عايزة اعمل حاجة للمستقبل و اللى معايا 25 الف
السلام عليكم و رحمة الله و بركاته
اخواتى اعضاء المنتدى زى ما العنوان بيقول
انا باشتغل مدرسة و ده كل اللى معايا فكان نفسى جدا اشترى مثلا شقة ( و لو حتى بالتقسيط ) و اجرها ايجار جديد مثلا و تبقى كدخل ليا و لوالدى
بس مش عارفة فين و ازاى
يعنى كان فيه اعلان عن شقة فى اخر ممترو مصطفى النحاس ب 58 الف و ممكن تقسيط و بعدين صاحبتى قالت لى دى بتبقى فى عزبة الهجانة و عشوائيات
فيا ريت حد يدلنى
او يقولى مجال ممكن استثمر فيه
هو انا ايوة حلم حياتى انى ابنى بيت بس صعب جدا متهيالى و اللى معايا مبلغ قليل
الله يبارك فيكم حد يدلنى ايه اللى ممكن اعمله
و اذا كان فيه فرصة شقق فى اسكان الشباب او زيها يقولى و ربنا يجازيكم كل خير