اقتباس:
عيب سواق ولا حاسس ان عربيته مش قادرة تاخد الملف على السرعة دي !! ؟ :blabla:
ماهو لو راكب عربية مدياله احساس بالثبات ماكنش هيهدي في الملفات !! وبعدين انت بتكلم ان الباشمهندس كان بياخد الملفات على 160 !! معناها انها ملفات واسعة ؟؟ لان مش الياريس اللى تاخد ملفات على السرعة دي
عيب سوااااق يا باشا. انا واخد ملفات الصحراوي على 190 ماقللتش عنها وكان ورايا bmw 116.
انا ماشفتش الملفات بس اكيييييد ملفات واسعه :D
اقتباس:
ههههههههههههههههه
انا ماجربتش الالنترا بس اللى حصل اني كنت بالياريس وزميلي بالالنترا وماشيين على الصحراوي !! وعلى حسب كلام زمايلي اللى كانو راكبين معاه في الالنترا !! كان بيصوت جوة العربية عشان يجبني وللاسف ماعرفش يعديني الا فوق ال 180 !!!
يعني معاك كدة من 130 لحد 180 نافخه بفرق عربيتين
وفيه 8 شهود على الواقعة دي 4 في كل عربية لو مش مصدقني انا شخصيا :B4_048:
عيب سواق او عيب عربيه. اصل معظم ملاك الالنترا مهملين في صيانتها الا من رحم ربي ^_^
اقتباس:
جديد عليا صوت الشكمان ده !! عموما مش هنروح بعيد نجربها لما نتقابل يا معلم مع العلم اني مركب علبة شكمان بس معلش !!
برضوا هخليك تقف ورا العربية ونسمع الصوت ونشوف
لأ معلش انا بتكلم على الفبريكا وماليش دعوه بأي تعديل انت عامله عشان الحياديه. وبعدين هو يعنيييي انا مش عارف الصوت ؟ ما العربيه متلقحه تحت وعارف كل حاجه فيها :D:D
اقتباس:
مانا بقالي 5 سنين معايا العربية وبتتخبط في المرايا وبتتجرح ومافيش اي حاجة بتحصل !! لحد ما مرة لبست بيها جامد فالمرايا كلها طارت وركبت ماكنها واحدة تيواني !! استغليت الاصلية
دلوقتي التيواني هي اللى بيحصل فيها الكلام ده ومن اقل خبطة بتتعوج وتتفك !! اما الاصلية مافيش الكلام اللى انت بتقوله ده خالص
احقاقا للحق انا عرفت ان المرايا الي اتكسرت من خبطه بسيطه دي كانت تيواني بالتالي هنشطب النقطه دي.
اقتباس:
ماهي اكيد يا كبير العربية مش هتبقى ماشي على 80 وتفصل لوحدها كدة من غير سبب !!! معلش انت مش بتتكلم على عربية صيني ولا عربية كوري !! اسمحلي دي عربية عليها علامة تويوتا
انا بقولك الي حصل وتقريبا حصل معاك او حد من عندكم في القسم مش عارف.
وكلمة العربيه عليها علامة تويوتا والكلام ده كان زمان ^_^ .. قبل ما يبقى في عيوب في العربيه ويسحبوها ولا الي اتسحبت دي كان عليها علامة هيونداي مثلا ؟ :D .. خلاص هنشطب العيب ده ماسمعتش انه حصل غير مرتين. مره مع حد من عندكم في القسم ومره مع اخويا.
اقتباس:
تمام وانا اقول بقى الياريس احسن في ايه !!
الياريس افضل في استهلاك البنزين وبفرق محترم خصوصا مع الحرق
الياريس اعلى ومابتحكش على الارض وعشان تحك عايزلك يبقى راكب فيها مش اقل من 5 افراد
الياريس تتحمل اللى الالنترا ماتتحملوش واعتماديتها افضل بكتيييير من الالنترا
لو الالنترا هتعملها صيانة مرة في السنة فالياريس هتعملها صيانة مرة كل تلت اربع سنين
سعر اعادة البيع لصالح الياريس وكذلك الصيانة والتوكيل لصالح التويوتا
استهلاك بنزين اه عشان 1300 اكيد والانترا 1600 يعني ماينفعش نقارن بينهم بس يلا عشان خاطرك نقارن.
الياريس اعلى اه معاك ومابتحكش وحماله كمان بس في المقابل ثبات ضايع
الياريس تتحمل الي ماتتحملهوش الالنترا ؟ وماقولتش ايه هي الحاجات دي وماينفعش تقول كده برضه لأنك مش من ملاك الالنترا ولا جربتها انما انا مجرب الاتنين واقدر اقولك ان الالنترا بتتحمل ظروف الطريق برضه.
موضوع ان الالنترا يتعملها صيانه مره والياريس لأ برضه مش مقياس :D .. يابني انت مش مقنع نهائي والله :D
وبعدين لعلمك الصيانات الي بتتعمل في التوكيل زبااااله والعربيه بتطلع اسوأ ما بتدخل فعلا ! واسأل اي حد عمل صيانته في التوكيل وهو هيقولك طالعه فيها كذا وكذا عشان الوكيل ابن ال&$% بيحط اوقات قطع غيار غير مطابقه للموديل.
سعر اعادة بيع الياريس ممكن يكون احسن من الالنترا اما الصيانه فأسعارها غاليه جدا اغلى من الالنترا مع العلم ان دي فئه ودي فئه. الالنترا فئة الكورولا. والتوكيل بتاع تويوتا طبعاااااااااا توكيل محترم (في الصيانات انما في مشكلة الMMT اتعامل معاها بمنتهى الحقاره)
اقتباس:
برضوا انا مش هعرف اتكلم او اقارن الا لما اركب الالنترا
اما مسألة التسارع فالحمد لله اداء العربية مرضي جدا بالنسبة ليا !! وبتحقق سرعات عالية ومافيش اي مشكلة
وجبت بيها 190 قبل كدة وكان فيها اكتر بس الطريق قفل عليا
وادي الفيديو
الياريس بتجيب ال190 في قد ايه ؟
ده انا بتشل بالياريس عشان اجيب 180 وبحرق واسقط غيارات وبيطلع عيني هههههههههههههههه
بالالنترا من غير ما اسقط غيارات من الفتيس بجيب 200 وحياتك و قريب جبت 210 وانا مشغل التكييف ^_^. اه صح انت جبت ال190 دي بالتكييف ولا من غير ؟ :D
اقتباس:
لا يا كبير انا 1300 واتوماتيك وماعنديش مشكلة اطلع معاك في اي وقت !!
واه مجنط وكاوتش عريض
واطلع معاك على اي سرعة عدا من الثبات لان للامانة العربية عندي طلعتها بطيئة
ولو فرضنا اننا بدأنا من 60 اضمنلك انك مش هتعرف تطلع قبل ال 160 ده لو طلعت !!
مش انت اتوماتيك برضوا ؟؟؟
ولو طلعت فوق السرعة دي مش عشان حاجة ده عشان الجنط اللى عندي والكاوتش قاتلين سحب العربية على السرعات العالية ده للامانة يعني !! ايام ماكنت بالكاوتشات الاستوك الطاسات ماكنتش هتطلع قبل ال 180 !!
مع اني ارجح اني هبقى حاطط فرق حلو علما نوصل للسرعة دي اساسا :grinder:
وده اللى انا بتكلم فيه كل الالنترات اللى قبلتها في ال Midrange كنت بنفخها !!
المهم مش هتيجي بعدها تقولي عربيتك متعدلة ؟؟؟ :crashcomputer4:
btw: عربيتي معدل فيها Intake/Exhaust من باب العلم بالشئ
لو موافق رسالة خاصة فيها المكان والزمان وانا معاك على اي طريق يا برنس
عايز طريق مفتوح وشد مواتير معاك !!
عايز طريق محمل "الدايري / المحور على الساعة 8/9 بليل معاك برضوا !!
ولو اني بقول بلاش الغرز عشان ماتقلبش بنكد لا سمح الله + ان العفشة عندي متعدلة فهيبقى الموضوع Unfair
ونصورها كمان فيديو لو حابب
يا سلاااااااااااااام ؟ هو انا كل ما اثبت لحد ان عربيتي بتطلع من عربيته هشد معاه ولا ايه ؟؟؟؟ :D
طالما انت 1300 و اوتو فخلاص انا عارف النتيجه مسبقا وكمان جنط 17 !!! ده انت وقعتلي من السما :D
وبعدين دراج ايه ده الي هنبتديه من 60 هههههههههههه
دراج تفصيل :D (ماتزعلش انا بهزر معاك)
اصل الي انت مش واخد بالك منه ان عربيتي مفتحها مش اكتر وبطلع من عربيات كتيييييييييير وعلى اي سرعه سواء من الثبات او غيره. ومش هعدهم عشان اللايحه تطوووووووول. العربيات الي سدت هي السيراتو (وكان عامل شغال ستيب ترونيك) و التويوتا كورولا الجنوب افريقي عشان 122 حصان وكان ستيب تقريبا ! . وطبعا ماننساش اللينا (يوكو باشا ) ده علم عليا اكيد :D
بس على العموم يابو حميد لو اتقابلنا في اي مقابله وحبيت تطلع نشد مفيش مشاكل عشان اعرفك غلطك :D