السلام عليكم ورحمة الله وبركاته
العربية بتاعتنا كورولا 2008 عاملة دوقتي 113000 كم صناعة جنوب افريقيا
العربية بقيت حاسس انها ناشفها جدا زيادة عن الطبيعي وكما بحس انها بتميل بزيادة في الملفات....كده المساعدين باظت ولا لازم تجيب زيت الأول...كمان في المطبات بحس بخبطة طفيفة بتسمع في الدركسيون.
اشيروا علي ايها الناس.
سيبها تجيب اخرها بس غريبة تجيب مساعدين بدري كدة
علي قياسات الشوارع المكسرة بتاعتنا تقدر تقول ان المساعدين بيتكتبلهم عمر جديد مع كل شارع من شوارع مصر.اقتباس:
المشاركة الأصلية كتبت بواسطة m.fouad
هههههههههههههههه
واللهِ دحكتني ... فعلاً بجد شوارع مصر ... محتاجة عربية سوبر كار علشان تستحملها
@@@@@@@@@@
هو عامة المساعدين ليهم مقياس معين بمعنى بتخلي العربية واقف وتهزها من كل ناحية وتشوف على المساعد بيروح وبيجي معاك ولا العربية ناشـفة ... أذا ناشفة او طرية زياده عن اللزوم يبقى المساعد كده شكراً ...
بالنسبة لموضوع النشفان ... على الطريق ممكن ميكنش بسبب المساعد خالص ولكن يكون بسبب الكوتش نشـف وبقى قاسي ... وبانت عليه علامات التجاعيد والشيخوخه
والله أعلم
@@@@@
وتحياتي
يا راجل 113000 كم وبدري إمال مفروض تجيب مساعدين علي كام؟؟؟؟؟؟؟؟؟؟؟اقتباس:
المشاركة الأصلية كتبت بواسطة m.fouad
واللة يا باشا فية ناس عاملة بيها 150 الف و لسة مجبتش مساعدين
و الشكل القديم غيرتهم على 170 الف
معتقدش انها من المساعدين في الاغلب دي هتكون فرد كاوتش و ممكن تكون محتاج تربيط عفشه
خبطة الدركسيون عندنا فى منتدى الرينو حصلت بتبقى أعراض بطاحة مساعد وعن تجربة أحد الأعضاء فى رينو ميجان
انا شايف 100الف حلو اوي عالمساعدين
انا كنت مغيرهم في القرش على 100 برضه
و مش لازم تستنى انهم يجيبوا زيت
و سعرهم مش غالي
خلى حد بتاع عفشة ياخد بصه برضه عشان تتأكد
+111111111111اقتباس:
المشاركة الأصلية كتبت بواسطة m.fouad
انا شايف ان موضوع يجيبوا زيت مش ضرورى
وليا تعليق صغير فعلا ممكن الواحد يغير المساعد فى 100 الف وواحد يغير على 200 الف كل واحد ياجماعة وطريقة ماشية والمنطقة اللى ساكن فيها واللى بيروها وبيجى باستمرار
مش هنقارن واحد عايش فى شرم زى اللى فى القاهرة ولا اية
أنا 60 الف وخلاص زعلانين بس أنا فعلا بفرهد العربيه معايا (النهارده بس لابس بتاع 6 نقر ومطبات)
طب بمزاجك ولا غصب عنك :breakpc2:اقتباس:
المشاركة الأصلية كتبت بواسطة yoko
معظمهم غصب عني وأهلي كانوا معايا كماناقتباس:
المشاركة الأصلية كتبت بواسطة medo_sirion
بس مش عارف لية انا حاسس انك اللى عاوز كدة عاوز تخلص منهماقتباس:
المشاركة الأصلية كتبت بواسطة yoko
هما بتوع الفيات متوفرين عادى زى العربيات التانية
موجودين وانا عاوز أستنى عليهم لحد ما احوش واجيب مساعدين بيلشتين بالمره
مساعدين الجنوب الافريفى عاملة 1800 امامى و الخلفى تقريبا 800 او 900 مش فاكر و مفيش تلقيد منة كمان نزل زى التيل و الطنابير و الكلام دة و السعر كمان هوا هوا بتاع التوكيل فا لو هتجبهم اشتريهم من التوكل احسن
المساعدين عندي طلعوا مش رايحين في داهية ولسه معقولين لكن بتاع الكاوتش الي جمبنا وبنفخ عنده قياسة مش مظبوط وعاملي الكاوتش على 44
لا 113 الف مش كتير انا مغيرتش و انا 170 الف اهو
هي المفروض لو ناشفه متميلش على الطريق انت ممكن عندك مساعد باظ وخف وهو سبب الحمل علي الباقى وسبب ميل العربيه
مع احترامى لاراء زملائى كلام الاستاذ محمد رفاعى ( me_medoo ) صحيح جدا
اعمل اختبار للمساعدين بانك تضغط على كل مساعد بايدك على العربيه وتشوف لو العربيه وهيا بترجع بتهز زى الجلى كدا ولا لا او مش بتتضغط اساسا
بالاضافه الى ان الميل عندك قد يكون مسمار الاتزان ( بارات الاتزان ) عايز يتغير
وغير كدا افضل غسل السياره بالمياه من تحت وتشوف لو نعمت معاك يبقى عندك مفاصل عايزه تتشحم
لو بترزع معاك ارجو انك تشوف ضغط الكاوتش قد يكون فيه هواء زياده
وافضل انك تشترى لك مقياس ضغط مخصوص وتحطه فى العربيه تمنه لا يتعدى ال 30 جنيه ويبقى بتاعك علشان انا مش بثق فى قراءات الناس
ولا تنسى ظبط الزوايا .......... تحياتى لك
م\ عاصم جاد
خبط الدركسيون بقى دا اعراض ان بيض وتيش الدركسيون او المقصات بدات انها تبوش وتبوظ
لو هيا مش مزعجه ماتغيرهاش لكن لو حسيت انها بقت مزعجه غيرها فورا لان البيض لما بيبوظ بيبوظ حاجات تانيه زى الاسكاتره وحاجات فى العفشه