السلام عليكم كنت عاوزة اشتري عربية وبعد بحث طوييييل استقريت على السانديرو عشان اتوماتيك لاني كنت عاوزة الاستيب واى بس مش اتوماتيك ممكن تنصحوني بايه وياريت لو حد عنده العربيه دي يقولي مميزاتها وعيوبها
عرض للطباعة
السلام عليكم كنت عاوزة اشتري عربية وبعد بحث طوييييل استقريت على السانديرو عشان اتوماتيك لاني كنت عاوزة الاستيب واى بس مش اتوماتيك ممكن تنصحوني بايه وياريت لو حد عنده العربيه دي يقولي مميزاتها وعيوبها
بص يا باشا العربية دي كشكل تحفة لكن كاستعمال العربية لسة جديدة ومش منتشرة اوي ان شاء الله خبراء رينو يردوا عليك ويفيدوووك
بص يا سيدى انا كنت زيك ومازلت لكنى استقريت على صنى لان بص على دهان السانديروا والستيب واى بعد اقل من سنه العربيه شكلها بيعجز بص على عربيه نيسان كده فى الشارع
قطع غيار ذل و لو زهقت منها بعد ما تاخد خيرها 5 سنين زى ما عقلك عيوديك احب اقولك مافيش حد اهبل يشترى عربيه استعمال سعر تغيير زيتها فى التوكيل اغلى من من سعر التغيير للسيراتو فى نفس التوكيل eim
سعر الكوبلن 2200 وده سعر قديم كمان ووالله عتدوخ عليه بره التوكيل وحتروح مضطر تدفع
قطع غيار مش معمره بالمقارنه بالالمانى ولا اليابانى وبنس اسعارهم
بالنسبه للستب واى انت مش عتركب 4x4 ومهنش عليهم يحطوا 4 ازاز كهربا متفرحش بالشكل عترجع تزعل
استاذي الفاضل هو يعني ايه الدهان بيعجز و قطع غيار مش معمرة ؟؟!! هو حضرتك عارف يتتكلم على ماركة ايه ؟؟ و مسالتش نفسك هي اللوجان منتشرة ليه ؟؟؟!! هل عشان الشعب المصري فلوسو كتزت ولا غاوي يتعب نفسه...بعد اذن حضرتك يا ريت تتاكد من الكلام قبل ما تكتبه و ياريت يكون اسلوب الحديث احسن من كده
قطع غيار غالية دى ممكن ابقى معاك فيها ولو ان رأى الشخصى انها مش اغلى من الكوري بكتير يعنى فروق معقولة
لكن الدهان اللى بيعجز وقطع الغيار غير معمرة دى جديدة بصراحة
انا هاكلمك عن عربية اسمها رينو ميجان 2 بالرغم من انه ظهر ليها شوية مشاكل فى الاول لكن لغاية دلوقت فى ناس ماشية بيها فوق 200 الف كلم وفى قطع كتير فيها متغيرتش واللى غير حاجة لسة مغيرهاش تاني
اعتقد فى الكورى بعد ال 120 الف كلم العربية بتبقى عاوزة تتكهن
العربية ممتازة وكل الناس جربتها خلاص..وهي هي اللوجان بالظبط في كل حاجة ما عدا الشكل الخارجي
سيبك من الفتايين وتوكل على الله ومش هتندم.
العربية هي هي اللوجان ماعدا الشكل الخارجي زي مالناس قالتلك، فممكن يكون عيبها الوحيد هو نقص قطع الغيار المختلفة عن اللوجان بعض الشئ (فوانيس، صاج، زجاج مثلا). وده ممكن يتحسن مع مرور الوقت وإنتشار العربية. لو الشكل الخارجي مش همك الرئيسي في إختيار السانديرو واللوجان شكلها يعجبك> اللوجان هي هي السانديرو من جوه بالعكس تتفوق عليها في مساحة الشنطة وقوة الموتور في الأوتوماتيك عن موتور السانديرو.
لا لو حنتكللم عن الصني انا ممكن اطلعلك فيها بلاوي كفاية التقفيل المصري
بس مش دا موضوعنا ياريت مانتكلمش علي حاجة قبل مانجربها
قطع غيار ايه اللي مش معمرة ماتسال الناس اللي معاها العربية بقالها سنتين وتلاتة عن قطع الغيار اللي مش معمرة وياريت ماتكتفيش بالقراءة عن العربية في النت والمنتديات عشان ماتخدش الفكرة الغلط عن العربية وترددها بدون تجربة انصحك تجرب اللوجان او السانديرو اولا صدقني هتكرة الصني
عموما اسعار قطع الغيار مختلفة تماما عن اللي الناس فهماه ممكن تكون غالية فعلا في التوكيل لكن برة التوكيل رخيصة ومتوفرة ومش صعب تلاقيها لا مستعمل ولا جديد بتوع قطع غيار الرينو بقوا كتير الحمد لله ودا ناتج عن انتشار العربية
وعلي فكرة كمان سعر تغير الزيت في التوكيل مش اغلي من السيراتو ولا حاجة لو حسبتها صح حتلاقي انه نفس التمن مع اختلاف اللي بيتعمل في صيانة كل عربية
وعلي فكرة توكيل الرينو eim
وتوكيل السيراتو eit هما نفس المكان صحيح لكن الصنايعية مختلفين والصيانات مختلفة وممكن تسال اصحاب السيراتو واصحاب الرينو عن التوكيل واتحدي ان ان حد يشكرلك في التوكييل زي ما اصحاب الرينو بيشكره فيه