ياريت عربية فى حدود 50 الف

**mas_shine** · 22-06-2008 02:24 PM

المبلغ المتاح /) حد اقصى 50 الف
نوع العربية / مستعمل يكون استعمال نضيف او كسر زيرو
إمكانية التقسيط فى حالة الزيرو /
خبرتك فى السواقة وسكك الصيانة / جديد
شكل العربية / هاتشباك
الموديل / فوق ال 2000
إستخدام السيارة فى الاغلب / داخلالمدينة
انتقالاتك بالعربية / فى الاغلب لوحدك - دايماً معاك ناس - الاتنين
الكمالياتالمرجوة / المهم التكييف
إستهلاك البنزين /يفضل قليل
قطع الغيار / فىالمعقولا
ماكن الصيانة / يفضل توكيل
التفرغ لأعمال الصيانة / عندك وقت
الاستمراربالعربية لفترة / هاتستمر بيها فترةطويلة
سعر إعادة البيع / مش عايز تخسر كتير
اهم حاجات بتدورفيها على العربية /
- قوة تحمل
- قلة اعطال
- الشكل الحلو
- ............ملاحظات اخرى/ياريت لو حاجة كسر زيرو علشان انا مليش فى حوارات الميكانيكيا (ولا اية رايكم ) وكمان مع مراعاة ان دى اول عربية ليا واول سواقة وانا بنت لوحدى

ياريت المساعدة

**walaagf** · 23-06-2008 09:05 PM

بونتو 2002 لون فضى- فابريكة بالكامل داخل و خارج
80000 كمزز حالة الزيرو-عداد -rpm
تكييف - سنتر لوك - باور-سيتى باور
mob:01010 23368

**Ahmad Allawy** · 23-06-2008 09:25 PM

السلام عليكم..
هو لازم هاتش باك..؟؟
هو في حدود المبلغ ده فعلا البونتو ممتازة..
وفي كمان الابيزا موديل بعد 2000
البيجو 206 بيتهيألي ممكن يكون فيها مشاكل..
بس حد من كبار البيجو ممكن يفتيكي فيها اكتر..
في كمان لانوس موديل بعد 2003 ممكن تكوت في حدود السعر ده..
(جولييت يعني)
ممكن بولو كمان..

بس هاقولك التفضيلات في رأيي االشخصي..

الابيزا..: 1000 سي سي اسباني اساسيات الماني 100% فولكس..
قطع غيار معمرة جدا لكن غالية شوية..
مش هتتعاملي مع التوكيل.. لكن في ناس متخصصين فيها جدا.. و كويسين قوي..
العربية دي فول اوبشن و سعر اعادة البيع كويس جدا..

البونتو ينطبق عليها نفس الكلام.. غير ان بيتهيألي قطع غيارها ارخص شوية من الابيزا..
مش عارف فول اوبشن ولا لأ..

الجولييت.. قطع غيارها رخيصة جدا و اي حد بيعرف يتصرف فيها يصلحها..
مش محتاجة حد متخصص قوي.. اعادة البيع في منتهس السهولة و مش هتخسري فيها..

البولو تقريبا زي الابيزا..

وفي حاجة كمان انا كنت ناسيها..
بما انك بنت.. و البنات عادة مالهوش في حوارات التوضيب و التصليح و الصيانات و الكلام الكبير ده..
المبلغ اللي معاكي ده ممكن يجيب بيكانتو كسر زيرو.. يعني تكون بقالها سنتين تلاتة بالكتير و ماشية قليل قوي.. يعني اقل من 30 الف..
عربية موفرة جدا في البنزين.. توكيل محترم جدا و قطع غيار بدأت تنتشر كويس..
كل اللي يميزها عن العربيات اللي قولنا عليها انها موديل احدث ب علي الاقل 4 سنين..
ودي حاجة مش بسيطة.. و خاصة في حالة ان اللي هيمتلك العربية بنت..

اكيد في اختيارات انا مش فاكرها او مش في دماغي..
لكن اللي افتكرته قولته..

اما بالنسبة للأخ اللي عارض عربيته..
انت طالب فيها كام..؟؟

**sherif_m72** · 24-06-2008 03:12 AM

بصى يا ستى
اوللا انا معنديش عربيه ارشحهالك
ثانيا انا بس عندى نصيحه
وهى ان طالما ان دى اول عربيه وانتى اول سواقه بمعنى انك لسه في السواقه جديده ويكون للحظ السييء معاكى نصيب وتكونى من سكان القاهرة والجيزه والزحمه الــــــــــ؟؟؟
فيبقى المفروض انك متجيبيش بفلوسك كلها عربيه لانك ممكن بل اكيد حتتعرضى او حتعرضي نفسك للخبطات
وساعتها هتخسري كتير من تمن العربيه + تمن مصاريف التصليح +ان لازميكون معاكى مصاريف
انا اسف على الى قولته بس انا بحب انى اكون عملى شويه
انتى تتمكنى الاول من السواقه وتحسي انك قادرة عليها وعلى المناورات مع السواقين بعد كده احنا بئه مش هنخاف منك في الشارع
ارجو انك تفهمينى كويس وتسامحينى على كلامى بس انتى فكرى فيه وهتلاقى انى عاوز المصلحه العامه والله
والله الموفق لنا ولكم (شريف مراد )

**mas_shine** · 24-06-2008 09:35 AM

الاستاذ walaagf و Ahmad Allawy و sherif_m72
جزاكم الله خيرا
اولا : استاذ احمد انا كمان معاك وميالة لحكاية كسر الزيرو بس فى نفس الوقت خايفة العربية متستحملش الخبطات وفى نفس الوقت العربيات الصغيرة زى ال127 مثلا بدوخ عند المكانيكية وبردو هصرف فلوس
مش عارفة احسبها ازى .........انا تعبت ممكن حد يفدنى

ثانيا :اشتاذ شريف كلامك منطقى جدا ومفيش زعل ولا حاجة انا مقتنعة بكلامك اوى
طيب من رأيك اى عربية صغيرة تنفع بس ميكونش فيها وجع قلب مع المكانيكية ولا مصاريف كتيييير

مع العلم ان العربية دى مش ناوية ابيعها غير بعد فترة كبيرة

وكنت عاوزة اسألكم على البرودا كليسيا .......وايه رأيكم فيها
وهى كام جديدة ولو مستعملة كام؟؟؟؟؟

بجد شكرا على ردودكم بعد ما كنت يأست ان حد ممكن يفدنى
بس البركة فيكم ياشباب

**Ahmad Allawy** · 24-06-2008 10:07 AM

شوفي يا ستي..
العربية البيرودوا الكليسا..
اولا 3 سلندر بس.. و 800 سي سي..
استهلاك البنزين قليل جداااااااااااااااااااا
بس برضه في المقابل العربية صغيرة جدا جدا..
سهلة قوي في السواقة..
المواتير بتاعتها تقريبا دايهاتسو يعني كويسة قوي..
تقريبا في منها زيرو دلوقتي.. و زيها بالظبط في الماروتي..
و تقريبا في نفس حدود السعر..
بس في رأيي البيكانتو احسن و اكبر شوية..و بالنسبة للخبطات و الكلام ده..
عادي.. و كل العربيات الجديدة ضعيفة في الخبطات و كده.. يعني متحطيش الموضوع في دماغك بالطريقة دي.. و الكليسا و الماروتي اضعف كمان من البيكانتو و البونتو..

لو كسر زيرو.. يبقي بصراحة ارشح البيكانتو اكتر حاجة
عشان التوكيل كويس قوي حاليا ودي ميزة.. و قطع الغيار متوفرة و سعرها معقول جدا..

في رأيي طالما انتي بنت يبقي كسر الزيرو افضل حاجة..
عشان الوقفة مع الميكانيكية و القرف ده بايخ قوي حتي مع الرجالة.. وقت ووجع دماغ..
يبقي ريحي دماغك.. و سيبك م الحاجات القديمة شوية..
عشان حتي القديم.. بيحتاج صيانات و تظبيط كتير شوية.. وده بالنسبة لبنت ممكن يبقي بايخ..
و كمان العربية ممكن حاجة فيها تشاور عقلها تتعب او كده اللي خبرته قليلة ممكن مياخدش باله منها و تبوظ منه خالص او العربية تقف منه..
عشان كده بافضل نقضة ان الموديل يكون جديد بقدر الامكان و حالة العربية تكون كسر زيرو..

و ربنا يوفقك

**mas_shine** · 24-06-2008 03:43 PM

المشاركة الأصلية كتبت بواسطة Ahmad Allawy

شوفي يا ستي..
العربية البيرودوا الكليسا..
اولا 3 سلندر بس.. و 800 سي سي..
استهلاك البنزين قليل جداااااااااااااااااااا
بس برضه في المقابل العربية صغيرة جدا جدا..
سهلة قوي في السواقة..
المواتير بتاعتها تقريبا دايهاتسو يعني كويسة قوي..
تقريبا في منها زيرو دلوقتي.. و زيها بالظبط في الماروتي..
و تقريبا في نفس حدود السعر..
بس في رأيي البيكانتو احسن و اكبر شوية..و بالنسبة للخبطات و الكلام ده..
عادي.. و كل العربيات الجديدة ضعيفة في الخبطات و كده.. يعني متحطيش الموضوع في دماغك بالطريقة دي.. و الكليسا و الماروتي اضعف كمان من البيكانتو و البونتو..

لو كسر زيرو.. يبقي بصراحة ارشح البيكانتو اكتر حاجة
عشان التوكيل كويس قوي حاليا ودي ميزة.. و قطع الغيار متوفرة و سعرها معقول جدا..

في رأيي طالما انتي بنت يبقي كسر الزيرو افضل حاجة..
عشان الوقفة مع الميكانيكية و القرف ده بايخ قوي حتي مع الرجالة.. وقت ووجع دماغ..
يبقي ريحي دماغك.. و سيبك م الحاجات القديمة شوية..
عشان حتي القديم.. بيحتاج صيانات و تظبيط كتير شوية.. وده بالنسبة لبنت ممكن يبقي بايخ..
و كمان العربية ممكن حاجة فيها تشاور عقلها تتعب او كده اللي خبرته قليلة ممكن مياخدش باله منها و تبوظ منه خالص او العربية تقف منه..
عشان كده بافضل نقضة ان الموديل يكون جديد بقدر الامكان و حالة العربية تكون كسر زيرو..

و ربنا يوفقك

بجد انا موافقة جدا على كلامك ومقتنعه بيه اوى بالذات البيكانتو انا معجبه بيها جدا
وعندك حق فى موضوع التخبيط بصراحة كان قلقنى اوى بس ان شاء الله اجمد قلبى واخد بالى كويس من الطريق

شكرا للرد والافاده

**sab3aawy** · 24-06-2008 10:14 AM

فى رأييى الفلوس دى تجيب سوزوكى التو زيرو ونبقى بعدنا تماما عن مشاكل الميكانيكية والاصلاح ووما يمكن للبائع ان يخفيه من مشاكل سيارة مستعملة

**mas_shine** · 24-06-2008 03:49 PM

المشاركة الأصلية كتبت بواسطة sab3aawy

فى رأييى الفلوس دى تجيب سوزوكى التو زيرو ونبقى بعدنا تماما عن مشاكل الميكانيكية والاصلاح ووما يمكن للبائع ان يخفيه من مشاكل سيارة مستعملة

ربنا يكرمك استاذ سبعاوى
بس انا كنت من فترة بفكر فى بيكانتو كسر زيرو ولقيت واحده 2007 وكلمت صاحبها قالى انا بعتها
فسألته كانت عاملة معاك اية ............تخيل قال اية؟؟؟؟؟؟؟؟؟؟؟؟؟؟؟
قالى دى عربية زبالة مع انها كانت 1100 سىسى وقالى نصيحة ليكى ابعدى عنها خالص وخليكى فى البيكانتو
من سعتها وانا خفت من الالتو مع انها كانت الاختيار الاول ليا

**Ahmad Allawy** · 24-06-2008 10:35 AM

طبعا رأي الكبير سبعاوي باشا يعتبر الانسب
و الاريح للدماغ..

تقريبا الماروتي و الالتو وا لكليسا و كل العربيات دي نفس السعر تقريبا مش كده..؟؟
اوائل الخمسينات..

الموضوع: ياريت عربية فى حدود 50 الف

LinkBack

أدوات الموضوع

عرض

العرض المتطور

-

-

-

-

المواضيع المتشابهه

عربية في حدود 45 الف ياريت لو تشاركوني بخبراتكم

عاوز عربية فى حدود من 50 ل 60 ألف ياريت حد ينصحنى

عربية في حدود 25 الف

عايزة اشترى عربية - ياريت حد يلقالى عربية

عايز عربية فى حدود أقصاها 43000 بس ياريت نوبيرا 1 او 2

الكلمات الدلالية لهذا الموضوع

المفضلات

المفضلات

ضوابط المشاركة