السلام عليكم ورحمة الله وبركاته،،،،
يا جماعة كنت عاوز أستفسر منكم عن موضوع عمل صحة التوقيع لعقد تمليك شقة
يعنى أنا مثلا إشتريت شقة تمليك والعماره غير مسجله بالشهر العقارى
1) عاوز أعرف ايه إجراءات عمل صحة التوقيع بالتفصيل بالله عليكم ضرورو ى جدا جدا ؟؟
2) ويا ترى بياخد فترة فى حدود كام يوم حتى الحصول عليه ؟؟
3) وما مدى قوته القانونيه فى إثبات الملكيه ؟؟؟
يا ريت اللى عنده اى معلومه ميبخلش بيها لأنها ممكن تكون مهمه أوى ليا ..
وجزاكم الله كل خير مقدما على تعبكم ،،،،،،،،،
تعمل توكيل قضايا فى الشهر العقارى للمحامى بيتاعك
و هو بيتعامل و بياخد من 3 لى 6 شهور حسب المعاد الهتدهولك المحكمه
قوته القانونيه ان لو البعلك باع لى حد غيرك عقدك انتا بيكون اقوى و مثبت و ططلعو بالقوه الجبريه و ممكن تحبسهم كمان
و مبيكلفش 500 جنيه
دعوى صحه التوقيع لا علاقه لها بالعقد نفسه او السلعه المباعه هو بيكون حكم لاثبات ان الموقع بالبيع و الشراء هما الاشخاص الموقعين يعني بيأكد صحه التوقيع بس
اجراءاته زي الزميل MInicoper قال حضرتك بتعمل توكيل للمحامي في الشهر العقاري و بحدد جلسه للدعوى في المحكمه لو البايع حضر الجلسه دي بيحكم القاضي لو محضرش بيأجل لجلسه تانيه لو محضرهاش بيحكم في كل الاحوال بصحه التوقيع بعد كده المحامي بيجيب لحضرتك نسخه معتمده العقد بعد صحه التوقيع
و فعلا الموضوع ده كله ممكن يأخد وقت من 3 الي 6 شهور حسب زحمه القضايا في المحكمه او هيتحكم من اول او تاني جلسه
جزاك الله خيرا ياباشااقتباس:
المشاركة الأصلية كتبت بواسطة minicooper20
والله أفدتنى كتير جدا بردك كتر خيرك
اقتباس:
المشاركة الأصلية كتبت بواسطة yaserbasha2000
جزاك الله خيرا ياباشا
معلش بقى إستفسار تانى لو سمحت هتعبك معايا...
هو اللى باخده فى الأخر يعنى نفس العقد بتاعى وعليه ختم من المحكمه مثلا
يعنى صحة التوقيع ده بيبقى عباره عن ايه
كلام مكتوب ولا ختم مثلا ولا ورقه فيها حكم محكمه يارب تكون فهمتنى ؟؟؟
متابع اوي جيه في وقته الموضوع ده
هتاخد العقد مختوم و معاه صيغة الحكم من المحكمة
بس صحة التوقيع لا تعني صحة العقد
قانونا ثبات الملكية باسبقية التسجيل يعني لو اللي باع لك راح باع و سجل لواحد تاني هو المالك (انت بصحة التوقيع تقدر تقاضيه عشان النصب و تخش في سكك المحاكم ........ بس هو موقفه اقوى)
حتى صيغة حكم صحة التوقيع القاضي بيقول انه بس بيحكم ان فلان هو الموقع على العقد و بس بدون تعرض لمنصوص العقد
و ده يحميك من حاجتين : 1- الانكار : ما يقدرش ينكر انه هو اللي مضى الورقة و 2- الطعن بالتزوير سواء من البائع او الورثة ...... لان بالحكم ده المحكمة بنفسها بتشهد لك انه هو اللي ماضي .........
بس مهما كان التسجيل اقوى مليون مرة ...... بس لو مش هينفع تسجيل لأي سبب يبقى صحة توقيع ارحم بكتير من ورقة عرفي !
فى عقد بصحة ونفاذ
ممكن معرفة مدى قوته
وايه اجراءاته
كلنا هذا الرجل :ma(36):اقتباس:
المشاركة الأصلية كتبت بواسطة abokoko
ياريت حد من الاخوه المختصين او العالمين ببواطن الامور يوضح لينا الفرق بين صحه التوقيع والصحه والنفاذ وكم التكلفه تقريبا من اجور المحامي وايها اقوي
التفاذ تقريبا زي التسجيل بس بتحتاج وقت و فلوس و اجراءات اضعاف مضاعفة
مش حاجة standard زي صحة التوقيع
متابع ....و لى استفسار بمناسبه الموضوع ده لو سمحت ...
ازاى اضمن ان الشقه مش مباعه لحد تانى غيرى و انا بأشترى ....هل التسجيل فى الشهر العقارى كافى مثلا ؟
اقتباس:
المشاركة الأصلية كتبت بواسطة أحمد كمال
إيه ياباشا ده أستاذ قانون مدني ... طبعا ما فيش كلمة بعد كدة:Bravo:
اقتباس:
المشاركة الأصلية كتبت بواسطة abokoko
الفرق بين صحة التوقيع ودعوى الصحة والنفاذ ... إن الدعوى الأولانية القاضي بيحكم في الدعوى دون التطرق نهائيا لموضوع العقد ... يعني مابيبصش نهائي أصلا العقد ده بيتكلم في إيه سواء بيع عربية أو شقة أو حتى عجلة
لكن دعوى الصحة والنفاذ ... بيكون العقد وموضوعه ومحله وشروطه وأحكامه بالكامل محل نظر القاضي ... وهل هى متفقة وصحيح القانون أم لا ...
دعوى الصحة والنفاذ يمكن التسجيل مباشرة بها في الشهر العقاري لأن الحكم فيها يعتبر عنوانا لصحة البيع وأحكامه وشروطه وكافة ما يتعلق به
ولكن في النهاية يكون انتقال الملكية في العقارات "والعقارات فقط" بالتسجيل في الشهر العقاري
يعني لو واحد باعلك أرض أو شقة وبعد كدة رفض الإعتراف بالبيع ورفعت انت ضده دعوى صحة ونفاذ عقد البيع وبعد جلسات المحكمة حكمت المحكمة لصالحك بالصحفة والنفاذ فعلا وبعد كدة انت كسلت تسجل البيع في الشهر العقاري وراح البائع باع مرة تانية لشتري آخر حسن النية وراح سجل على طول في الشهر العقاري تكون الملكية انتقلت للمشتري الآخر من تاريخ التسجيل في الشهري العقاري ويكون للمشتري الأول فقط الرجوع بالتعويض على البائع ... أما حتة إبطال عقد البيع الثاني ده موضوع كبير ويطول شرحه .. لكن مثل صغير عليه كدة وهو بإثبات سوء النية للشتري الثاني
حضرتك تقصد الثانى سجل لنفسه فى الشهر العارى تسجيل بيع ناقل للتكليف -- وليس صحة توقيع من المحكمه -مش كدهاقتباس:
المشاركة الأصلية كتبت بواسطة d . A .\ ayman
لانه عمل صحة توقيع فالصحه والنفاذ اقوى - صح ولا انا فاهم غلط
؟؟
انا بسال علشان حجيه الاوراق اللى باقبلها فى ملف المشترك ( فى شركة الكهرباء )
ولو حضرتك مش هتزهق هنزود الاسئلة مستقبلا
وده اكيد بعد اذن صاحب الموضوع
اولا شكرا على المعلومات القيمه دى
بس ليا سؤال هو التسجيل فى الشهر العقارى ايه اجراءاته وبيتكلف كام
طيب ...... بالنسبة لسكان الرحاب و مدينتي و غيرها من الكومباوندز اللي ادارة الكومباوند بترفض تسجيل العقود عشان تاخد رسوم نقل ملكية مبالغ فيها ......
هل ينفع قضية نفاذ في الحالة دي سواء لتسجيل البيع بين الشركة و المالك الأصلي ... أو لنقل الملكية بين المالك الأصلي و مشتري منه؟
لازم سلسلة الملكية كلها تتسجلاقتباس:
المشاركة الأصلية كتبت بواسطة eslamrace
زي ما مثلا بتشتري عربية ...... بيبقى فيه شهادة بيانات من التوكيل + عقد بيع من التوكيل لاول مالك
لو انت تالت مالك يبقى لازم عقد بيع مسجل من المالك الاول للتاني عشان انت تعرف تبيع من التاني للتالت
في البيوت لازم عقد الارض يكون مسجل و فيه رخصة سليمة و ورق من الحي و افلام هندي عشان تعرف تسجل
اقتباس:
المشاركة الأصلية كتبت بواسطة abokoko
بالضبط كدة ... أنا قدامي واحد معاه حكم محكمة بصحة ونفاذ عقد بيع لبيت تاريخه مثلا في 2009 لكن ما سجلوش ... والتاني معاه عقد مسجل في الشهر العقاري تاريخه في 2011 ... برغم إن الأول هو اللى مشتري الأول لكن الثاني بيكون هو المالك الرسمي أمام أي حد .. لأنه عمل التسجيل الأول .. لأن الملكية في العقارات لا تنتقل إلا بالتسجيل في الشهر العقاري فقط
اقتباس:
المشاركة الأصلية كتبت بواسطة أحمد كمال
الواقعة دي هى أساس دعوى الصحة والنفاذ .. انت اشتريت عقار لكن البائع مش عايز يسجلك في الشهر العقاري لأي سبب فانت بترفع الدعوى عشان تسجل بالحكم بتاعها .. والمشتري من المالك الأصلي لما بيرفع الدعوى في الحالة دي بيختصم الشركة كمان مع المالك الأول عشان الحكم يكون نافذ في حقها
بس برضه نرجع لشروط وأحكام العقد مش يمكن في شرط بين البائع والمشتري إن التسجيل لا يتم إلا بعد استيفاء حاجات معينة "زي سداد أقساط أو البناء بأسلوب معين زي الشرط بتاع الجهاز نفسه في أي حاجة بتتبني في التجمع كله" وطبعا المشتري قبل هذا الشرط بالتوقيع على العقد "أنا معرفش طبعا العقود بتاعة مدينتي والرحاب عاملة إزاي" .. وعموما كل شروط العقد وأحكامه بتكون محل نظر من المحكمة وهل هي صحيحة ومتفقة مع القانون أم لا ...
في قاعدة جوهرية هنا ... وهي إن أي شرط في العقد تم الاتفاق عليه بين البائع والمشتري بيكون صحيح ... إلا إذا خالف أحكام ونصوص القانون ... هنا بس المحكمة بتحكم ببطلان الشرط
طيب انا معايا تسلسل الملكيه والترخيص وكل دول مسجلين بس انا معايا صور منهم بس وانا اول مالك فالسؤال التسجيل للمكان بتاعى ايه اجرائاته وبيتكلف كاماقتباس:
المشاركة الأصلية كتبت بواسطة أحمد كمال
وشكرا
معرفش التكلفة بس خلاص مادام معاك كل حاجة مسجلة ممكن انت كمان تسجلاقتباس:
المشاركة الأصلية كتبت بواسطة eslamrace