الموضوع: تنصحوني بمين : Galaxy S2 \ iPhone 4s \ htc One X

شكرا يا جماعه جدا جدا
هو ال htc هيعدي ال 3500 ولا سعره كام
علشان اصحاب المحلات آخر استهبال يعني كل واحد بيحط سعر بمزاجه
و انا اقدر اجيبه من السعوديه بس عايز اعرف هيعدي برده و لا ايه ؟ اكيد ارخص

المشاركة الأصلية كتبت بواسطة solid_khaled

فين ال s2 ال ب2650 جنية ؟ و هل هوا i9100 ؟ و هل ضمان ولا لأ

بدون ضمان و بالضمان 3000 و سألته ده G ولا i9100 قالي معرفش
قلت اشوف العلبه لقيته هيتعب على ما يجيبها قلت طالما مش هشتري مش مهم
و طبعا ده الـ 16 جيجا يعني اعمل حسابك تضيف تمن كارت 16 كمان عالاقل

المشاركة الأصلية كتبت بواسطة mohaismail

ممكن برضه تستنى شوية لان ايفون 5 خلاص قرب ينزل وشوف برضه امكانياته وقارن
اللى بسمعه انه هينزل فى شهر 9 او 10 بس مش متاكد واللى يعرف معاد نزول ايفون 5 ياريت يقولنا (جالاكسى نوت 2 برضه هينزل فى 9 فالافضل انك تستنى الشهرين او التلاتة دول عشان يبقى قدامك كل الاختيارات اللى نزلت ومش هينزل بعدها حاجة لمدة سنة على الاقل)

انا بس خايف من الاسعار الحجات دي هتنزل غاليه و انا حابب ال اس تو علشان نزل جامد بصراحه فيعتبر صفقه 100 100 من مميزاته الجامده سعره
و لسه يمكن ينزل كمان

المشاركة الأصلية كتبت بواسطة semsem kane

شوف انت احتياجاتك اية من التليفون ,وهات اللى بيغطى كل احتياجاتك هو طبعا ال s2 افضلهم من ناحية الاوبشن بس طبعا شيل ال onex لانة اقوى من ال s2 اوبشن وسعرا وال iphone افضلهم من ناحية الشاشة كوضوح وافضلهم خامات وشكلا
يعنى اللى هتلاقية هنا مش هتلاقية هنا

بس معلش انا مادفعش فى ال iphone مبلغ 4400 جنية وهو الاوبشن بتاعة اقل من ال s2 اللى ب2650 جنية وعلى فكرة دة السعر من غير ضمان , لكن بضمان النسخة ال g ودية مانصحكش بيها نهائى تمنة 3000 جنية بالضمان , والنسخة ال i تمنها 3500 جنية بس قليلة جدا ودة اللى انا انصحك بيها

واخر نصيحة ليك اشترى الهاتف بضمان بلاش بدون ضمان بيبقى انت وحظك

انا بصراحه معايا نوكيا n86 و نفسي اجرب التاتش فعايز اجيب حاجه حلوه
و انا مش مزعلني من الاي فون غير سعره
بس انا يا باشا اقدر اجيبه بـ 3500 من بره و بصراحه برده شايفه غالي
و على العكس الي بيشدني في الجالاكسي سعره
و الاتش تي جميل بس مش عارف سعره
و ال 3 موفرين الي انا محتاجه
هشوف بس مين بطاريته افضل لان دي نقطه مهمه عندي

المشاركة الأصلية كتبت بواسطة naser_56

htc one x بدون تفكير انا الايفون عشره عمر معاي من اول ال 2g لغايه ال4s ولما شفت ال htc قلبت الايفون علي طول واشتريت ال htc ومرتاح ومبسوط بيه جدا

يعني متفوق على 4s بشكل ملحوظ ؟ و حضرتك جبته بكام

المشاركة الأصلية كتبت بواسطة yoko

لو مكانك htc onex خامته اعلى من الs2 بكتير

احمد باشا نورتنا و الله
معندكش فكره سعره كام يا استاذ احمد