هههههههههههههههههه لا ده و لا ده ... انا لا قولتلها رأيي في حاجه و لا هي معجبه ... هي لو حد معجب بحد يبصله باحتقار ؟ ازاي ؟
هههههههههههههههههه لا ده و لا ده ... انا لا قولتلها رأيي في حاجه و لا هي معجبه ... هي لو حد معجب بحد يبصله باحتقار ؟ ازاي ؟
انت كل ما تسمع ان في بنت حلوه في اي حته ترشق هههههههههههههههههههه يا راجل ركز في المسئوليه اللي عندك ربنا يعينك و الف سلامه علي العربيه
والله انا فخور بأهلى وفخور بأبويا انه محترم ومش زى البهوات التانيين ...
زمان لما كان عندنا العربية القديمة كان حاطط عليها البدج بتاع النيابة لما رجعنا من الاعارة وجبنا عربية
مرضاش يحط عليها ! قالى بلا قرف :d
انا عشت 6 سنين مع الناس دى ومن كل بلد فى مصر وعارفهم واتعاملت معاهم فى ناس محترمة بس دول
قليلين اوى .. بيخافوا جداا !! ازاى قاضي يخاف !! وياريته خايف من الموت ده خايف يرجعوه مصر !!
سكريين لو كان عاش معاهم كان هيقول اكتر من اللى انا بقوله انا ابويا يقولى انا مستحيل اجوزك بنت مستشار ! هو نفسه كرهم
لما تشوفي مستشار هنا تحسي انه محترم اوى لكن شوفيه بقى فى الغربة بره !! هتلاقى واحد تانى
فى الانتخابات واحد من البهوات بعت جاب شيشه فى اللجنة !! وواحد تانى قفل اللجنة وراح قعد على القهوة يشيش !! دى ابسط حاجة ممكن يعملوها
وواحد رئيس استئناف زي ابويا كده دى اعلى حاجة لحد المعاش قفل اللجنة الساعة 12 الظهر واتصلوا بيه قالهم اصل انا تعبان وعملت اشعة وطلع فى الاخر ان فرح بنته كان في نفس اليوم !! عشان كده خلع !
دى ابسط حاجات ياريت تيجى على كده انا لو فضلت احكى عليهم مش هخلص
واسف للأطالة
انا شكلي هعمل زي ما شنوري ما قال
هرميها تحت القطر هي و ابوها
بس و مالو اما تاخد العربيه معاك علي البيت :tongue32: اهو ع الاقل تتطمن عليها
و بعدين احنا نعمل مقابله م المنتدي ف بورسعيد يا اما تيجي انت القاهره عشان نفهم القصه دي بالظبط من اولها
المهم هي لو اصغر منك يبقى مالهاش حق
بس دا تقل يابا , دي كدا عايزه توقعك بس بطريقتها بقى :tongue32:
هههههههههههه ان شاء الله هحاول اجي المقابله الجايه ... هي تقريبا اصغر مني ب 3 سنين
توقع مين بس ؟ هو انا لاقي اشرب ههههههههههههههه
انا فعليا فكرت اتقدم لاختها الاصغر قبل الثوره بس لما قامت الثوره و فلست غيرت رأيي
الحمد لله
واللهي يا اسكرين ياحبيبي انا شفت العنوان افتكرت انك عاكست بنت ولا بصبصتلها وخايف من ابوها اتاريك بصيتلها بقرف وهيا بصتلك بقرف ولبستها في الرصيف هههههههههههه
فانا فهمت الموضوع غلط هههههههه
ههههههههه ان شاء الله يا حج وربك يسترها
ahmedsamir5edr
هو انا مبعوتلى ديسلايك
على ان شاء الله
وربك يسترها
بصراحة أنا مش فاهم الموضوع خالص
واحدة كانت بتستأذنك إنك تطلع من المكان عشان هية هاتركن نص ساعة بس وماشية .. وهية شايفة إن ده سبب يجعلها الأولوية لإنها شافتك وانت بتجري تلحق المكان وهية مش هاتعرف تجري زيك ... وعلى فكرة في ناس كتير جدا بتعمل كده (مش شرط بنت مستشار يعني) وعادي بننفضلهم ... ساعات في ناس بتطلع لبعض برضه عادي
وإجابتك كانت بالرفض إنك مش هاتطلع عشان خاطرها ... وده حقك طبعا وعادي برضه وأعتقد أغلبنا بيعمل كدة
طبيعي جدا يكون رد فعلها إنها تضايق منك لأنها كانت متوقعة انك تقدرها كأنثى ... -كلهن كذلك- ... والبصة بقرف نتيجة طبيعية للضيق ده (طبعا إحنا ماشوفناش البصة شكلها إيه .. دا انت اللى بتقول .. يمكن انت عندك حساسية منها ومن أبوها أصلا وخدت الموضوع على أعصابك)
ومن الطبيعي جدا جدا كمان إن أبوها لو عارف إنك السبب في إنها تلبس في الرصيف وعربيته اللى صارف عليها دم قلبه "اتخرشمت" على حد وصفك يكون متضايق منك وبرضه نتيجة للضيق ده هايبان على وشه وهو بيبصلك (البصة اللى انت بتقول عليها إنها بقرف برضه .. يمكن انت شفتها بقرف عشان متوقع كده)
أنا مش قصدي أكدبك في حاجة (واعذرني ان كنت فهمت كدة مني) ولكن ما أقصده إن الموقف ده عادي جدا بين أي اتنين وردود الفعل فيه طبيعية جدا ...
إيه علاقة بقى إن هو وظيفته مستشار بالموضوع ... وليه الموضوع قلب في السبب إن هو مستشار ..
وهل لو هو مش مستشار كان زمانه تقبل إنك تسببت في خرشمة عربيته وجه كمان باسك أول ما يشوفك وياخدك بالحضن ويعزمك على حاجة ساقعة .. أنا مش فاهم إيه علاقة دي بالموضوع
على فكرة أنا فاهم قصدك إنك كنت بتضحك وده واضح من عنوان الموضوع وأنا أصلا بحب أقرأ مواضيعك وفاهم اسلوبك ... لكن بقية الأعضاء المشاركين غيروا مسار الموضوع لأسلوب مش كويس .. وفيه تهكم شديد وغير مقبول على ناس أحسبهم من أقل الفئات في مصر فسادا
والوقائع اللى أحد الأعضاء ذكرها عنهم في الانتخابات نصها كان مجرد إشاعات وما ثبت بالفعل يتم التحقيق معهم بشأنه
--- وصراحة إذا أردت تقييمي لما قصصته في الموضوع وأرجو أن يتسع صدرك لرأيي ...
حيث أرى أنك مخطئ في رد فعلك ... فرد الفعل يجب أن يكون مساو في المقدار .. لكن انت لبستها في الرصيف مع علمك أنها أنثى وأعصابها خفيفة في السواقة .. لمجرد انها بصتلك بصتين مش عاجبينك .. طب ما تبصلها انت كمان بقرف وخلاص وخلصنا .. أو احتسب عند الله .. وهو أفضل .. وخده منها يوم لا ينفع درهم ولا دينار ... لكن أنا شايف إن تصرفك غلط وقد يكون لها حق عندك
وهدانا الله أجمعين لما يحبه ويرضاه
انا لو مكانك وواحدة باصتلى بقرف مش هرمى عليها بالعربية انا هحرججها او بصلة بصة زى بتاعتها
مفيش سبب ... انا بحكي موقف حصلي مع حبايبي علي المنتدي ... لو حضرتك شايف ان الموضوع تافه مفيش مشكله ... كل واحد حر في رأيه
ده العادي ... العضو ده بيبعتلي 30 ديسلايك في اليوم ... تعرف لو بعتلي 29 ديسلايك بس ... ميجيليش نوم ههههههههههههههههههههههههه ههه
ههههههههههههههههههههههههه عشان يجيلي جلطه في المخ
بص حضرتك
دلوقتي لسه راجع من مشوار و عايز اركن و اطلع الطلبات اللي معايا تمام
تقوم تيجي تقولي امشي من هنا عشان اركن انا لاي سبب ؟
ده مش كلام منطقي
و يعني ايه انثي ؟ مش كفايه اللي هما عايشينه ... بالعكس لو واحد صاحبي كنت هطلعله و انا مبسوط ... بلاش اتكلم عشان انا مبقوق ههههههههههههههههه
انا بقي رفضت بمنتهي الاحترام و العقلانيه تقوم تبصلي بقرف ليه ؟ علي فكره هي صاحبه اختي جدا ... يعني لا في تقدير للجيره و لا لفرق السن و لا عشان اختي صاحبتها ؟ اظن عيب لما تبصلي كده
ماشي ابوها بصلي بقرف انا مش بعتب عليه بالعكس ده اقل واجب بس المفروض يربي بنته الاول ... انا عارف ان رد فعلي اوفر اوي جدا ... بس انا و الله من اكتر الناس اللي بكبر دماغي و اكيد حضرتك متابع و عارف ... بس ساعات بتقفل معايا ... هي جت كده معاها ... نصيبها و نصيبها هيصيبها
انا خفت بس لاحسن ابوها يحاول يستغل منصبه و يأذيني في اي شئ ... الله اعلم بالنفوس
الاعضاء اللي بيتريقوا علي المستشارين هما احرار ... انا ليا اقارب مستشارين و معلقتش عشان كل واحد حر في رأيه و كل مكان فيه الحلو و الوحش
انا عارف ان رد فعلي اوفر زي ما قلت بس انا راجل محترم و ماشي جنب الحيط و محبش عيله صغيره تبصلي بصه مش و لابد
انا اصلا مكبر دماغي خصوصا من تصرفات البنات العجيبه ... بس ساعات بتقفل معايا و جت فيها بقي ... نصيب
ههههههههههههههههههههههههه ههههههههههههه
شكلك هتتنفخ اساحبي
ابوها شكله بيلعب حديد في المحكمه
ههههههههههههههههه علي فكره مينفعش غيابك ده يا عم احمد
+111111111111
حاسس النفاق بيشر من الموضوع ده
يعنى انتا يا استاذ احمد غلطاااااااااااااااااااااا اان وكمااااااااااااان زعلان
دى لو اختك ترضى حد يعمل فيها كده وكمان فرحان ؟؟؟؟؟؟؟؟؟؟؟؟؟؟؟؟؟؟
انا عن نفسى لو اختى كنت ولعت فيك وفى عربيتك:w6266d
والمهم ان الكل ساب اللى غلطان ومسك فى المستشار والراجل متكلمش اساسا وواضح انه محترم ومرضاش ينزل لمستواك ده فى سواقين ميكروباص مبيعملوش كده
اتمنى ان كل اللى يرد بعدى يقول رد فعله لو جاره اللى معملش حساب للجيرة عمل فى اخته كده
لقد خالفت القاعدة رقم 12 من قوانين المنتدى والتى تمنع التهكم والهجوم على الاعضاء وبناء عليه فقد استحققتم الايقاف لمدة اسبوع .
نفاق ايه حضرتك ؟اقتباس:
حاسس النفاق بيشر من الموضوع ده
و الله اختي محترمه و متربيه و عمرها ما تتكلم مع واحد غريب في الشارع اصلا مش هقولك تبصله و لا متبصلوشاقتباس:
دى لو اختك ترضى حد يعمل فيها كده وكمان فرحان ؟؟؟؟؟؟؟؟؟؟؟؟؟؟؟؟؟؟
و دي لو كانت اختك و كنت جيت اتكلمت معايا كنت هقولك كلام مش حلو خالص و اظن كلامي مفهوماقتباس:
انا عن نفسى لو اختى كنت ولعت فيك وفى عربيتك
معلش بقه مستوايا مستوي سواقين الميكروباصات و ربنا يعين الناس النضيفه دي عليا و يستحملونااقتباس:
وواضح انه محترم ومرضاش ينزل لمستواك ده فى سواقين ميكروباص مبيعملوش كده
ياااااااااااااااااااااااا ااااااااااااااااااااا رب
يا استاذ مش الجدعنه ان الواحد يعمل كده فى بنت واللى يعمل كده يبقى -----
ويا ترى يا عم البطل لو كان الموقف ده مع راجل كنت عملت نفس اللى عملته ؟؟؟؟؟؟؟
اقولك انا لا طبعا
والدليل انك اعد خايف وميت فى جلدك احسن ابوها ----- ويعمل معاك -----
ايه الالفاظ و طريقه الكلام دي ؟ ايه الشتيمه اللي انت قاصصها و لا كلمه السليمه ؟ سليمه ايه ؟ احنا قاعدين فين ؟ استغفر الله العظيم ... تم تقديم مشاركه سيئه
خايف و ميت في جلدي ؟ لا حول و لا قوه الا بالله
كل اناء ينضح بما فيه
و الله انا كفيل اني ارد عليك بنفس طريقتك دي و لكني بحترم المكان اللي انا فيه
في انتظار رد الاداره علي الاهانات و الالفاظ دي
تم عمل شكوي
علي فرض انك بتقول الحق ... قوله بس باحترام و بادب ... انت متعرفنيش عشان تتكلم بالطريقه دي و لا احنا قاعدين علي قهوه عشان تقول الملافظ دي
لقد خالفت القاعدة رقم 12 من قوانين المنتدى والتى تمنع التهكم والهجوم على الاعضاء
وبناء عليه فقد استحققتم الايقاف لمدة اسبوع
الموضوع فيه تناقضات مش فاهمها ومستغرب أنك فخور وأنت بتحكيه
الأول أنت قولت أنك سابقتها علشان تركن الأول وهى قالتلك أنها ماشيه تانى بعد نص ساعه , ومستغرب أنها بصتلك بقرف
طب لو أنت مكانها مش كنت هتقول أيه قلة الزوق دى
وبعد كده لما بصتلك بقرف رحت أنت مزنق عليها وطلعتها على الرصيف وكسرت عربيتها, وفضلت تضحك نص ساعه !!!!!!!
بصراحه مش عارف أزاى حد يعمل كده ,
وبعد كده أبوها بصلك بقرف وأنت مستغرب أنه عمل كده
أنا شايف أنه راجل فى قمة الأحترام والذوق أنه عمل كده وبس , يعنى تزنق على بنته وتطلعها على الرصيف وتكسرلها العربيه وشايف أنه أزاى يبصلك بقرف , لو حد عمل كده مع أختك كنت هتبصله بقرف بس
وشايف أن اللى البنت عملته ( أنها بصت بقرف ) محتاجه تقول أن أبوها يربيها الأول
وبعد كل ده بتقول أنها صاحبت أختك جدا ومفروض هى اللى تعمل حساب للجيره والسن
وكمان كلمة " مش كفايه اللي هما عايشينه" اللى أنت قولتها دى غريبه وأيه علاقتها بالموضوع
أعتقد الموضوع مش ركنة عربيه , فيه مواضيع تانيه قبل الموقف ده وأنت مقولتهاش بدليل كلمتك أنك مبقوق
لأن لو الموضوع زى ما أنت حكيته بس , تبقى أنت ليه عايز تشوه صورتك فى المنتدى بتصرفاتك دى , لأن محدش يعمل أبدا اللى أنت عملته
كلام متناقض و عقليات غريبة الرأى و عكسه فى نفس السطر
ربنا يصبرنا على الى احنا فيه
صاحب الموضوع تم ايقافه يا جماعه يا ريت تستنوا عليه لحد ما ينتهى ايقافه وبعدين تحاوروه تانى لانه مش حيقدر يرد على ردودركم
او يتفضل البديل بتاعه ويقوم بالرد واحنا حنعتبره هوا برضه ما كلهم وااحد فى الاخر
فليتفضل