استفسار بخصوص سائل التبريد

**elmoski** · 02-07-2012 06:44 PM

يا جماعة انا محتاج مشورتكم ضروري..

انا قدامي اوكتافيا موديل 98 عاملة 90000 و مشكلتي مع العربية دي انه بيحطلها مياه من الحنفية زي اي عربية قديمة..
هل مية الحنفية دي ممكن تكون عملت دأ و بوظت حاجة مثلا .. كمان ليا استفسار العربية دي فيها حاجة اسمها كولر زيت فيتيس يمكن في ناس مسمعتش عن الكولر ده.. المهم الكولر ده بيعدي فيه مياه التبريد عن طريق قنوات لتبريد الزيت .. البتاع ده لو اتسد من الصدأ ممكن يحصل مشاكل في الفيتيس....

سؤالي هل لو كشفت علي العربية في البتوكيل و قالولي تمام هل ممكن اغير مياه الحنفية دي بمياه خضراء ولا ممكن الصدأ يتال وتظهرلي حاجات كانت مدارية تحت الصدأ ده و يبتدي موال التسريب ؟؟؟؟

وهل فيه جهاز لقياس وجود التسريب ولا لأ ؟؟

**abokoko** · 02-07-2012 07:51 PM

دورة التبريد كلها على بعضها مش هتكون عقبه فى شراء العربيه من عدمه
عموما فى بنزينات بتعمل غسيل لدورة التبريد
وممكن تقول لهم يستخدموا الاول مزيل صدا وبتشغل العربيه لمدة معينة ممكن تكون ساعة
وبتنزل المياه وتغسل الدوره كلها وتحط مياه تبريد على نظيف

اوكتافيا مش معقوله هتكون حاطة مواسير وخراطيم اى كلام تتاكل بسهولة
اعتقد اقصى الخسائر ان وجدت ممكن تكون فى الحاجة الى تغيير طلمبة المياه
وبعد 90 الف يبقي مناسب تغييرها

**elmoski** · 02-07-2012 11:24 PM

شكرا يا باشا و ربنا يطمنك .... العربية رشة برا حتي السقف و مغيرة عفشة بالكامل و هي موافقة استيرادية هل كل ده مطمئن ؟

**abokoko** · 03-07-2012 03:24 PM

ممكن يبقي طبيعي جدا لعربيه موديل 98
لكن
الفيصل هو الكشف على العربيه كويس عند متخصص

**Gelgel2004** · 06-07-2012 09:27 PM

المشاركة الأصلية كتبت بواسطة abokoko

دورة التبريد كلها على بعضها مش هتكون عقبه فى شراء العربيه من عدمه
عموما فى بنزينات بتعمل غسيل لدورة التبريد
وممكن تقول لهم يستخدموا الاول مزيل صدا وبتشغل العربيه لمدة معينة ممكن تكون ساعة
وبتنزل المياه وتغسل الدوره كلها وتحط مياه تبريد على نظيف

اوكتافيا مش معقوله هتكون حاطة مواسير وخراطيم اى كلام تتاكل بسهولة
اعتقد اقصى الخسائر ان وجدت ممكن تكون فى الحاجة الى تغيير طلمبة المياه
وبعد 90 الف يبقي مناسب تغييرها

مده الغسيل بالحامض الخاص بالتنظيف - سولدر سيل جنك - الامريكى 10 دقائق بحد اقصى.

**aboomar22** · 10-07-2012 04:54 PM

حضرتك تقصد رشه كلها خارجى ولا دواخل كمان وعادة ولا اتوماتيك ومعروضة عليك بكام علشان اكيد الاخوة هنا تقدر تقول رايها طبعا 98 تبقى a4 وموضوع المية دا عادى اغسل الدورة وابقى حطلها مياه خضراء بس اكشف كويس على الدواخل والموتور وطبعا الفتيس ولو العربية اتوماتيك استعمل زيت فتيس اشترية من التوكيل هو غالى شوية بس مضمون