الموضوع: حكايتي مع بروتون جين 2

المشاركة الأصلية كتبت بواسطة sasa37

بسم الله الرحمن الرحيم

حكايتي مع بروتون جين 2


أنا أسمي / صهيب محمد و أتشرفت بعمل رحلة مع أصحاب المنتدى والأعضاء الفاعلين فيه وبصراحة كلهم شخصيات محترمة جدا جدا

أهلا بك يا أستاذ صهيب و نورت المنتدى و مبروك عليك العربية


وفي النهاية أستقر رأيي علي البروتون جين للعديد من الأشياء

أولا: أدائها المميز اللي جربته مع واحد صاحبي عنده نفس العربية ومقارنته مع أداء عربيات تانية زي الكيا سيراتو 2012 اللي مع والدي ولقيت الجين تكسب بارتياح سواء في التسارع

أعتقد يا أستاذ صهيب أن السيراتو تكسب في التسارع ... موتورها أقوى .
أو الثبات والاتزان والمرونة
دي معاك فيها تماما و أنت تقصد المرونة في المناورات صح ؟
ودي مكناتش المقارنة الوحيدة لأني قارنت برده مابين الأوبترا والماتريكس وبدوت تحيز البروتون جين تكسب .

ثانيا : الشكل الرياضي المميز الذي يتناسب مع روح الشباب والروشنة المطلوب إثباتها ( فاهمني طبعا )

ثالثا : السعر المناسب جدا بالمقارنة مع باقي السيارات في مثل فئتها وخصوصا لو ها تشتري مستعمل ( سعرها مثل الأفيو تقريبا مع الفارق الرهيب في الإمكانيات ) .

رابعا : وجود إمكانيات وكماليات لا تتوافر في العديد من السيارات في مثل فئتها مثل السنسور بارك والفوج لايت والطارة والكراسي والعفشة الرياضية والكاسيت البلوبنكت الألماني ونظام الفرامل المتطور ( abs – ebd ) والجنوط الرياضية والأمان ( 2 وسادة هوائية ) والمفتاح بريموت مشفر وطارة مالتي فانكشن ومثبت سرعة وأسبويلر وغيرها من الكماليات التي لا تقارن مع أي سيارة أخري في نفس الفئة بنفس السعر .

خامسا : ارتياحي للصناعة الماليزية التي أري أنها أفضل نسبيا من الصناعة الكورية وخصوصا مع التطوير المستمر الذي تنتهجه شركة بروتون من شراء شركة لوتس الإنجليزية العريقة وتطوير محركات الكام برو الخاصة بها .

سادسا : سؤالي علي قطع الغيار في العديد من المحلات الذي تبين توافرها بنفس الأسعار تقريبا للكوري وإن كانت أغلي قليلا في بعض الأجزاء .

سابعا وأخير ا : رضا زوجتي المصون علي شكل العربية وإمكانياتها ودي نقطة مهمة لأن من غيرها يبقي مافيش شراء يا حبيبي .._.


لذا توكلت علي الله وقمت بالبحث

:n_no[1]:

حتى اهتديت إلي سيارة جين2 موديل 2008 أوتوماتك عداد 50000 كم وقمت بشرائها والحمد لله .

طيب لو سقت الموتور الجديد هاتقول أيه ؟
لما أنت بتقول كدا على القديم .... ده أنت هاتغير رأيك تماما في العربية و تعتبرها صاروخ أرض جو .

بالتجربة تبين لي أنها سيارة رائعة بمعني الكلمة وتستحق كل مليم دفع فيها وان كانت أبرز العيوب بها :

التقفيل الداخلي للسيارة غير جيد ويتضح هذا في أن الحلية للأبواب ممكن تتخلع وجميع البلاستيكات الداخلة في التصميم الداخلي ضعيفة للغاية فمثلا تروس التكييف عند تحريكها بقوة خرجت في يدي ويد تحريك الكرسي انكسرت وأنا برجع الكرسي لورا وكذلك باب المخدع أتفك لما لعب فيه أخويا الصغير ( من الأخر الخامات اللي داخلة في التقفيل ضعيفة شوية وده ممكن يتعالج بالاهتمام بالعربية ومعاملتها حسب لوائح حقوق السيارات العالمية ._. )

وعلي فكرة أنا كنت عارف إن التقفيل مش قد كده قبل ما أشتري وبالتجربة أتأكدت بس يعني عربية فيها كل المميزات السابقة بسعر مناسب وموتور قوي مش ها تفرق بقي الخامات والتقفيل طالما بحافظ علي عربيتي وكلها حاجات بتتعالج بسهولة .

ونصيحة مني لو عايز تشتري بروتون حاول توقع حاجة مستعملة نظيفة أفضل من الجديد لأن سعر إعادة البيع للبروتون أقل من الكوري وده طبعا بسبب نفسية المستهلك المصري اللي بيتعامل بطريقة اللي أعرفه واللي متداول كتير أحسن من اللي معرفوش ولسه هاجربه ، وبكده لو أشتريت بروتوناية مستعملة تبقي ضربت عصفورين بحجر خدت عربية جميلة بسعر مناسب وفي نفس الوقت لما تيجي تبيع مش هاتخسر كتير .

وبكده أكون أديت ملخص للي حصل معايا وأن شاء الله في الجزء الثاني هاكتب الحاجات اللي صرفتها علي العربية عشان تبقي سنيورة .

وأخيرا أحب أدي مليون تحية وسلام لرئيسنا الهمام محمد مرسي

وأدعيله إن ربنا يوفقه ويعينه ويرزقه البطانة الصالحة وحال البلد ينصلح علي إيده أمييييين يارب

ربنا يباركلك في العربية
و يوفق ريسنا الجديد .