ارجو الأفادة لانها المرة الاولي لي

الأول احب اوجه تحية لكل اعضاء المنتدي والقائمين عليه لانه بجد منتدي اكتر من رائع وحاسس اني في وسط اسرة كبيرة مش مجر ناس بتتكلم وخلاص ،،،

ثانياً اخوكم بقي محتار في حاجة ومحتاج مساعدة ..
انا لأول مرةيبقي معايا مبلغ كبير اشتري بيه عربية الحمد لله .. المبلغ ده ان شاء الله هيبقي 70 ألف جنيه ومحتاج اعرف أرائكم في الأسئلة التالية:

1 - أشتري عربية زيرو ولا اشتري عربية تكون كسر زيرو بمواصفات اعلي من الزيرو اللي في السعر ده ؟

2 - ايه افضل عربية في السعر ده .. انا عارف ان الاختيارات مش كتير ( فيرنا-لانوس-اسبيرانزا 516- او ساجا بس الساجا 1300 cc ) فياريت الناس تقولي ايه رايها ده طبعا لو هشتري زيرو

3 - ولو هشتري كسر زيور ايه افضل الحاجات اللي ممكن تبقي بحالة الزيرو في السعر ده؟؟

4 - ولحد كام كيلو في العداد يعتبر كسر زيرو؟

اسف للاطالة ولكني حسيت ان الناس هنا همها الحقيقي الافادة والاستفادة فياريت الاقي اهتمام من حضراتكم بموضوعي .. وشكراً مرة تانية

ادخل على قسم السيارات الصينى
وتابع موضوعات السيارة
byd -f3
ولو عجبتك صلى استخارة واشتريها
وهتكون زيرو - وهتكون اول واحد يركبها
وهتكون فى منأى من مشاكل العربيات المستعملة او كسر الزيرو

اقتباس:

---

المشاركة الأصلية كتبت بواسطة abokoko

ادخل على قسم السيارات الصينى
وتابع موضوعات السيارة
byd -f3
ولو عجبتك صلى استخارة واشتريها
وهتكون زيرو - وهتكون اول واحد يركبها
وهتكون فى منأى من مشاكل العربيات المستعملة او كسر الزيرو

---

شكراً لإهتمام حضرتك هدخل واتابع ال byd بس في ناس كتير خوفتني من الصيني وقالوللي ابعد عن الصيني بس هاخد فكرة وشكراً مرة تانية لذوقك

خليك في الزيرو عشان المبلغ ده مش هيجيب كسر زيرو من العربيات النضيفة

70 او اعلى بالف الفين ممكن تجيب النترا 2007 مانوال
او اوبترا

ممكن تلاقى حالات حلوة بس مش اللى اسمها كسر زيرو


في الزيرو لو يهمك سهولة الصيانة وقطع الغيار و سعر اعادة البيع هات فيرنا بس تكون سواقتك في المعقول مش من النوع اللى بياخد الملفات على 120 طالما الموتور بيجرى


لو مش كدة يبقى فكر في الساجا او اللوجان ، الساجا سمعت عنها كلام كويس وموتورها 1300 بس قوى ، بس عن نفسى ما جربتهاش وماعرفش ايه ظروفها في اعادة البيع وصيانتها وقطع غيارها، بس هى كعربية محترمة

دور شوية و عن تجربة حضرتك ممكن تجيب فى النيسان موديل 2009-2010 عربية جميلة جدا عن تجربة أو النترا الشكل القديم جميلة أو أبترا والمهم متكنش العربية معدية من 40 الى 50 الف ومتكنش رشة وأكشف عليها طابعا

إبعد عن العربية byd بيض عن يقين.

اقتباس:

---

المشاركة الأصلية كتبت بواسطة amrelsaqqa

خليك في الزيرو عشان المبلغ ده مش هيجيب كسر زيرو من العربيات النضيفة

70 او اعلى بالف الفين ممكن تجيب النترا 2007 مانوال
او اوبترا

ممكن تلاقى حالات حلوة بس مش اللى اسمها كسر زيرو


في الزيرو لو يهمك سهولة الصيانة وقطع الغيار و سعر اعادة البيع هات فيرنا بس تكون سواقتك في المعقول مش من النوع اللى بياخد الملفات على 120 طالما الموتور بيجرى


لو مش كدة يبقى فكر في الساجا او اللوجان ، الساجا سمعت عنها كلام كويس وموتورها 1300 بس قوى ، بس عن نفسى ما جربتهاش وماعرفش ايه ظروفها في اعادة البيع وصيانتها وقطع غيارها، بس هى كعربية محترمة

---

شكراً لحضرتك انا فعلا مش من اللي بياخدو الملفات علي 120 وعلشان كده بفكر في الفيرنا فعلا .. ربنا يوفق وشكرا لمعلوماتك

انا فى ناس كتير ممكن يختلفو معايا فى الراى ده ، و هو رينو ميجان بانورما اعلى فئة بحالة ممتازة موديل 2006 ، 2007 عربية ممتازة كل الوبشنز الى ممكن تتخيلها امان فيها حوالى 12 ايرباج عربية شيك يعبها إرتفاع أسعار قطع غيارها و أعطال غير تقليدية و ضرورة الصيانة بالتوكيل و لكن من الممكن تجنب كل هذه العيوب بشراء واحدة نظيفة جداً بحالة الزيرو بالسعر الى حضرتك محدده .

اقتباس:

---

المشاركة الأصلية كتبت بواسطة moumen_hs

دور شوية و عن تجربة حضرتك ممكن تجيب فى النيسان موديل 2009-2010 عربية جميلة جدا عن تجربة أو النترا الشكل القديم جميلة أو أبترا والمهم متكنش العربية معدية من 40 الى 50 الف ومتكنش رشة وأكشف عليها طابعا

---

طيب النيسان اللي حضرتك بتقول عليها 2009/2010 فول اوبشن ولا فاضية وايه امكانيتها؟؟

وشكراً لاهتمامك

اقتباس:

---

المشاركة الأصلية كتبت بواسطة drmagieed

إبعد عن العربية byd بيض عن يقين.

---

ماهو ده اللي انا خايف منه .. وخصوصا انها صيني

اقتباس:

---

المشاركة الأصلية كتبت بواسطة dfdfdf

انا فى ناس كتير ممكن يختلفو معايا فى الراى ده ، و هو رينو ميجان بانورما اعلى فئة بحالة ممتازة موديل 2006 ، 2007 عربية ممتازة كل الوبشنز الى ممكن تتخيلها امان فيها حوالى 12 ايرباج عربية شيك يعبها إرتفاع أسعار قطع غيارها و أعطال غير تقليدية و ضرورة الصيانة بالتوكيل و لكن من الممكن تجنب كل هذه العيوب بشراء واحدة نظيفة جداً بحالة الزيرو بالسعر الى حضرتك محدده .

---

بس انا خايف من اني اشتري عربية بقالها 5 او 6 سنين شغالة مهما كانت حالتها حلوة .. وخصوصاً ان ده مبلغ شقى عمر ياصاحبي وقلقان جداً اني البس في عربية واندم :)

لوجان زيرو فى حدود المبلغ اللى مع سيادتك.....و سيارة جيدة عالزيرو

صني مستعمل فكر فيها
لو زيرو لوجان او فيرنا ..
بالتوفيق ان شاء الله ..

اقتباس:

---

المشاركة الأصلية كتبت بواسطة omarhelalyehia

لوجان زيرو فى حدود المبلغ اللى مع سيادتك.....و سيارة جيدة عالزيرو

---

ناس كتير مخوفاني من اللوجان وبيقولوا الفيرنا افضل والله انا دماغي هتضرب ومش عارف اعمل ايه

اقتباس:

---

المشاركة الأصلية كتبت بواسطة s o p h o s

صني مستعمل فكر فيها
لو زيرو لوجان او فيرنا ..
بالتوفيق ان شاء الله ..

---

طيب اللوجن او الفيرنا رأيك انهي فيهم افضل؟؟ لاحسن انا قربت السع خلاااص

بص يا باشا المبلغ ده يجبلك الينترا 2007 او لانسر بومة او كورولا بس كل ده مستعمل اما اذا كنت عايز زيروبالسعر ده
اتوكل على الله في فيرنا كاملة موديل السنة

طيب حضرتك أولوياتك إيه ف العربية اللي هتستخدمها ... بمعني :
_أستخدامك فردي ولا عائلي أكتر ...
_ سفر أكتر ولا أستخدام وسط البلد أكتر ...
_ بتحب مانيوال ولا أوتو ...

حدد أولوياتك عشان تقدر الناس تساعدك ...:Ka_che1[1]:

اقتباس:

---

المشاركة الأصلية كتبت بواسطة alaamousa

بص يا باشا المبلغ ده يجبلك الينترا 2007 او لانسر بومة او كورولا بس كل ده مستعمل اما اذا كنت عايز زيروبالسعر ده
اتوكل على الله في فيرنا كاملة موديل السنة

---

انا محتاج راي حضرتك لو انت مكاني تعمل ايه؟؟؟

اقتباس:

---

المشاركة الأصلية كتبت بواسطة taiwo

طيب حضرتك أولوياتك إيه ف العربية اللي هتستخدمها ... بمعني :
_أستخدامك فردي ولا عائلي أكتر ...
_ سفر أكتر ولا أستخدام وسط البلد أكتر ...
_ بتحب مانيوال ولا أوتو ...

حدد أولوياتك عشان تقدر الناس تساعدك ...:ka_che1[1]:

---

شوف ياسيدي
استخدامي غالبا فردي والأسرة مش كبيرة انا ومراتي وابني عمره شهور
معظم الاستخدام داخل القاهرة وان كان السفر مطروح ولكن في حدود الفسح والمصايف
اعتقد المانيوال افضل في الاسعار دي .. وانا المانيوال معنديش مشكلة معاه

اتمني تشوف الرد وتجاوبني

بص يا فندم انا معارض تماما لفكره المستعمل زي حضرتك
اما تجيب عربيه مستعمله حتى لو صاحبها جايبها قبليها بيوم انت ماتعرفش الي فيها و صاحبها عمل بيها ايه و بيبيعها ليه

انا بتكلم انك تقدر تجيب عربيه زيرو
لكن لو ميزانيتك اقل من كدا كان اكيد نصحناك بمستعمل

المهم البروتون ساجا عربيه ممتازه و فيها وسائل امان كتير
غير ان ماتورها 1300 و قوي جدا اقوى من مواتير كتير 1600
ممكن تزود شويه و تجيب الاوتوماتك تقريبا ب 74 الف
العربيه دي بتنزل مواصفات خليجي , تكيف قوي و دهان يستحمل درجات حراره اعلى من مواصفات مصر و كام حاجه كمان ف العزل و كدا

العربيه التانيه رينو لوجان
الفرق انها عربيه واسعه جدا لكن كاكماليات و امان اقل من الساجا
و الماتور صوته عالي عن العربيات الي في فئتها
لكن تعتبر عربيه عائليه

اقتباس:

---

المشاركة الأصلية كتبت بواسطة saadelden

بص يا فندم انا معارض تماما لفكره المستعمل زي حضرتك
اما تجيب عربيه مستعمله حتى لو صاحبها جايبها قبليها بيوم انت ماتعرفش الي فيها و صاحبها عمل بيها ايه و بيبيعها ليه

انا بتكلم انك تقدر تجيب عربيه زيرو
لكن لو ميزانيتك اقل من كدا كان اكيد نصحناك بمستعمل

المهم البروتون ساجا عربيه ممتازه و فيها وسائل امان كتير
غير ان ماتورها 1300 و قوي جدا اقوى من مواتير كتير 1600
ممكن تزود شويه و تجيب الاوتوماتك تقريبا ب 74 الف
العربيه دي بتنزل مواصفات خليجي , تكيف قوي و دهان يستحمل درجات حراره اعلى من مواصفات مصر و كام حاجه كمان ف العزل و كدا

العربيه التانيه رينو لوجان
الفرق انها عربيه واسعه جدا لكن كاكماليات و امان اقل من الساجا
و الماتور صوته عالي عن العربيات الي في فئتها
لكن تعتبر عربيه عائليه

---

طب والفيرنا؟؟

يعني لو حضرتك مكاني ومعاكش غير 70 ألف بالظبط .. تجيب ساجا؟ وبعدها لوجان؟؟

أنا لو مكانك ...
لو زيرو هجيب سبيرانزا m11 ... حاول تركب العربية دي وتنسي أنها صيني .. هتغير فكرتك ...

لو مستعمل هجيب هيونداي نيو أكسنت ...
.

اقتباس:

---

المشاركة الأصلية كتبت بواسطة Taiwo

أنا لو مكانك ...
لو زيرو هجيب سبيرانزا m11 ... حاول تركب العربية دي وتنسي أنها صيني .. هتغير فكرتك ...

لو مستعمل هجيب هيونداي نيو أكسنت ...
.

---

باشا انا عارف ال m11 وركبتها وهي جميلة جدا بس هي مش ب 70 هي اكتر من كده بشوية وانا مش هقدر ادفع امتر من 70 وخصوصا اني الحمد لله هخلص كاش

زيرو اكيد وممكن تسأل سواقين التاكسى عن المشاكل بتاعت الصينى لو خايف منه

اقتباس:

---

المشاركة الأصلية كتبت بواسطة houras1010

زيرو اكيد وممكن تسأل سواقين التاكسى عن المشاكل بتاعت الصينى لو خايف منه

---

انا بفكر جديا في الفيرنا مانيوال كاملة 2012

الصراحة أنا برشحلك الجين تو كسر زيرو بقوة
صاحبي معاه واحدة عامل 90 لألف والعربية مشاء الله مفيش أي مشاكل وعلى النقيض سرعها بينزل جامد في المستعمل عشان عربية نادرة فلو واحدة مستعملة حتبقى بسعر تحفة وفي نفس الوقت راكب عربية ممتازة

اقتباس:

---

المشاركة الأصلية كتبت بواسطة شاهين - بنز

الصراحة أنا برشحلك الجين تو كسر زيرو بقوة
صاحبي معاه واحدة عامل 90 لألف والعربية مشاء الله مفيش أي مشاكل وعلى النقيض سرعها بينزل جامد في المستعمل عشان عربية نادرة فلو واحدة مستعملة حتبقى بسعر تحفة وفي نفس الوقت راكب عربية ممتازة

---

بس ده معناه ان سعرها في اعادة البيع هيبهدلني لو فكرت ابيع مش كده ولا ايه ياباشا؟؟
وشكرا لاهتمامك

مازلت منتظر مكزيد من أراء الخبراء :)

اقتباس:

---

المشاركة الأصلية كتبت بواسطة fanky_fanky

طب والفيرنا؟؟

يعني لو حضرتك مكاني ومعاكش غير 70 ألف بالظبط .. تجيب ساجا؟ وبعدها لوجان؟؟

---

الفيرنا عربيه فاضيه مفيهاش اي وسائل امان و خفيفه جدا علي سرعات فوق 100

هي ميزتها الوحيده اعاده البيع
لكن لو بتدور علي عربيه ماتور ممتاز و موفر و فيها انظمه امان و كماليات كتير يبقى ساجا

غير كدا لوجان بس تبقى الهاي لاين ب 71 الف لانها بتفرق ف حاجات كتير عن الهاف اوبشنز