ميه مسا عليكم يا رجاله نايل موتورز
كنت بستفسر منكم عن خطوات استخراج رخصه القياده لأول مره؟
يعنى ايه الورق المطلوب وتكاليف الرخصه كام؟
والامتحان عباره عن ايه فى النظرى والعملى؟
ولو نجحت حاخد الرخصه فى نفس اليوم ولا لأ
وشكرا للرد
عرض للطباعة
ميه مسا عليكم يا رجاله نايل موتورز
كنت بستفسر منكم عن خطوات استخراج رخصه القياده لأول مره؟
يعنى ايه الورق المطلوب وتكاليف الرخصه كام؟
والامتحان عباره عن ايه فى النظرى والعملى؟
ولو نجحت حاخد الرخصه فى نفس اليوم ولا لأ
وشكرا للرد
الورق المطلوب
- صورتين للبطاقة (و تكون سارية مش منتهيه) و طبعاً يكون السن فوق 18 سنه
- 4 صور شخصية
- شهادة طبية ( باطنى - عيون - سمع) و تكون مختومة بختم المركز الطبى أو المستشفى
خلى بالك هتحتاج صورتين شخصيتين و أنت رايح تعملهم علشان الختم بيكون جزء على الصورة و جزء على الشهادات الطبية. و أحياناً بيحتاجوا فصيلة الدم.
- صورة آخر مؤهل و الأصل للإطلاع
هتروح على المرور التابع ليه سكنك, و تشترى نموذج رخصة قيادة أول مرة + نموذج إختبار نظرى بـ 10 جنية
هتملأ البيانات و تقدمها و تستنى دورك فى الإختبار النظرى
و بعدين هتمتحن العملى, و ده بيختلف من مرور لآخر فى مستوى الصعوبه
بإذن الله بعد إجتيازة بتدفع رسوم الرخصة 50.5 جنية و بتتصور للرخصة و تستنى قدام شباك تسليم الرخص لحد متسمع إسمك. توقع بالإستلام و تأخد الرخصة و 1000000 مبروك مقدماً
الف شكر ليك يا باشا للرد