السلام عليكم زملاء المنتدى الأفاضل
يا ترى هل فيه أي أخبار عن ال بيجو 408 ؟ أنا بدأت أشوفها في الشارع و عاجبني سعرها - أنا فاهم انها متجمعة في الصين لكن حابب أعرف لو حد جربها كقيادة يدينا فكرة أفضل عنها
جزاكم الله خير
عرض للطباعة
السلام عليكم زملاء المنتدى الأفاضل
يا ترى هل فيه أي أخبار عن ال بيجو 408 ؟ أنا بدأت أشوفها في الشارع و عاجبني سعرها - أنا فاهم انها متجمعة في الصين لكن حابب أعرف لو حد جربها كقيادة يدينا فكرة أفضل عنها
جزاكم الله خير
شوف يا باشا انا تفرجت عليها وعاجبتني جدا
بس اول ما عرفت انها ماتور وفتيس 307
مش 308 حتى
انا لا انصح بيها اطلاقا
يعني كأنك بتشتري 307 سيدان بكل مشاكلها
وطبعا هي لسة تحت التجريبة وسبب انتشارها ان سعرها منافس بالنسبة لفئة 400 في البيجو السعرها دايما يبدأ من 200 الف جنية
أولا: الشاسيه 308 مش 307 و وسع العربية من جوه حكاية
ثانيا: الموتور 307 و ده مفيش منه مشاكل
ثالثا و اللي بيعمل فوبيا للناس: الفتيس. الفتيس بتاع ال 307 هو هو بتاع ال 308 اللي اسمه AL4
و ده مسمعناش عن مشاكل تذكر منه مع ال 308 نظرا لبعض التعديلات اللي اتعملت عليه ... زائد كمان انه انعم بكتيييييير على ال 308 (و بالتالي ال 408)
و نرجع و نقول هي 308 سيدان و لا تندرج تحت ال 400 series بتاعت بيجو. ال 400 و ال 600 تم استبدالهم بال 508, يعني ال 408 لا تعتبر خليفة لل 407 و تعتبر فئة أقل
أخيرا بقى و دي المفاجأة, ضمان العربية دي 5 سنيييييييييين, يعني اركب و انسي.
عامة حضرتك لو من القاهرة روح فرع صلاح سالم الجديد هتلاقي واحدة كحلي واقفة اتفرج كده عليها و شوف كده لو باين عليها إنها تقفيل صيني
شكرا جزيلا - أنا فعلا سألت امبارح قالولي ضمان خمس سنين بدون حد أقصى للكيلومتر كمان و قالولي عشان نطمن العملاء - و حاروح اتفرج عليها بس الفرجة مش حاتعرفني معلومات قيمة زي اللي حضراتكوا بتقولوها دي
معلش أصل أنا ماليش في البيجو خالص - هو ال307 دي للدرجة دي فيها مشاكل؟؟
مفيش معلومات تانيه عن ال 408؟؟
مفيش حد أشتراها؟؟؟
انا كمان متابع معاك ياريت لو اي تفاصيل اكتر عن العربية وهل هي افضل من الفلوانس في قطع الغيار والصيانة ؟؟ ياريت اللي عندة معلومة مايبخلش ..... وكل عام وانتم بخير
انا كمان مهتم بالموضوع علشان اتفرجت عليها وعجبانى جدا وعوز اشتريها بس برضوا خايف وياريت لو حد اشترها يكلمنا عنها