الموضوع: شويه استفسارات يا اوبلاويه :)

السلام عليكم ورحمه الله وبركاته
فى الاول والله ما عارف اقول اقول ايه على اللى بتعملوه مع اى حد عنده مشكله او استفسار ربنا يجازيكو خير يارب
انا عربيتى اوبل كورسا سيدان 2005 جبتها بعد اللانوس بصراحه مفيش مقارنه والفرق للاوبل طبعا ,, انا جبت العربيه وهى عامله 86 الف كيلو وهى دلوقتى عامله 120 الف ومعايا بقالها اكتر من سنتين بس انا محافظ عليها وسواقتى هاديه ومشاويرى قليله وكده
انا كنت بفكر ابيعها واجيب حاجه زيرو ب 60 او 70 الف كده بس بصراحه مش هفرط فيها عربيه اصيله وفيها مميزات مش ف اى عربيه ب 60 الف زيرو
المهم بعد تفكير قررت اشدها واخليها معايا
بس فى كذا استفسار بعد اذنكو
اولا \ العربيه بتنتش معايا ع السلانسيه

ثانيا \ صوت الموتور بيعلى على السرعات العاليه 60 وانت طالع وبيبقى فى زنه كده غريبه وبتفضل موجوده 5 ثوانى كده بعد مفصل الحركه بدبرياج (( حد قالى ده حساس السلانسيه ))

ثالثا \ انا من القاهره وعايز حد عنده قطع الغيار الاصليه ومييكونش غالى لان الميكانيكى بتاعى بيركبلى قطع غيار مش اصليه وغاليه جدا يعنى مثلا لسه مركبلى بيجوهات جى ام بس كورى مش المانى ب 120 جنيه وهل ده غلط

انا محتاج للعربيه ديسك واسطاونه و طنابير خلفى و قواعد موتور و فلتر بنزين ياريت لو حد يعرف اسعارهم واجبهم منين الاصليين
اخر حاجه ومعلش انا عارف نى طولت عليكم التكييف عندى لما بفتحه العربيه بتنتش جامد والسحب بيقل اوى

اســف انى طولت عليكــو