الموضوع: مش عارف ازعل ولا افرح!!

انا معنديش عيب ماستر
بس اللي زعلني وخلاني انبه عليه ان تغيير التيل برة التوكيل بيخرج الفرامل كلها من الضمان ودي حاجة صعبة شوية خصوصا ان التيل اما يتغير برة يبقى يخرج الديسكات بس مش السيرفو

المشاركة الأصلية كتبت بواسطة tutankhamoun

أنت كل لما تروح التوكيل يحصلك حاجة ....... هو أنت و الواجا ملكوش حظ معاه ؟

طيب مبدئيا ...... قطع غيار الواجا غالية مش عارف ليه و مختلفة عن أسعار الجين 2

بس أنا اعرف معلومة ........... ان فيه عربية ميتسوبيشي قطع غيارها تشبه قطع غيار الواجا .
حاول تسال كدا مع ملاك الواجا .........

ربنا يكون في عونك

ماستر الفرامل بتاع الجين2 والواجا واحد
وفعلا بتاع اللانسر يركب عادي والباجيرو لو حابب تعديل
بس انا معنديش اساسا مشكلة في الماستر هيا كل الحكاية ان مفيش ضمير عند الصنايعية ومكشفش بضمير عشان يعرف المشكلة في ايه بالظبط
وعلى فكرة انا روحت لبتاع فرامل خد هوا من الفرامل كلها ودلوقتي بقت تمام بس بردو مشوار البدال طويل وده حله الرجلاش

المشاركة الأصلية كتبت بواسطة د.هشام

انا عندي من ساعت ما جبت العربية صوت الزجاج الامامي بيبقي فيه صوت كركرة جامدة اثناء نزول الزجاج, ودا مابيحصلش غير لما يكون الحر شديد بالذات لما تكون راكن في الشمس, بس واضح ان عندك المشكلة مختلفة, أمرك لله حتضطر تروح التوكيل تاني وان شاء الله تطلع حاجة بسيطة, ومش لازم تروح الفرع الرييسي علشان ماتضيعش اليوم كله.
تحياتي لك

هو فعلا الصوت ده كان عندي وبيظهر في الحر الشديد وحله تغيير المكنة لان ده صوت الفبرة بتاعت المكنة
لو عربيتك في الضمان متترددش وتغيرها