حط النقط على الحروف.. قبل ما نـــــــ
السلام عليكم
.
إيه
مخكم راح فين
ههههههههههههههه
.
كلمتي واقفين في زوري بس
كنت عاوز أقولهم
ويكونو واضحين للكل
الأعضاء القدام قبل الجداد
.
منتدى نايل موتورز
منتدى لكل المهتمين بمجال السيارات ومايخصها
وفيه قسم إجتماعي
بيلم الشباب الــ مهتمين برضو بمجال السيارات..يتكلمو فيه في الاجتماعيات
ويقدمو خدمات لبعضهم
ومفتوح كذلك للي مالهوش حتى إهتمام بالعربيات
الإجتماعي مفتوح للكل
لكن
المنتدى وصل لمركز متقدم بين المنتديات المشابه
بصرامة المشرفين
(( وأظن الناس عارفة إني يمكن صاحب أكبر سجل وقف في المنتدى..بعد العضوة الكريمة طبعا هههه))
لكن
.
كلمة حق
.
المنتدى طول عمره متميز بموضوعاته
سواء الخاصة بمجال تخصصه
أو
البعيدة عن مجال تخصصه
أعضاء وعضواته أفاضل
عملو مواضيع في العيادة .. مواضيع عن فرص العمل المتاحة
مواضيع إستشارة لعلاج الأطفال.. الباطنة .. أمراض الجلد والأسنان
ده إحنا حتى عندنا صيدلية ((بتاعتي))هههههههههههههه
عندنا مواضيع في كل المجالات
في التلاجات.. الاجهزة الرياضية .. في كل إهتمامات الناس تقريبا
.
مواضيع مقبولة ومفيدة لناس كتير.. وإن ماكانتش هتفيد الكل.. فهي على الأقل بتفيد كتير
.
وطول ماكنا ماشيين كده
كان المنتدى بيكبر
ويوسع
ويدخله أعضاء أكتر
وبغض النظر عن الناحية المادية والاعلانات والكلام الي مايهمناش كأعضاء
المكان ده مجمعنا كلنا
وزي ماقال القرصان
الي عاوز يعرف روح المنتدى
يخش صور المقابلان
ويشوف شباب وشابات ورجالة من كل محافظات مصر
متجمعين حوالين تورتة عيد ميلاد المنتدى
أو غطسانين في حلة رز الحاجة والدة شنوري كانت عملاها
أو يشوف الرجالة وهي مأنتخة على البحر ساعة المغربية
أو يشوف واحد من القاهرة .. وواحد من اسكندرية وواحد من طنطا
مسافرين بعربياتهم مسافات .. ومعطلين شغلهم ومصالحهم
علشان يتلمو يوم واحد مع بعض
.
يشوف
.
هيعرف ان المنتدى مش مجرد موقع زي أي موقع أو منتدى تاني
.
وكأعضاء
إحنا مش هنسمح إن المنتدى
يقع بسبب ناس او مواضيع هايفة
.
بمعنى تاني
المواضيع السخيفة او الغبية
او الاعضاء المستفزة
او الاعضاء الي فاكرين نفسهم أعقل من الأخرين
والاعضاء الي حاسة بنقص في العالم الخارجي
وجيين يطلعوه علينا هنا
مش مسموح
كل عضو كريم معانا في المنتدى
جديد أو قديم مش بتفرق
على راسنا
محترم نحترمه
يقدرنا .. نشيله فوق راسنا
لكن هيافة وقلة أدب
وغباء أو تغابي
الأعضاء دول هيقابلو عزلة تامة
علشان طبعا مش بإيدنا نبعد حد طالما ماخالفش القوانين
لكن زي ماقولت
نرحب بالجدية .او الهزار حتى
لكن الهيافة وقلة الأدب
لا
.
وتحية كبيرة خالصة
للعضوات في المنتدى
بإثرائهم المنتدى بمواضيع لها معنى
وشكرا