الكاوتش

**alaafever** · 03-07-2012 03:23 AM

المادة التى توضع داخل الكاوتش والتى تقوم بلحام الثقوب ما هى مميزاتها وعيوبها

**FAR!D** · 03-07-2012 03:41 AM

هوا اللحام نوعين
1- الخابور و ده ماده ملفوفه على سلك زي الفتيل بيحشرها في الخرم و مع الحراره بتتمدد و بتسده خالص وده زفت لان ممكن الصنايعي و هوا بيحطها يقطع سلك من اسلام الفرده من جوا و كده الفرده انساها و لو خبورين قريبين من بعض يضربوا الفرده
2- اللحام بالرقعه و ديه ماده بيحطها على الخرم و يسخنها كانه بيكويها و زي الرقعه من جوا طبعا و ده احسن شويه للكاوتش
و اخيرا انا ده رأيي ان مادام الكاوتش اتخرم مره و اتلحم يبقى انت دقيت اول مسمار في نعش الفرده مش حتلاحق

**exact** · 03-07-2012 04:19 AM

شخصيا لا اعتقد في جدواها

**MohammedAladel** · 03-07-2012 08:58 AM

المادة دى كان فيه موضوع ليها هنا من شركة معتمدة بس سعرها على ما أعتقد أغلى من اللى حضرتك قلت عليه وهى بيتم وضعها بجهاز خاص وعن تجارب الأعضاء قالوا إنها مش بتأثر نهائى على الكاوتش وإنها مفيدة والله أعلى وأعلم

**SASA3** · 03-07-2012 02:14 PM

انت عندك مادتين ممكن بتحطوا فى الكاوتش

ماده لو الفرده فينا تنسيم كتير فى عدة مناطق و بتتفرد على الكاوتش من جوه بيشتغل اكنه شنبر بس من غير شنبر ولا حاجه يعنى طبقة كده داخل الكاوتش يمنع التنسيم و لو الفرده اتخرمت عادى برضه لازم تعملها بطشه او خابور و دى بيكون ب20 جنيه للفرده

و الماده التانيه هى ماده الى بتحمى و بتدرع الكاوتش يعنى لو الكاوتش دخل فيه مسمار الفرده متنامش

و تلحم نفسها تانى ولا اكن حاجه حصلت و دى اغلى من الاولى طبعا

الاولى ممكن يعيبها انتها بتكتل فى مكان واحد لو العربيه اتركنت على وضع واحد كتير