بس بصراحه اول ما قرأت العنوان افتكرت حضرتك ماسك حرامي
ومكتفه ومحتار تعمل فيه ايه بالظبط xD
عرض للطباعة
بس بصراحه اول ما قرأت العنوان افتكرت حضرتك ماسك حرامي
ومكتفه ومحتار تعمل فيه ايه بالظبط xD
ايه التصرف الدموي ده؟ حرام عليكم والله
إحنا لازم نشوف ده من وجهة نظر الشرع يكون إيه ..طيب ما أسهل من كدة إنك تأمن بيتك كويس عشان مافى أي حرامي يدخله...زي قفل الباب وتأمين الشبابيك والبلكونات ..لكن كهربا !!
مهما كان دا روح ..حتى لو يستاهل ضرب سبعين شوز ..لكن بالله عليك ما تعمل كدة ...طيب عندي فكرة حلوة وفى الوقت نفسه مش مؤذية ما تيجي نفكر فى حاجة تصدر صوت عالى زي الجرس أول ما يدوس عليها تعمل صوت يصحى كل البيت....وطبعا انت هتخفيها بحيث ما تبان له
ولا إيه رأيكم ..؟ إحنا ليه بقينا بتلذذ فى تعذيب بعض بالشكل ده؟
من سنتين لما نزلت مصر وأول مرة اشوف حرامي فى حياتي صحيت على صوت الشارع كله ماسكين واحد وهات ياضرب فيه لدرجة ان عينه اتفتحت واللى بشومة واللى بحزام واللى على قفاه..
اقسم بالله انا كل لما افتكر المنظر ده بعيط ..كان ممكن يسلموه للشرطة وهى تعمل اللازم معاه لكن بالشكل ده حراااااااااااام .. يمكن انا عشان بنت بفكر بالشكل ده ...
بالله عليك ما تفكر فى الصاعق ده ..وإن شاء الله ربنا يكفيك شر كل حاجة وحشة انت وكل المسلمين
احترامي للجميع
توتااااااااااااا
لا يا باشا ماتكهربش البلكونه
انت فاكر فيلم home alone
انت تعمل حاجات شبه اللى جت فى الفيلم
يعنى تحط جردل و تربطه بحبل و اول ما يقطع الحبل الجردل يتدلق عليه
بس الجردل مايكونش فيه بويه و الكلام الهجس ده
انت تحط فيه ميه نار
او جردلين يقعوا مع بعض واحد فيه جير حى و التانى ميه
و هاتصحى مش هتلاقى الحرامى اصلا
--------------
طبعا الكلام هزار بس للأسف الواحد بيصعب عليه انه يعمل حاجات زى دى فى بشر حتى لو كان حرامى
ممكن تعمل نفس فكرتك و لكن تخلى الدائره لما تقفل مش تكهربه
و انما تكون متوصله بسرينه او بوق اى حاجه تطلع صوت و ضوء جامدين تنبه اهل المكان او يخاف هو و يجرى
و بعدها تكون حاطط شبكة الكهربا علشان لو هو قلبه ميت و مش خايف من الناس لا تصحى يبقى يروح لقضاه
الحرامي مش هيتكهرب لأنه أكيد هيبقى لابس حاجه في رجله
بالتالي الدايره الكهربيه مش هتقفل كأنك دوست على سلك مكشوف لو حافي تتكهرب لو لابس شوز متتكهربش
فعلا زى ما حضرتك بتقولى - هو تصرف ممكن يحتسب بربري او وحشي
لكن
تخيلي حضرتك نفسك مكان الناس اللى كانوا فى العماره الاماميه لنا
اسره وفى الصيف وفيها ستات والدنيا و
وفجاة واحد غريب وسطيهم بيدور على الدهب والموبيلات
تخيلي حضرتك سيناريو اكبر من كده تخيلي انه ممكن يقتل اى واحد يحس بيه
يعنى الحكاية مش ضياع ممتكات
الحكاية ممكن تكون اكبر
ممكن تكون ضياع كرامة
يا ترى رأى حضرتك زى ما هو ؟؟؟؟؟؟؟؟؟؟؟
احب اسمع الرد من حضرتك
لا يعم انا مش دموى ولا حاجة
دا انا غلبااااااان - زى ما بيقول عادل امام
هى فكرة جت على بالي بسبب الاحداث الماضيه عندنا فى المنطقة
وممكن اتهور واعملها بجد
وممكن تنهتى كانها حلم فى ليله صيف
ههههههههههههههههههههههه
انت بصراحة قلتقتني وانا ساكن فى الدور الاول وممكن حد فعلا ينط فيها , بس يا تري الحل اللي انت بتقول عليه دا عليه مسئولية قانونية ولا ايه نظامه , انا شايف ان فعلا افضل حل هو تأمين الشقة بالاضافة لوضع جهاز اصدار صوت عالي لو حد دخل الشقة سواء من الشباك او من الباب .
اللى عنده تجارب فى اساليب الحمابيه يتفضل يقولوها
مع ملاحظة ان اغلب طرق الحمايه هتكون مكلفة جدا
يعنى ممكن تركيب حديد على كامل الابواب + الشبابيك
بما فيها شبابيك الحمام والمطبخ
ممكن استخدام ابواب امان المصفحة - ودى اسعارها عاليه جدا
ولو هتطبقها على الشقه كلها شوف التكلفة ممكن تبقي كام
ممكن مفتاح زى بتاع باب التلاجة على الابواب متصل بجرس
بس انا عندى فى العربيه بيعلق معظم الوقت
بس ممكن يكون بديل غير مؤذى
فكره حلوه بس لو عايشين لوحدنا ... محدش ضامن انه ينسي يقوم يتكهرب
"قانوناً" لا يجوز ....وتعاقب عليها .....حتى مع إنو حرامي وعايز يدخل بيتك!!!!!!!