلفة بس خلاص مادام معاك كل حاجة مسجلة ممكن انت كمان تسجل

-

-

الموضوع: إستفسار عن إجراءات عمل صحة التوقيع لعقد تمليك شقة

LinkBack

أدوات الموضوع

عرض

-

-

-

-

-

-

المواضيع المتشابهه

دعوة لعقد قمة اوبلاية --- مول العرب

دعوة لعقد القمة الاوبلاوية الثانية

دعوة لعقد قمة اوبلاوية طارئة

الكلمات الدلالية لهذا الموضوع

المفضلات

المفضلات

ضوابط المشاركة