لأ بجيب الأصلي الـ120 مل بحوالي 1300 بس مبيتباعش غير في مزايا.
هو على فكرة غالي عشان مكوناته طبيعية فلما يبقى تركيب عمره ما هيكون زي الأصلي..
عرض للطباعة
خد بالك 212 انا بحس انه اختلف شويه عن ايام زمان
والـ Sexy ضعيف لو قارنته بالاكوا دجيو تلاقي الدجيو اثبت منه ( بغض النظر عن اختلاف الرائحه والعائله العطريه بين الاثنين )
ملاحظة : انت اول واحد اشوفه يزم فى كريد SMW
لو عايز تجيب كريد بعد كده لو عندك حد فى السعوديه خليه يجبهولك من هناك لانه بيكون فى سعات عروض حلو اوي من حوالى شهرين او تلاته كان فيه عرض هناك وكان تقريبا بحوالى 650 ريال تقريبا
تحياتي
هو ال Sexy ده رجالي اصلا ؟
في منه رجالي وحريمي
ده الرجالي
http://www.theperfumeshop.com/pws/im...large/7581.jpg
وده الحريمي
http://www.mimifroufrou.com/scenteds...exy_bottle.jpg
هي الحاجات دي بتبقى أذواق :)
على فكرة في مضروب كتير بينزل منه و بيبقى صعب تفرقه عن الأصلي, فأي حاجة أقل من السعر اللي بتنزل بيه هنا هشك فيها على طول لأن سعرها الأصلي بيتراوح بين $200 , 300$ و الحاجات دي صعب يتعمل عليها تخفيضات لأن بيبقى ليها سوقها المخصوص..
بصراحة ازواقكم روعة انا اشتريت فهرنهايت وطلعت حلوة
السعر : 153.64 $
ودي اللينك :
Silver Mountain Water Cologne for Men by Creed
رأيي الشخصي - برغم حبي ليه - انا شايف انه مينفعش يندفع فيه أكتر من 850 جنيه ومكنش ليها لازمه مضاعفة تمنه بالطريقه المبالغ فيها دي كفكر تسويقى اعتقد انهم كدا هما الى خسرو لان مبيعاته قلت كتير جدا حتي فى الخليج بقو بيستغلوه بعد ما ارتفع سعره
انا لا أثق تماماً في مواقع بيع العطور من على النت دي, لأن بيبقى في مضروب كتير خصوصاً لو حاجة زي كريد.
هو غالي لسببين الأول لأسمه طبعاً, و التاني لأن عطورهم كلها بتبقى مكونات طبيعية بيكون فيها حاجات نادرة و مبيكونش فيها مركبات كيميائية..
هي بتتسمى Niche fragrances زي مثلاً كمان في Micallef أو Clive Christian و في غيرهم.. دي ناس متخصصة في العطور فقط و مبيبقاش هدفهم الأنتشار في السوق عشان كده أسعارهم عالية لأنهم بيهدفوا لقطاع معين زي المشاهير مثلاً أو الرؤساء و الملوك.. فمش وارد بالنسبالهم أن يبقى في تخفيض في الأسعار زي مثلاً مش هتلاقي بورش عاملة تخفيض على عربية باناميرا فناس أكتر تشتري لأن هما أصلاً ليهم سوقهم الخاص..
عكس بقى الـDesigner fragrances زي مثلاً Dior أو Versace و غيرهم كتير, دي بيوت أزياء ليها خطوط أنتاج للعطور و عادي تلاقي فيهم أسعار قليلة و حاجات نازل عليها خصم عشان تنتشر.. على الرغم مثلاً صعب أوي تلاقي Chanel مثلاً عاملة عرض وللا حاجة لأنها برضه بتهدف لفئة معينة من العملاء..
موضوع جميل ومفيد خصوصا للي معلوماتهم في العطور صفر زيي
بس يا ريت االي يقول عن برفان يقول تمنة
ويا ريت اماكن البيع الموثوق فيها
وكمان افضل ناس بتعمل تركيب
عشان الفايدة تكمل
اولا بخصوص مواقع بيع العطور فى أكتر من موقع مضمونين زي الموقع الى ذكرته قبل كده وده يعتبر أكبر وافضل موقع لبيع العطور فى العالم كله
وناس كتير بتفضل الشراء من النت عن الشراء من مصر لان الرائحه بتكون اكثر ثبات وجمال من نفس العطر المباع في مصر - لو جالك برفان من اوروبا حديثا هتحس بفرق بينه وبين الى انت شاريه من مصر - مش عارف دي مسأله نفسية ولا ده بيكون نتيجة سوء تخزين لفترات طويله ولا الوكلاء فى مصر بيشترو المنتج الاقل قيمه فرز تالت هههههههه
بخصوص الشراء من المواقع المضمونه بيكون ليه عيوب : التأخر فى الوقت - الجمارك ودي ملهاش قاعده ثابته وممكن يقف عليك البرفان بسببها أغلى من لو كنت اشتريته فورا من مصر
ثانيا بالنسبة لتصنيف العطور وماركتها فعطور كريد لا تعتبر " عطور نيش "
مينفعش اننا نحط كريد فى نفس الفئه الى فيها ميكاليف وتوم فورد وكلايف كريستيان وغيرهم
ومش كل المتخصصين فى العطور زي جيرليان وكريد ومونتال واستى لودر وغيرهم كتير بتكون عطورهم كلاها نيش بيكون ليهم عدد محدود جدا من العطور الى تندرج تحت مسمى عطور نيش والباقى عطور عادية
وبرضو فى المقابل بعض الديزنرز زي ديور وغيرها بيكون لهم اصدارات خاصه من بعض العطور تندرج تحت فئة " عطور النيش "
تحياتي