أستفسار عن سفر الاطفال القصر

**amarakl** · 02-07-2012 11:55 AM

حد عنده خبره فى السفر لما الواحد يجى يسفر ولاده القصر الاحسن يعملوهم جواز لوحدهم ولا يضيفهم عنده او عند امهم
وكمان لو الام مسافره بالاولاد لازم تصريح من الاب ولا عادى وكمان لما الام تيجى تضيفهم على جوازها ممكن تعمل ده بمفردها ولا لازم الاب هو اللى يعمل ده
شكرا ياشباب

**محمد عز** · 02-07-2012 12:07 PM

لو انت معاك جواز السفر الجديد (المميكن) انت وزوجتك

مينفعش تضيف اولادك على الجواز المميكن لانه لا يسمح فيه بالاضافة

لكن لو انت او زوجتك معاك جواز السفر القديم ممكن تضيفهم عاادى سواء على جواز سفر الام او الاب شرط انه يكون الجواز القديم

ممكن الام تعمل الاضافة ومفيش شرط ان الاب يكون موجود او هو اللى يعمله

لكن الافضل انك تعمل لكل طفل جواز سفر

مثلا فى الامارات بيرفضوا يطلعوا اقامة للطفل المضاف على جواز السفر وبيطلبوا ان الطفل يكون جواز سفر مستقل

والسعودية طلعت قرار بمنع اصدار تاشيرات العمرة والحج بجوازت السفر المكتوبة بخط الايد وهكذا وتقريبا استثنوا مصر لحد سنة معينة

وهكذا

قالاقضل انك تطلع جواز سفر منفصل لكل طفل

العيب الوحيد هو تكلفة اصدار جواز السفر للأطفال مقارنتا ان اضافتهم مجانا بدون اى رسوم

**amarakl** · 02-07-2012 12:26 PM

طب وسفر الاطفال مع الام لازم تصاريح

**محمد عز** · 02-07-2012 01:36 PM

طب وسفر الاطفال مع الام لازم تصاريح

لا

**أحمد كمال** · 02-07-2012 04:32 PM

أي والد من الوالدين يقدر يعمل جوازات للاولاد

و بيمضي تعهد ان الطفل موجود حاليا داخل البلاد

لو جوازك مميكن ما ينفعش تضيف عليه حد

لو جوازك قديم ينفع ..... بس ساعتها ما ينفعش تسافر و تسيب الطفل هناك لأي سبب و ترجع

و بعض الدول بترفض اعطاء تاشيرات او دخول بهذا الشكل

و الجواز القديم بيترفض حاليا في بلاد كتير اساسا

احسن حل جوازات مميكنة و جواز لكل مواطن و خلاص :)

و اي والد من الوالدين ممكن يسافر بالطفل بدون اذن الاخر ........ الا لو فيه قرار منع سفر استصدره احد الوالدين عن طريق قاض الامور الوقتية

و الاهم ان فيه بعض الدول (زي اوكرانيا) بترفض تحرك احد الابوين بدون تصريح كتابي موثق من الاخر فلازم تعرف نظام البلد اللي انت رايح له او خارج منه