العربيه عندي فيها تخبيط ملحوظ والتوكيل مغلبني وكل ما اقولهم في الصيانه يقولو العفشه زي الفل وكله تمام .. الموضوع ده كرهني في العربيه
يا ريت حد يدلني على مركز صيانه محترم اكشف فيه على العفشه وعلبة الدريكسيون عشان اتأكد وارتاح
وشكرااا
عرض للطباعة
العربيه عندي فيها تخبيط ملحوظ والتوكيل مغلبني وكل ما اقولهم في الصيانه يقولو العفشه زي الفل وكله تمام .. الموضوع ده كرهني في العربيه
يا ريت حد يدلني على مركز صيانه محترم اكشف فيه على العفشه وعلبة الدريكسيون عشان اتأكد وارتاح
وشكرااا
مفيش حد عارف ؟
عايز اي مركز خدمه شغال في السوزوكي او اي حاجه انا مش محتاج قطع غيار
احسن واحد بتاع عفشة فى مصر كلها مركز شيبوب بس دة فى الزقازيق
هيقولك العفشة باظت لما يبص على المساعدين يلاقي الزيت بتاعها طلع مثلا او حجر
وفي الحالة دي بتبقى العربية خطر طبعا وبدون نظام اتزان سليم
وبيبقى الموضوع ملاحظ اصلا على العربية من الخارج
لكن في حالتك بتكون المساعدين قل ادائها وده طبيعي مع الوقت
فمش هيقولك ان العفشة باظت الا لما تبوظ فعلا ومتبقاش نافعة خالص
فأنت عايز تركب مساعدين جداد عشان تستريح من التخبيط ده هيكون كويس طبعا
وشغلانة التركيب عادية مش محتاجة حد فاهم اوي مش زي شغل الميكانيكي يعني
لو الحرفيين قريبة منك انزل هناك هتلاقي ناس كتير وكلهم كويسين
مانا مش عارف المشكله في المساعدين ولا المقصات ولا علبة الدريكسيوناقتباس:
المشاركة الأصلية كتبت بواسطة semi
عشان كده انا عايز حد فاهم يشوف ويقوللي عشان اروح التوكيل وانا متاكد انا بتكلم في ايه
فيه زميل لينا في المنتدى معاه تيدا وكان مودرن موتورز بيقوله العفشه تمام .. راح اوتو ايجيبت غيروله حاجات كتير وكانت فعلا محتاجه تغيير !! ده مثال يعني لاني شاكك فعلا ان مودرن مش فاهمين شغلهم
حضرتك التخبيط ده بيبقى مساعديناقتباس:
المشاركة الأصلية كتبت بواسطة dr_smart
لو كنت تقصد به طبعا ان لما تعدي على مطب او حفرة تحس ان العربية بتتهبد
انما لو تقصد صوت طالع من العفشة فده موضوع تاني
ومن ناحية تانية لازم تطمن على العفشة بتاعتك
روح لعفشجي خليه يبص على العفشة كلها
وهو هيقولك ايه اللي عايز يتغير
بس خلي بالك في صنايعية بيبقوا عايزين يعملوا شغل وخلاص
العفشجيه دلوقتى اى كلام
تقول له بصلى على العفشه ولا يفيدك بحاحه
المتعارف عليه دلوقتى انك تعرف العيب منين
وتروح تشترى قطعه الغيار
وتروح عنده وهو يركب بس
غير كده محدش فاهم اى حاجه فاى حاجه
وفعلا انا نفسى اعرف مركز يكون امين فى يعمل صيانه للعفشه بتعتى لانى بعانى من الموضوع دة
انا فعلا رحت لعفشجي ورا حديقة بدر في جسر السويس لقيته مش فاهم اي حاجه وعمال يستكشف في العربيهاقتباس:
المشاركة الأصلية كتبت بواسطة ahmad--ezzat
عشان كده عايز مركز خدمه يكون فاهم في العربيات الجديده
منا قولت لحضرتك عليك وعلى شيبوب وفعلا المشوار يستاهل ومتقلقش هتلاقى ان فى ناس كتير جدا جاية من محافظات تانى كتير جدا من الاسماعيلية ومن بورسعيد ومن القاهرة ومن الجيزة وهتلاقى عربيات جمارك كتير جدا هناك عندةاقتباس:
المشاركة الأصلية كتبت بواسطة dr_smart
طيب يا ريت لو تقولي عنوانه فين في الزقازيق ولو معاك تليفونهاقتباس:
المشاركة الأصلية كتبت بواسطة eng_mostafa_89
وهل بيفهم في العربيات الجديده والباور الكهربا والعفشه الاسبور ؟
شكرا على تعبك ربنا يكرمك
شيبوب مكانه سهل جدا
هوه فى الزقازيق - عند الزراعه طريق الشوبك - اول ماتنزل الزقازيق هتسأل عليه مليون واحد هيدلك على مكانه لانه مشهور جدا
انا روحت عندوا مرتين بس بصراحة ومش عارف اوصف المكان فى عضو من الزقازيق بعتلة رسالة على الخاص وان شاء الله يدخل يوصفلك المكان بالظبط
وبخصوص العربيات اللى بيشتغل فيها انا شوفت عندوا تقريبا كل انواع العربيات وكل احجامها مينى باصات وميكروباصات والعربيات الملاكى من المرسيدس الجمارك والبي امات لغاية السيات ال133 هو المكان عبارة عن حوالى 3 اوناش للزوايا او اكتر مش فاكر انت اول لما بتروح بتدخل على ونش الزوايا بيكشف كشف كامل على العربية ولو فيها اى حاجة او اى شغل بيقولك علية علشان تعملوا وهو عندة صنايعية بتشتغل فى الفك والتركيب ودول انت بتتفق معاهم على الشغل وعلى الفلوس وهو كمان بيقولهم يعملوا اية بالضبط
وبعد لما بتخلص بتدخل تانى على الزوايا وبيظبط العربية وبتطلع تجرب لو فى اى حاجة بترجع تانى
هو عندوا كمان ترصيص واستعدال جميع انواع الجنوط