-
جنوط 17
السلام عليكم
عندي عربيه فيكترا بي 2001 , وكنت عاوز اغير الجنوط الاصلي بتاعها بجنوط 17
بدأت ادور واتفرج في المحلات عاجبني قوي جنوط MOMO 17 , الكوتش عندي 15/195/65 و الكاوتش اللي هيركب على الجنوط الجديد 17/215/45 .
ايه رايكم يا ترى هينفع عندي ولا هيأثر على العربيه في حاجه ؟؟؟
ارجو الافادة من خبراء القسم
:bye2:
-
ال 17 مش هيبقي حلو خالص علي الفيكترا
هياثر علي العفشه وهتحس بتفاصيل الطريق كله
يعني لو دوست علي حاجه صغيرة هتحس بيها
-
شكرا يا استاذ عمرو على ردك السريع
بس انا شفت عربيات فيكترا كتير بجنوط 17 , وبعدين بيرسم العربيه وبيديها شكل مميز قوي ولا انت ايه رايك ؟؟؟
-
اه وبيبقو حاطين كاوتش ارتفاعه صغير عشان الحجم
بس بيبقو مظبطين العفشه الاول عشان تستحمل
بس بردو مش مريح للعفشه
-
بص هوه متعب شوية على الطريق خصوصا لو طريق مش متسفلت كويس
و انا مش عارف هيكون ليه تأثير قوى على عفشة الفيكترا بى ولا لا
بس انا معايا استرا اتش و مركب 17 و الدنيا كويسه بس اصلا فى الكتالوج بتعها مكتوب انه يركب على العربية من جنوط 15 ل 17 بس هوه بصراحه على الطريق و انت بتجرى هايييييييل
العربية بجد ماسكه نفسها فى الملفات
و مقاس الكاوتش 17/215/45
بس بجد انت لو لركبته هتتروش زىيي من كتر النقر فى الطريق و الحفر عشان الجنط ال 17 عايز معامله خاصة بيه ده انا عندى انى اخبط العربية ولا انى البس فى نقره من كتر الروشة اللى هوه عامله فيا
بس هوه طبعا بيدى شكل رهيب للعربية
-
الف شكر على ردك يا باشا , بس الجنوط داخل دماغي قوي وشكلي هجيبه وعلى فكره انا لسه مغير المساعدين كلهم من حوالي شهرين
Content Relevant URLs by
vBSEO 3.6.0 PL2