السلام عليكم
محتاج نصياحكم فى العملية الجراحية دى وهل ليها اى اثار على القدرة على الانجاب بعد فترة والراحة المطلوبة للنقاهة التامة بعد العملية وهل هيا عملية صعبة ولا حاجة سهلة
ربنا يبعد عنا جميعا الاوجاع والامراض بفضله وبرحمته
عرض للطباعة
السلام عليكم
محتاج نصياحكم فى العملية الجراحية دى وهل ليها اى اثار على القدرة على الانجاب بعد فترة والراحة المطلوبة للنقاهة التامة بعد العملية وهل هيا عملية صعبة ولا حاجة سهلة
ربنا يبعد عنا جميعا الاوجاع والامراض بفضله وبرحمته
السلام عليكم و رحمة الله و بركاته
ألف حمدالله على سلامتك.
العملية سهلة جدا و ممكن تتعمل ببنج كلى أو نصفى و أحينا موضعى كمان, بس الغالب بيعمل ببنج نصفى.
غالبا اللى هيعملهالك, هيركبلك شبكة عشان ماترجعش تانى.
أهم حاجة تعملها فى مكان نظيف و يكون الجراح شاطر و بيفهم., عشان لا يتنقلك فيروسات -لا قدر الله- و لا يحصل التهاب فى مكان العملية و خاصة أنك هتركب شبكة.
أنت هتحتاج بتاع أسبوح مرتاح فى السرير و الأهم أنك تحاول لا تكح و لا يكون عندك امساك و لا حاجة, يعنى ابعد عن أى حاجة فيها حزق.
اقعد كمان 3 شهور, اعمل كووووووووول حاجة عادى جدا, بس ماتشيلش أى حاجة تقيلة و لا تعمل مجهود يحتاج أنك تحزق, غير كده عيش حياتك عادى جدا.
لا تأثير على الاطلاق على القدرة الجنسية أو الانجابية, هو صحيح الحبل المنوى بيمر فى المكان اللى فيه العملية, بس أدام الجراج شاطر و عارف بيعمل ايه, يبقى توكل على الله و ان شاء الله, مش هيحصل الا الخير.
و ألف حمدالله عالسلامة و ابقى طمننا عليك.
سلامتك يا ريس
انا عملتها و انا في الاعداديه ... هي العمليه بسيطه مفيهاش مشاكل ... بس زي ما الدكتور مازيراتي ما قالك ... لازم دكتور محترف عشان موضوع الشبكه ده ... و عشان نضافه العمليه ... بعد العمليه هيفضل مكان الخياطه بيوجع ... و مش هينفع تمشي كتير ... انا كنت بمشي بعكاز ... و بعدها بفتره هتفك الخياطه ... هتسيب علامه مفيش مشكله ... بس قبل فك الخياطه ... ممنوع يجي ميه علي مكان الجرح نهائي ... انا كنت معفن و مبستحماش ههههههههه ... حاليا في الشتا بحس في وجع في مكان العمليه لما بمشي في البرد ... و ساعات رجلي الشمال بتشد عليا ... دي بقه الاعراض الجانبيه ... طبعا متشيلش اي حاجه تقيله خالص
عموما انصحك تعملها في مستشفي ال سليمان ... دي انضف حاجه في بورسعيد ... معلش هتصرف شويه بس كله يهون عشان خاطر صحتك ... و ابعتلي تليفونك علي الخاص ... عشان ابقي اطمن عليك ... و لو عوزت اي حاجه قولي ... انا تحت امرك
لسه عاملها الاسبوع اللى قبل اللى فات
اتعملى فيها بنج كلى بعد ماكان الاتفاق على بنج نصفى وبصراحة كده احسن لانى مش مستعد اتخيل الدكتور وهو بفتح بالمشرط
الموضوع بسيط
بيبقى فيه شوية وجع بس بتستحمله عادى
فعلا مفيش اى كح خلى جبنك عصير اول كام يوم عشان تلطف فى الزور لو حسيت انك حتكح
اول يومين متاكلش اكل طبيعى (لو حتعمل بنج كلى ) عشان ميبقاش فيه اى نوع من (الحزق) عشان ميأثرش فى الجرح ممكن تستعمل لبوس ملين عشان تتفادى الامساك
بعدها بيومين بتحس انك استعدت 75% من نشاطك عادى والباقى بييجى بصورة تدريجية
ماتقلقش
مازلت حى ارزق :)
ainshouka حمد لله علي السلامه يا فندم
يجعلها سهله و تقوم بالسلامه
الف حمد لله على سلامتكوا جميعا وان شاء الله تكون اخر العمليات وربنا ينعم عليكوا وعلينا بنعمة الصحة دائما بإذن الله
والف سلامة عليك ياستاذ alfath8 وان شاء الله تقوم على خير وانت بأكمل صحة وسلامة
بس اهم حاجة لازم تختار المكان النظيف حتى لو هتدفع زيادة بس عشان لاقدر الله مايحصلش اى مضاعفات قبلها
مش هاقدر أزود ولا حرف على اللى إتقال غير إنى أتمنالك كل صحة
خاضع سابق لنفس العملية من 7 سنين
الف شكر على ردكم جميعا وبصراحة اطمنت شوية ربنا يسترها بقى انا هاعملها ان شاء الله الاسبوع الجاى
دعواتكم بقى
الحمد لله عملت العملية قبل شهر رمضان
بس لما رجعت الشغل تانى وبالذات قبل ما الجو يبرد بدات احس بالم فى مكان الجرح على طول وبيختفى مع الراحة
وساعات الالم بيكون شديد
يا ترى العملية اقلق منها ولا دى اعراض طبيعية
السلام عليكم و رحمة الله و بركاته
و لا تقلق و لا حاجة ان شاء الله, مع الوقت هتتأقلم مع الألم ده و حاول دايما أنك تكون دفيان و بالذات المكان اللى فيه العملية, لأن البرد بيخلى العضلات تنقبض و من ضمنها العضلات اللى فى مكان العملية و اللى بيبقى متاخد فيها غرز و خياطة فلما بتشد على الخيط و على الشبكة -لو كان محطوطاك شبكة- بيعمل وجع.
ألف حمدالله عالسلامة.
الف سلامة عليك ياباشا
العملية بسيطة جدا ان شاء الله
وهي المفروض ببنج نصفي ولا تصر علي البنج الكلي ابداا النصفي احسن مليون مرة
ياعني هاتبقي فايق علي طول ومش هاتركب انبوبة حنجرية و هناكل وتشرب بعد العملية ب3 - 4 ساعات
والفتح بيكون في اسفل البطن بشكل عرضي
ولو الفتق بينزل الخصية نوعا ما العملية بتكون طويلة شويه والجرح اكبر لكن مش صعبة
وبعد استئصال جزء العشاء البريتوني وربطه بيتم تركيب الشبكة وتركيب درنقة شافطة اذا استلزم الامر
اهم شيء في الموضوع ده ان اننا في العملية نحافظ علي الحبل المنوي كويس
والدرنقة بتتشال بعد يومين تلاتة
والغرز بتتفك بعد 10 ايام
وبعد العملية من الطبيعي جداا تلاقي الخصية ناشفة ومتحجرة وتلاقي مكان الحبل المنوي متحجر
وطبيعي ايضا تلاقي في تنميل مكان الغرز
والمكان بيرجع طبيعي خاااالص في غضون 6 شهور ويتبقي بس موضوع التنميل مكان الجرح وطبعا ممكن تحس بالشبكة لو انت رفيع
والف سلامة عليك لو احتجت اي شيء انا تحت امرك
الوجع دا جالى فترة برضه ............ بس الحمد لله راح .................. اللى باقى بس موضوع التنميل داو داخل فى الشهر السابع دلوقتى :)