الموضوع: نصائح ل زياده الوزن

ده اسمه افترا وحرام حتي :) اكل فرخه كل يوم و اربع علب تونه و5 بيضات يعني داخلي في 50 جنيه اكل كل يوم لوحدي ليه يعني !! واصلا مستحيل اقدر اكل كل ده انا باكل في اليوم نص فرخه بفيص وبجيب اخري !!
نفسي حد يديني برنامج كويس ابن ناس كده امشي عليه ويكون معقول واقدر اطبقه من نظام اكل ونظام تمرينات ومكملات وراحه واللذي منه ... !!

اولا لازم تعرف ان الحجم العضلى اللى هتكتسبه هيكون بسبب عوامل مهمة زى النوم مش اقل من 6-7 ساعات والراحة والتركيز فى التمرين والتغذية

ركز ان تمرينك يكون 4 مرات اسبوعايا يعنى يوم تمرين ويوم راحه مهم اوى يوم الراحه عشان بيحصل استشفاء عضلى والجسم بيزيد خلال اليوم ده فبالتالى اليوم ده هتكون بتتغذى فيه كويس هتركز فى الجيم على التكرارات والتمرين ميزيدش عن 45 دقيقة

التغذية فى اليوم تاكل 6 وجبات بمعدل وجبة كل 3 ساعات ومش شرط يكون فى الوجبة اكل كتير افتكر دايما "المهم الكيف وليس الكم" يعنى الوجبة مثلا ممكن تكون طبق أرز ومعاهم قطع صدور فراخ ومتنساش انك تركز على الاكل اللى بيحتوى على البروتييييييييييييييين زى التونة والسمك واللحوم والالبان لان ده هو اللى هيزود عضلات الجسم وتركز على اربع وجبات عالاقل فيهم بروتين لو حاسس انك هتصرف كتير اشترى مكمل غذائى اوفر اسمه "واى بروتين" ودا هتاخد منه 40 جرام بروتين عالاقل يوميا بالاضافة للوجبات اللى هتاكلها فى البيت ..

المشاركة الأصلية كتبت بواسطة A7MED_PHARMA

هقولك
شايف الفورمة الي في توقيعي دي ... أنا طبيعي برضو مارست الجيم فترة .. عملت جسم حلو .. بطلت واتلهيت في الشغل..خسيت بشكل بشع
المهم
الفورمة الي في الصورة دي..أنت ممكن تعمل زيها في 45 يوم بس

بص
فضي دماغك من كل حاجة.. فضيها من الجيش ومن الشغل ومن كل الي حواليك لمدة 45 يوم

وتنزل أي محل جملة..تجيب علب تونة .. تجيب 90 علبة تونة بحوالي 300 وشوية
الــ 90 دول يكفوك الــ 45 يوم .. كل يوم علبتين


وتعمل الأتي
تلعب كل يوم بشكل متواصل
قبل التمرين بنص ساعة تضرب علبة تونة
وبعد التمرين بنص ساعة تضرب علبة تونة + كباية لبن عليها 100 جرام (بتاع 3 معالق كبار)
الباودر اسمه بايوجاينر .. النص كيلو يكفيك 5 ايام .. بـــ 32.5 ج
وتضرب بيض على أد ماتقدر ........... لو تقدر تاكل في اليوم أكتر من 10 بيضات . كــــــــــــُل

هيبقا كده اليوم بتاعك فيه .. علبتين تونة ... 100 جرام باودر ... مش أقل من 7-8 بيضات
مع التمرين كل يوم .. كل يوم
مع الأكل الطبيعي بتاعك.. هتلاقي يوم بعد يوم .. نفسك بتتفح على الأكل ... وهتاكل طول مانت صاحي ههههههههه



.
شهر ونص
وهتلاقي صدرك وسع .. ودراعك كبر وقسم .. وكتافك سقطت
وهتلاقي نفسك ماشي شكلك ملفت



.
زي ماقولتلك

فضي دماغك طول الـــ 45 يوم دول للجيم وبس
إلعب .. وكل .. ونام
العب .. وكل .. ونام

.
ماتشربش شاي.. ماتدخنش .. ماتسهرش((السهر بيحرق مخزونك من الطاقة والبروتينات والدهون))


.
هتعمل فورمة زي صورتي في التوقيع
في
45 يوم

انا بحكليك عن تجربة شخصية .. مش كلام منقول أو كلام سماعي


يعني تعمل حسابك في 500 ج و45 يوم

هتلاقي تغيير مفتري

طيب بص مش عايز احبطك انا هوريك صورتي وانت شوف بقي كلامك هينفع ولا ايه الظروف لأن الصورة هتلخص الفيلم كله :)
[IMG][/IMG]

طبعا انا اللي علي الشمال سيبك من اليمين مش عاملك انت الفايس ده :)
المهم زي مانت شايف هينفع معايا النظام اللي بتقول عليه ده ؟ انا لسه راجع من الجيم دلوقتي هقعد اربع ايام العب علي الاجهزة كده جينيرال وبعد كده اظبط نظام بقي وصاحبي بيروح معايا ف هتبقي مسليه احسم من لوحدي

المشاركة الأصلية كتبت بواسطة micromoud

اولا لازم تعرف ان الحجم العضلى اللى هتكتسبه هيكون بسبب عوامل مهمة زى النوم مش اقل من 6-7 ساعات والراحة والتركيز فى التمرين والتغذية

ركز ان تمرينك يكون 4 مرات اسبوعايا يعنى يوم تمرين ويوم راحه مهم اوى يوم الراحه عشان بيحصل استشفاء عضلى والجسم بيزيد خلال اليوم ده فبالتالى اليوم ده هتكون بتتغذى فيه كويس هتركز فى الجيم على التكرارات والتمرين ميزيدش عن 45 دقيقة

التغذية فى اليوم تاكل 6 وجبات بمعدل وجبة كل 3 ساعات ومش شرط يكون فى الوجبة اكل كتير افتكر دايما "المهم الكيف وليس الكم" يعنى الوجبة مثلا ممكن تكون طبق أرز ومعاهم قطع صدور فراخ ومتنساش انك تركز على الاكل اللى بيحتوى على البروتييييييييييييييين زى التونة والسمك واللحوم والالبان لان ده هو اللى هيزود عضلات الجسم وتركز على اربع وجبات عالاقل فيهم بروتين لو حاسس انك هتصرف كتير اشترى مكمل غذائى اوفر اسمه "واى بروتين" ودا هتاخد منه 40 جرام بروتين عالاقل يوميا بالاضافة للوجبات اللى هتاكلها فى البيت ..

بالنسبه للنوم انا بنام قتيل ف الحمد لله النقطه دي في صفي :)
موضوع الايام انا متلخبط ناس تقولي كل يوم متفوتش يوم وناس تقولي يوم ويوم عشان الراحه وكده
موضوع الاكل ده بقي اصعب حاجه بصراحه !! انا معظم الايام ببقي بره بنزل من غير ما افطر ممكن يادوبك كوبايه لبن بخيره وانزل واجي علي بليل اكل اكله اليوم وخلاص كده مبقدرش اكل تاني ف ايه الحل بقي ؟
ممكن مثلا ازود المكملات بدل ما اخد نسبه معينه اخد اكتر؟ ولا هتبقي خطر ؟ و المكملات نفسها اصلا خطر ؟ وايه الفرق بين الكبسولات والباودر يعني في اسئله كده في الحاجات دي كتير بس نعرف دول الاول ...