ديسك واسطوانة 405

**amigooo** · 03-07-2012 04:45 PM

ملاحظ من مدة ان السحب مش هو !! نظفت الكربراتير بالاسبراى .. اتحسن .. لكن بنسبة 40% لفترة شهر ورجع السحب ضعيف .. قلت يمكن عيب بنزين !! وغيرت الفلتر .. ولا فايدة .. حاسس انة الاسطوانة .. لكن خايف ادخل المغارة .. من يومين طلعت الساحل يوم واحد ورجعت .. واتأكدت انة الديسك والاسطوانة لابد يتغيروا .. ذهبت للميكانيكى وأكد لى ظنى .. وشعرت بالحزن الشديد .. فهى مازالت فى بداية الشباب .. وسواقتى هادية ولا احرق على الغيارات !! فهل علو بدال الدبرياج يكون سبب حرق الاسطوانة ؟؟؟ وهى لم تكمل 75000 كم. ؟؟؟ وانا شاريها من اربع سنوات وكانت 44000 كم. ومازالت ببوية الفابريكة .. مضطر افتح سجل الاصلاحات وفين الاقى دسك واسطوانة فاليو اصلى وكابل دبرياج بالمرة ( تقيل ) ؟؟ دلونى ربنا يكرمكم ويبعد عنكم المفاجأت المزعجة .

**YousryGuirguis** · 03-07-2012 05:17 PM

لا تحزن يا اخى
اعتقد ان دى اول مرة يتغير فيها الاسطوانة وطقم الدبرياج، واعتقد ايضا ان الحمد لله ماقابلتش مشاكل فى الموتور. حاول تلاقى الفاليو الاصلى غلشان ترتاح من الموال ده على الاقل لمدة عشر سنين تانى.
ربنا ييسر لك الامور

يسرى

**amigooo** · 03-07-2012 06:53 PM

اشكرك على ذوقك ومرورك الكريم .. ارجو من الاسكندرانية يفيدونا باسماء واماكن بيع طقم االدبرياج الفاليو الاصلى .. وربنا يكرم الجميع .

**amigooo** · 04-07-2012 09:43 PM

نزلت لفيت لفة فى صلاح الدين عند بتوع البيجو .. وجبت طقم الدبرياج من لى لى واولاد سيف ب 500 جندى .. الاسطوانة والدبرياج فى كيس مقفول .. لكن الرولمان بلى سايب جوة الكرتونة !!! S KF لكن شكلة مضروب .. الطقم مفحور علية made in france .. فاليو . لقيت كابل الدبرياج الايطالى 85 جنية لكن لم اخدة على امل الاقى الفرنساوى .. ربنا يسهل والاقية ونفضى يوم للميكانيكى .