-
هايبر وان
كلنا عارفين هايبر وانه علي مدخل مدينه الشيخ زايد ... ولإن المواصلات قليله فان الكتير من ساكني الشيخ زايد بيضطروا يعبروا المحور من امام هايبر الي الاتجاه الاخر القادم من اكتوبر
وفي المكان ده المقابل لهايبر علي الناحيه التانيه من المحور حصل كذا حادثه قبل كده للناس الي بتعدي وطبعا كانت النتيجه قتيل مرمي علي الارض اكيد المكان ده مفيهوش هزار
يا تري دمهم مربوط في رقبه مين؟؟؟؟؟؟؟؟؟؟
اقترح انشاء كوبري لعبور المشاه في هذا المكان ولاننا نعرف الشعب المصري فعلينا نأمنه بسور علشان نضمن ان محدش يعدي الا من علي الكوبري وربقنا بقه يقوي كبار السن
انا عندي عربيه وبكتبها لوجه الله واسال الله ان تجد رعايه
-
كبري المشاة هو أفضل حل بالفعل
ومن الممكن أن يشارك الهايبر في التكاليف بحريته لأنه أحد الأسباب
-
اقتراح جميل فعلا وكان لازم الكوبرى ده يتنفذ من زمان من ساعه ما الناس زادت فى اكتوبر والشيخ زايد
-
اسمعت ان ناديت ..... ولكن لا حياة فيمن تنادى
-
اقتراح ممتاز طبعاً وياريت يتنفذ بس المشكله انا مش عارف فين بالظبط كباري المشاه دي دائماً ما يتم اقتراحها ودائما ما ترفض بأي حجج وخلاص مش عارف ليه في مدينة نصر - شارع النصر عند تقاطع شارع النزهه وعباس العقاد ومكرم عبيد المنطقه دي تقريباً شبه يومي اكتر من واحد بيتخبطوا ولا تتخيلوا كم الشكوى اللي اتبعتت والاقتراحات اللي اتناقشت عشان انشاء كوبري مشاه ولكن لا حياة لمن تنادي مش فاهم ليه.
النقطه التانيه وهي المشكله الاكبر كباري المشاه اللي عندنا في مصر ماحدش بيستخدمها ويتم عبور الشارع من تحتها برضو مش عارف ليه :oops: مدينة نصر برضه شارع النصر تاني عند نادي السكه وتقاطع امتداد شارع رمسيس الكوبري موجود احمدك يا رب ومع ذلك الناس بتعدي من تحت وبرضه مش فاهم ليه .
-
هما فعلا ناويين يعملوا كوبري المشاة بس منتظرين يعملوا إحتفالية ال 1000 قتيل وبعدون يعملوه :mad: :mad: :mad:
-
لا على فكرة الموضوع الناس اتكلوا فيه الف مرة والناس عملوها في الجرايد ولا حياة لمن تنادي
طب على الاقل يعملوا موقف للاتوبيسات ناحية هايبر
-
هو الحل الي ممكن يكون ظريف و مش مكلف للحكومه ان هو يتعمل كدعايه لشركه كبيره
مثلا اي شركه من شركات المحمول ال 3 انها تعمله و يبقى بتاعها و تحط عليه اعلاناتها طول حياتها اعتقد ان موقعه ممتاز للاعلان,
اهو هيبقى اكيد احسن و اوضح و افيد من الي عملته موبينيل من اسبوع لما اخدت السور الي جاي من المحور لغاية ميدان لبنان و عملته كله اعلانات على الجنبين
Content Relevant URLs by
vBSEO 3.6.0 PL2