الموضوع: الرجاء إفادتي بخبراتكم بسرعه للأهمية فيكترا 1600 مانيوال

اولا لازم تبقى عارف عدة حجات الاول
اولا الموتر كالاتى
1600 منوال 8 صباب 77 هورس بور دة نزل من 96 الى 2003 ودة بيسموة المتور الاسود ودة قليل الاعطال التكنولوجيا لزيزة عشان كدة اعدة فترة طويلة مطلوب وكمل من موديل b1 الى b2
ثانيا متور 2000 سىسى الاسود بردو ودة نزل من 96 الى 99
ودة 101 هورس بور مش محبز اوى عشان بيسحب بنزين اكتر بس جريتة كويسة كونة متور كبير بس حررتة اعلاء شوية بس كدة
ثالثا 1600 الاوتومتك ودة نازل متور الايكوتك
طلعتة مش بطالة بس مذتة انة اوتومتك ودة نزل من موديل 2000 الى 2003
رابعة 2000 اليكوتك
ودة 137 هورس بور ودة نزل اتومتك وفى منة منوال بس كام وحدة بتاع 4 او 5 ودة نزل من موديل 2000 الى 2003
متور جبار سحبتة حلوة جدا قوى استهلاكة لزيز معمر مصريفة اعلاء شوية بس يستاهل
فئات الاوبل
دى اول الفئات فى الكمليات gls
ثانى الفئات فى الكمليات بمتكون 2000سىسىcd
ودى بقى حدودت الكمليات الفئة الاعلاء متثبت سرعة وشاشة وحجات كتير cdx

المشاركة الأصلية كتبت بواسطة Magico

الف شكر يا باشا على الشرح الموجز الكافي ده، بس انا افهم من كده ان ال 1600 مانيوال 96 لـ 2000 مافيهوش مشكلة و الـ 2000 الاتوماتيك بردو مافيهوش مشكلة غير زيادة في استهلاك البنزين.
طيب ياريت تقولي السعر بيكون كام و اكشف عليها ازاي

بص من خبرتى فى العربية دى الاوبل فكترا بذات محدش بيبعها الا لما بيحس انها ابتدت تصرف بغباوة عشان كدة فى حجات بتخلى اى حد من ركاب الاوبل يبعها 1- التكيف 2- السخونة 3- قطع الغيار الجديدة الاصلية غلية عشان كدة لما بتبعها بتكون هلكانة يعنى مثلا الفكترا b موديل من 97 الى 99 بتبداء من 39 الى 50 11 الف فرق ودة عشان لو حلتها مش كويسة هتصرف 10 و15 كمان ومش هترجع بردو لان ببساطة مفيش صنيعية كويسين فى مصر اصلا المهم نصحتى ليك لو ملقتش حالة شاذة او جيدة جدا متجبهاش عشان هتكرة الاوبل لو وقعت فى وحدة تعبانة
بص الاسعار متفوتة حسب الحالة وسيبك من الكيلو متر لانة كلة ملعوب فية بنسبة كبيرة جدا
اولا هتبص على 1- كبس المتور
2- التكيف لانة صينتة غلية وكفاية ان سعرة جديد اصلى 12 الف ومستعمل هيخش فى 6 وذيادة
3- الدواخل
4- العفشة
5- الاكسسورات تكون اصلية لية بقى عشان اكسدام الاصلى بالفجات استيراد ب1000 جنية فى تيوانى بس مبيظبتش شكل العربية ذى الاصلى ابدا والفونيس ب800 فى تيوانى ب400 يعنى تخلى بالك عشان الحجات دى بتفرق
6- الطبلوة والصلون ميكونش متبهدل
من الاخر لو لقيت عربية فيها 6 النقط دى تكون محظوظ ومش هتقل عن 50 الف لو اتنطط قدامة والعربية حسب حلتها
بالنسبة لل2000 الايكوتك دى بتعمل من اول 55 الى 67 الف حسب حلتها وكلتة حسب الحالة والنقط السابق ذكرها
انا عايز اقلك انى عملت حادث امامى كلفتنى 8 الف غيرت اكسدام وشبكة وفونيس وطقم تبريد سربنتينة ومراوح وشجرت تكيف وسمكرة ودوكو ومفيش ولا شسية ولا يحزنون خلى بالك لان قطع غيرها الاصلية الجديدة غلية بس انا اتعوت اجيب الاصلى لانة بيرجع شكل العربية بيغنى

المشاركة الأصلية كتبت بواسطة tamertamer

انا عايز اقلك انى عملت حادث امامى كلفتنى 8 الف غيرت اكسدام وشبكة وفونيس وطقم تبريد سربنتينة ومراوح وشجرت تكيف وسمكرة ودوكو ومفيش ولا شسية ولا يحزنون خلى بالك لان قطع غيرها الاصلية الجديدة غلية بس انا اتعوت اجيب الاصلى لانة بيرجع شكل العربية بيغنى

نفس الحادثه اللي عملتها بالظبط ونفس الحاجات اللي غيرتها بس زياده عليهم الكبوت وقربه زيت الباور ونفس المبلغ اللي صلحتها بيه بالظبط بردو :d
بس الحمدلله رجع شكلها احسن من الاول كأنها لسه خارجه من المصنع
حتي الاكصدام بلوحه الارقام الاجنبي .. لولا الارقام المصري فوقيها اللي يشوفها يقول العربيه دي مش في مصر :)
الحمدلله