عرض للطباعة
مساء الخير عليكم ...
كنت عايز اعرف العربية ديه ايه نظامها فى البنزين بتسحب و لا معقوول و الفتيس كام نقلة ( 4 ولا 6 ) وواسعة من جوة و لا ضيقة
انا بصراحة معايا كيا كوبيه بس بصراحة مش عجبانى فى البنزين بتاعها بتسحب جامد ده غير كدة مش بتجرى يعنى سحبها مش حلو
متااااابع معاك ياااااااكوفتة باشا ..
بيتهيألى محدش جابة هنااااااااااا !!!:pirate03:
يا مسهل يارب و حد يفيدنااقتباس:
المشاركة الأصلية كتبت بواسطة bunsh_fox
بص يا سيدي... انا معنديش ولا اعرف حد عندوا بس الي حصل معايا كالأتي
هيونداي الاكسنت الجديده شفت اعلانها و قررت اني اعمل زياره لغبور و اشوفها .. المهم رحت فرع عمارات العبور , و شفت الاكسنت طبعا معجبتنيش زي ما كنت متوقع .. ركبت في الكرسي الي ورا لقت راسي خابطه في السقف اروح يمين شمال برضوا راسي خابطه غير كده ان اعلي فئه فيها غالية اوي ... سيبك من الصداع ده كلوا مش موضوعنا ... لقيت جمبها الفيلوستر قولت اشوف .. علي الرغم من انها تعتبر كوبيه الا ان الكنبة الخلفية اريح من الاكسنت .. سقفها واطي برضوا بس المساحة بين الكرسي الامامي و الخلفي اكبر بكتير ... التابلوه و التقفيل روعه و احسن من الكيا الكوبيه "انا جربت الكيا الكوبيه مذا مره" اوبشن اعلي بكتير و شنطه لا بأس بيها .. طيب نيجي بقي لموضوع التسارع ده لغاية مبارح باليل كنت معرفهوش .. بس و انا مروح لقيت واحد صاحبي واقف مع واحد صاحبة و معاه العربيه قلت لازم اقفش فيه .. اتعرفنا و اتكلمنا علي العربيه كتير لغاية ما الواد زهق مني و قالي اجربها العربيه فعلا سحبها اكتير من رائع .. و لازقه في الأرض بطريقة محستهاش غير في الجولف ...التجربه كانت علي كوبري اكتوبر من مدينة نصر للتحرير و من التحرير لمدينة نصر الساعه 2 باليل..الملفات بتاعت الكوبري كانت علي 100 او 120 و احسيت بالفرق الكبير اوي عن الاوبترا .. بالنسبة لاستهلاك البنزين للاسف معرفش ...رأيي الخاص باختصار ...العربيه تحفه بس حتتعبك اوي في المطبات لانها اوطي من السيراتو
بص يا سيدي أنا كان معايا كيا كوبيه و بعتها و جبت فيلوستر اللي هي أعلى حاجة من الوكيل الصراحة أحسن بكتير من الكيا كوبيه من ناحية السحب و الخامات المستخدمة, هي ناشفة شوي طبعاً عشان العجل 18 عمرها ما حكت معايا في أية مطب مع إن الكيا كانت تحك على نفس المطبات من جوا واسعة بس السقف واطي بالذات لناس اللي قاعدين ورى..شكلها يلفت و في ناس كتير بتوقفني عشان تسأل هي نوعها إيه و السقف جميل أوي بالذات لم يتفتح مع إن ما بفتحوش كتير...بالنسبه لموضوع البنزين أنا مش مركز فيه أوي بس يعني بتمشي 500 كيلو بالفل ...اتمنى إن أكن ساعدتك و لو عايز أية سؤال أنا جاهز و ممكن تكلمني على التلفون و انشا الله أقدر أساعدك .... بعتذر لو كلامي مش واضح بس لأن مش مصري حاولت اكتب مصري على أد ما أقدر......اه صح الفتيس 6 مش 4 و دة مريح أوي