انا هسمكر وارش العربية قريب في خلال اسبوع

**şahin1993** · 03-07-2012 07:20 PM

السلام عليكم

في نصايح او اي حاجة قبل ما ارش وهل في نوع رش معين ولا ايه انا روحت لسمكري قالي العربية هتترش ب 900 جنيه ميتاليك انا معايا شاهين موديل 1999 لونها فضي ف ايه رايكم ؟

**şahin1993** · 05-07-2012 02:42 PM

يا جماعة ساعدوني بعد اذنكم الموضوع بقاله فترة ومحدش رد عليا

**alaasal** · 12-07-2012 02:29 PM

انا معايا دايو 2003 و دلوقتى عند البوهيجى و هاتتكلف بويه بس 1700 جنيه

**şahin1993** · 12-07-2012 09:54 PM

طب البويه انواع ولا ايه وايه افضل نوع؟

**macgiver30** · 12-09-2012 05:07 PM

انا رحت سألت عند كذا واحد والاسعار لقتها 1200و1300 للبوية اللى بتبوظ بعد مدة
و 1800 للبوية اللى بتعيش

**mido51eg** · 12-09-2012 05:58 PM

اسأل عن نوع بوية كويس وبيعيش ومش بيطفي واتفق مع البوهيجي على مصنعيته وباقي الخامات (المعجون والصنفرة ...الخ) وانت هات البوية وتكون معاه يوم الرش في الكابينة. اعتقد هتوفر معاك وهتطلع العربية احلى.
البوهيجية بيجيبوا دوكو سكيب ابو 30 جنيه الكيلو وبيسترخصوا ، هات البوية انت احسن.

**MASERATI** · 12-09-2012 06:09 PM

السلام عليكم و رحمة الله و بركاته

أنا متهيألى أن ال900 جنيه دول قليل أوى, مهما كان البوهيجى هيجيب أرخص بوهيه, أنا كنت راشش من 6 سنين عربية بيجو 505 بالكامل, كانت مكلفانى دوكو بس 1800 جنيه و كنت جايب بوهيه (ليكلير), بس كنت جارد العربية عالصاج تماما, بس السمكرى اللى بيجرد مش البوهيجى.

أنا متهيألى, حاجة من اتنين, ياتروح لبوهيجى تثق فيه و سمعته حلوة و بيخاف على سمعته و على الشغل اللى طالع من تحت ايده, لأنه فى وشه و تتفق معاه على نوع البوهيه اللى هيجيبها و هياخد هو الشغلانة كلها على بعضها, يا اما تروح لبوهيجى شغله نظيف و تجيب أنت الخامات و تديله شغل ايده بس بعد ماتتفق معاه, و أنا عن نفسى أفضل بكتيييييييييييييير الحل الأولانى بصراحة, و لو عاوز بوهيه نضيفة, هات (ليكلير) و ماتجيبش (سكينز), لأن ال(سكينز) أغلى و الفرق فى السعر بينهم, لا يساوى الفرق فى الجودة, أنا أعتقد أن حتى مصنع bmw بيستخدم (ليكلير), ان لم تكن الذاكرة خانتنى.

بالتوفيق ان شاء الله.