تجديد رخصة السيارة والمشكلة اللى انا واقع فيها
السلام عليكم لكل اخواتى واحبائى الكرام فى المنتدى
والدتى كانت المفروض تجدد رخصة العربية يوم 31 / 7/ 2011 ولكن ماجدتتش الرخصة والعربية طول الفترة دى كانت مركونة فى الجراج
المهم دلوقتى انا قررت انى اجدد رخصة العربية لوالدتى بما ان معايا توكيل منها بالتصرف فى المرور ومش عارف ايه الفلوس المطلوبة منى بالظبط لتجديد الرخصة ؟ وبعدين مكتوب على ظهر الرخصة ان لها فحص فى 2012 ومش عارف الفحص ده كمان بيتكلف فلوس قد ايه ؟
وياجماعه العربية بالتقسيط من مكتب عربيات ولسه لغاية دلوقتى مخلصتش الاقساط وعليها حظر بيع لصالح صاحب المعرض فعايز اعرف هل فيه ورقة معينة المفروض باخدها من صاحب المعرض قبل ماروح اجدد رخصة العربية ؟
ودى معلومات عن العربية
نوع العربية شيفروليه اوبترا موديل 2009
السعه اللترية 1598
العربية تابعه لمرور محرم بيك بمحافظة الاسكندرية
