ندماااااااااااااااااااااا ان
حكايتى ببساطه ان واحد قريبى عنده معرض عربيات قالى فى عربيه لقطه لوجان سيدان 2011 عنده فى المعرض هاف اوبشن وسعرها معقول وللحبايب بس قالى تعالى شوفها دى عامله 15000 كيلو بس وحالتها تمام وغيره وغيره ... المهم روحت كشفت على العربيه عند بنزينه التعاون اللى فى الدقى وقالولى العربيه ممتازه كعفشه والموتور كفاءته 80 %و تكييف ممتاز وده كويس ومفيش خبطات فيها ... قولت الحمد لله واشتريتها كاش و خلصت ورقها ...
وبدأت المعاناه صرفت اربع الاف جنيه الى الان علشان اصلح غلطتى ومش عارف ابدا . العربيه كانت عامله حادثه من تحت الموتور والفتيس مخبوطين والكارتيره مشروخه والبيه كان موطى العربيه وقاصص اليايات . اشتريت لحد دلوقتى 2 كاوتش امامى وبطاريه وفتيس مستعمل والعربيه حالتها متوسطه واللى زاد وغطى بتاع الزوايا بيقولى العربيه دى مش هتتعدل لان الخبطه اللى ناحيه الشمال مبوظه العربيه . نفسى مسدوده من ناحيه العربيه ونفسى اخلص منها لكن للاسف مش هقدر دلوقتى .
نصيحه منى شوفوا العربيه بتأنى وعدم استعجال واعتمدوا على ناس نتخصصه ويشوفوها بضمير .