حاسس بإكتئاب و وخنقه وحزن .. محتاج علاج

**alexaway** · 04-07-2012 02:08 AM

يا راجل متقلقش دا انت كدا طبيعي كدا , هو انت عايز تبقي عايش فى المخروبة اللي اسمها مصر دي وتبقي معندكش اكتئاب اقل واجب !!!

**amr.elsayed** · 04-07-2012 02:53 AM

امسك ورقة وقلم واسال نفسك ايه اللى مضايقك وايه المواضيع اللى وصلتك للحالة دى
واكتب فيها كل حاجة مضايقاك او حاجة عملتها وغير راضى عنها حتى لو بقالها فترة كبيرة او زمن طويل
بعد ما تكتب كل حاجة مضايقاك وخانقاك
ابدأ امسك كل بند وحاول توصل فيه لحل او اسباب خلتك تعمل الحاجة اللى انت غير راضى عنها
لو فى حاجة وقفت امامك فى الورقة ومش عارف توصل فيها لحلول اتناقش فيها مع حد يكون ثقة
....
طبعا دة كلها حجات حتخرجك من مود الكابة شوية وحترتب افكارك وتخليك تعرف السبب فى همك
لكن تفريج الكرب والهم والحزن بيكون من عند ربنا فاستعين به ودايما ادعى
اللهم يسر لى امرى وفرّج لى كربى ... ربى اشرح لى صدرى ويسر لى امرى .. اللهم اعوذ بك من الهم والحزن
وزود فى الاستغفار وزكر الله كتييير وان شاء الله حتكون فى افضل حال

**MaNoLa** · 04-07-2012 08:35 AM

متقلقش دا الطبيعى
عايزة أقولك كمان بيحصلك أية ؟

بتحس أن يومك كله مفيهوش جديد حتى لو فيه جديد
بتحس إنك نايم أو كسلان أو فى حاله خمول رغم أن مش جايلك نوم خالص
بتحس إنك مصدع دايما
بتحس أن المواقف إلى بتحصل أدامك متكررة رغم إنك أول مرة تشوفها
بتفكر فى حوالى 8 حاجات فى وقت واحد
بتقعد ساكت كتير أوى مع نفسك بس لما تجيلك فرصة تتكلم بتتكلم كتير أوى و تحس إنك رغاى

بس عمتا هقولك التفسير إلى وصلتله
لو أنت فى مرحله الكلية أو قربت تخلص المرحله دى أو خلصتها و مستنى جيشك أحب أقولك أن دى المرحله إلى بتخلى الشباب تخاف من جواها عشان داخله على مرحله غامضة جدا

لو أنت فى مرحله الشغل دى بتبقى مرحلة ملل و دا طبيعى بس لو غيرت جو مش هتحس بالملل

الحل بقى
تغير جو فى أى منطقة جديدة و لو تقدر تاخد أجازة كدة أسبوع مثلا هتبقى حاجة جميلة أوى

فيه مشكلة واحدة بس مالهاش حل نهائيا
لو أنت طموح و عايز تحقق حاجة و مش قادر
عمرك ماهترتاح فى حياتك غير لما تحققها
و مش زى ما قالوا باقى الأعضاء إنك لو حددت المشكلة هترتاح , بالعكس دا أنت لو حددت المشكلة فى الطموح هتتعقد أكتر

**Screenplays** · 04-07-2012 09:05 AM

بتحس أن يومك كله مفيهوش جديد حتى لو فيه جديد
بتحس إنك نايم أو كسلان أو فى حاله خمول رغم أن مش جايلك نوم خالص
بتحس إنك مصدع دايما
بتحس أن المواقف إلى بتحصل أدامك متكررة رغم إنك أول مرة تشوفها
بتفكر فى حوالى 8 حاجات فى وقت واحد

انا كده فعلا

**3mr Farrag** · 04-07-2012 09:49 AM

المشاركة الأصلية كتبت بواسطة manola

فيه مشكلة واحدة بس مالهاش حل نهائيا
لو أنت طموح و عايز تحقق حاجة و مش قادر
عمرك ماهترتاح فى حياتك غير لما تحققها
و مش زى ما قالوا باقى الأعضاء إنك لو حددت المشكلة هترتاح , بالعكس دا أنت لو حددت المشكلة فى الطموح هتتعقد أكتر

ديه اوحش حاجه في الاكتئاب...من الحاجات اللي قولت عليها بتبقي عارف ايه مشكلتك و في نفس الوقت مش عارف ليها اي حل....
نص شباب مصر يمكن اكثر بيجيلوا فترات من الاكتئاب و الملل و الروتين الممل
اصل الكلام سهل جدااا...بس وقت التنفيذ بتلاقي حاجه تانيه خالص

**HAITHAM1985** · 04-07-2012 10:28 AM

تعـــــــــــــــــايش ........ مش قدامك حل تانى

**أبو_يوسف** · 04-07-2012 10:31 AM

المشاركة الأصلية كتبت بواسطة manola

فيه مشكلة واحدة بس مالهاش حل نهائيا
لو أنت طموح و عايز تحقق حاجة و مش قادر
عمرك ماهترتاح فى حياتك غير لما تحققها
و مش زى ما قالوا باقى الأعضاء إنك لو حددت المشكلة هترتاح , بالعكس دا أنت لو حددت المشكلة فى الطموح هتتعقد أكتر

فعلا لو الواحد طموح وعنده حاجة عايز يحققها -وممكن تحقيقها حتى لو صعبة- مش هايبقى عنده اكتئاب
افضل حل للاكتئاب ان الواحد ميبقاش عنده وقت يحس او يفكر هو مكتئب ولا لأ..
وزي ما قالوا "الراحة في ترك الراحة"

**أبو عبدالله** · 04-07-2012 11:23 AM

يا اخي الحل واحد ولا بديل عنه
الدنيا دار ابتلاء
الا بذكر الله تطمئن القلوب
اقرأ قرآن وتقرب من المولى عزو وجل فهو قادر على كل شئ
الدنيا كلها ابتلاء ولكن الحل انك ترضى بما قسمه الله لك وتعلم انك مسافر فيها وليست دارا لك وانما دارك ان شاء الله في الآخرة هيا الجنة
وانا متأكد انك بعيد عن الذكر الفترة اللي فاتت دي