السلام عليكم
كنت بفول وأديت للعامل 200 جنيه رجعلى 155 جنيه منهم 50 جنيه مزوره
اللى يغيظ أنها مزوره بغباء بس للأسف أنا متعودتش أبص فى الفلوس أو أعدها حتى :(
المفروض أتصرف ازاى معاهم ولا أنفض وأستعوض ربنا وخلاص ؟؟
عرض للطباعة
السلام عليكم
كنت بفول وأديت للعامل 200 جنيه رجعلى 155 جنيه منهم 50 جنيه مزوره
اللى يغيظ أنها مزوره بغباء بس للأسف أنا متعودتش أبص فى الفلوس أو أعدها حتى :(
المفروض أتصرف ازاى معاهم ولا أنفض وأستعوض ربنا وخلاص ؟؟
لا حولة ولا قوة الا بالله تلاقية هو كمان خدها من زبون و مخدش بالة لا تروح و لاتيجى ريح بالك ميجيش على وجع الدماغ انا كنت بحط فلوس فى البنك طلع فيهم 300 ج مضروبة لاقيت الموظف بيبص لى و يقول جبتهم منين قلت لة انا اختهم زى ما هم من واحد عميل و كانو 10000ج و كان التصرف بتاعى انى اختهم منه على اساس انى مش مصدقة و رحت مقطعهم و ريحت دماغى من المسؤلية
طالما خرجت بيهم بره البنزينه يبقي جيم اوفر ... عموما دي قرصه ودن عشان تتعلم تبص في الفلوس كويس :( ... علي فكره انا اخدت نفس قرصه الودن دي بس في ورقه ب 100 جنيه ... و من ساعتها ببص في الخمسات حتي :)
كلامك سح أساحبى ....اقتباس:
المشاركة الأصلية كتبت بواسطة screenplays
جوست ... مش كل رد تقولي الكلمه دي ... كنا بنهرج بيها في موضوع و خلاص ... متزعلنيش منك
لية ياعم؟؟!!اقتباس:
المشاركة الأصلية كتبت بواسطة Screenplays
دى حتى كلمة لذيذة ....
ولو بتزعلك بلاش منها خالص ... أنا عندى كام Screen؟؟!!
ايوه كده ... حبيبي
السلام عليكم و رحمة الله و بركاته
أنا لو منك, أعمل حاجة من اتنين:
يا اما أروح نفس المحطة -لأنه هو أولى طبعا- و يكون فى عز الزحمة و تحط ب 80 جنيه بنزين و تديله الخمسين دى و معاها تلات ورقات ب10و يكونوا مفرودين و كل حاجة عادى جدا.
أو, أنك تحطها فى باكو خمسينات و توديه البنك.
أنا أيام ماكنت بقف فى الصيدلية, كان ليلاتى, يجيلى ميات و خمسينات مزورة و كنت بعد ماقفل الساعة واحدة بالليل, أدور ألف على المخازن بتاع الدوا و أصرف الفلوس اللى يتبقى, احطه فى باكو و أوديه البنك.
لأن أما أى حد يجيله فلوس مزورة و يصرفها هتفضل ماشية لحااااااااااااااااااااااا اد ماتقدم و تستهلك و تروح البنك المركزى مع الورق القديم و يتعدم و خلاص, البنك المركزى يكتشف أنها مزورة و يعدمها و لا مايكتشفش و يعدمها و يكلع مكانها بأه, هو حر, لكن أنى أقطعهم و لا أرميهم, أبقى أنا بلبس, لأنى مابلاقيش الفلوس تحت المخدة, و هو أنا ذنبى ايه, لكن الحكومة أما تلبس, مفيش مشكلة, ماهى اللى سايبة الحرامية و البلطجية و المزورين و المهربين يعملوا اللى هما عايزينهم, لحاااااااااااااااد مادول يتمسكوا و الفلوس المزورة تتمنع, يبقى كده كله فى السلييييييييييييييييييييم .
كثيرا ما كنت معجب بأفكارك و لكن اسمح لى تلك المرة انا اختلف معك تمامااقتباس:
المشاركة الأصلية كتبت بواسطة maserati
لأن الذى سيلبس فى تلك الحاله ليست الحكومه
و انما ممكن يكون مواطن غلبان تسوقه الظروف انه يدفع الفلوس دى فى مصلحه عامه او فى القسم مثلا و لا يستطيع التصرف وقتها
و ساعتها هايتعمل عليه احلى حفله
و هو كان كل مشكلته انه مش مدى خوانه
رأى الشخصى
استعوض فيهم ربنا خير من انى من الممكن ان اضر شخص اخر
إضافةً لكلام حضرتك، تداول النقود المزورة يساهم في زيادة معدلات التضخم، يجب الإبلاغ الفوري عن الفلوس المزورة في مباحث الأموال العامة للحد من انتشار هذه الجريمة لأن الكل سيتأثر.اقتباس:
المشاركة الأصلية كتبت بواسطة mtak
الفلوس المزورة كترت أوي على فكرة في البلد خصوصاً من بعد الثورة,
و في ورق منها بيبقى مضروب حلو أوي..
فياريت الناس تاخد بالها كويس من أي فلوس تجيلها..
روح اعمل محضر ف القسم لو ف البنزينه مارضيش يغيرهالك
أنا خلاص أستعوضت ربنا لأن ممكن أرجعها وواحد غيرى يلبسها ( ده مش ممكن ده أكيد )
أنا بس متضايق عشان الحركه وحاسس انى أتغفلت :(
السلام عليكم و رحمة الله و بركاته
طبعا, آراء الأخوة الأفاضل كلها صح و تداول الفلوس المزورة ده غلط و مش صح, بس على أد خبرتى فى الدنيا, أنا ماشفتش حد بيقف معاه أى فلوس مزورة و فى الآخر بتروح البنك و غالبا الورق اللى معمول منه الفلوس ده بيستهلك بسرعة جدا و بيرجع للبنك المركزى و بيعدمها و لا هو حر فيها.
أما أنى كل ما يجيلى فلوس مزورة أعدمها و لا أرميها, ده أنا ممكن بالشكل ده, أرمى بتاع 5000-6000 جنيه فى الشهر على الأقل خالص, يزيدوا مايقلوش !!!!!!!!!!!!!!!, و خاصة, أنى ماكنتش بكتشف الفلوس دى الا و أنا بأعد الفلوس آخر الليل, كانت بتبقى مضروبة بحرفنة الصراحة, المرة الوجيدة اللى شفت فيها فلوس مضروبة بغشم, كانت 20 جنيه و كانت عرة و دى مش مشكلة, فموضوع رمى الفلوس ده ماينفعنيش خالص يا جماعة.
و على فكرة, موضوع الفلوس المزورة ده, مش جديد, ده أنا معاصره من سنة ال2000 و أنت طالع كده, كانت فى ال50 و ال100 و بالذات ال100 القديمة اللى كانت الرسمة على ضهرها بالطول و ماكانتش الورقة ال200 طلعت لسه.
ربنا يسترها و ييسر الأحوال.