عرض للطباعة
* تحية طيبة الى كل خبراء و رواد الموقع :-
الموديل : بولو 1999 - 1000 cc
المشكلة : الموتور بياكل زيت على خفيف يعنى بمعدل 3/4 كيلو زيت بعد مسافة 1800 كم
السؤال : اية الحل الانسب للموضوع ده و هل يا ترى دى حاجه تخوف
اهم حاجة : ميين ميكانيكى كويس و شاطر بجد يحل الموضوع ده و يا ريت يكون مركز متخصص و يكشف كمبيوتر .
علما بأنى من سكان مدينة العبور - يعنى الورش الاقرب ليا هى ورش الحرفيين - الاربعين - دمشق
و لكم جزيل الشكر
الحل انك متعملش عمره للموتور ده لأني حتي الأن مشفتش حد عمله عمره و نجحت
الصح انك تسقط موتور جديد او تشتري شورت بلوك 1400 تركبه علي نفس الضفيرة و تغير الكنترول بس عشان توفر شويه
و موضوع تأكل الزيت مش محتاج كشف كمبيوتر لأنه مش هيبين حاجه
بخصوص تروح لمين فبصراحة معرفش حد كويس
شوف الموضوع ده اكيد هيفيدك كتير لأن موتورك هو نفس الموتور اللي بينزل في الابيزا
http://www.nilemotors.net/Nile/293165-98.html
و بالتوفيق ان شاء الله
شورت بلوك 1400 هيعمل كام ؟؟اقتباس:
المشاركة الأصلية كتبت بواسطة ehab_mansour
وياريت لو تعرف حد بيبيعه ومضمون تعرفنا يا هندسه
اتاكد الاول ان مفيش تسريب زيت ثانيا جرب زيت الشنبر جايز تضبط او على الاقل هتقل تاكل الزيت
طيب انا عندي نفس المشكله بالظبط في ابيزا 94 واتاكدت ان مفيش تسريب زيت (سبت العربيه لمده اسبوع وتحتها كرتونه ومكانش في تسريب زيت)اقتباس:
المشاركة الأصلية كتبت بواسطة engmohfaw
وجربت زيت شمبر Stp مع زيت شل w20-50 وبرضو لسه في نقص في الزيت
اشد في شعري ولا اعمل ايه انا دلوقتي ؟؟