العربية بتهيس

**shark_3li** · 03-07-2012 11:48 PM

اول امبارح حصلتلي مشكلة غريبة كنت راجع من مشوار وركنت العربية شوية وبعديها بنص ساعة خرجت بيها تاني لكن وانا ماشي لقيت العداد بتاع الrpm عمال يشتغل ويفصل يعني يبقي شغال تمام وقاري عدد اللفات ومرة واحدة القيه بقي صفر لكن العربية ماشية تمام امبارح وانهاردة المشكلة اتكررت تاني لكن في عداد السرعة كمان وشوية الاقي لمبة ال abs نورت ولمبة الاستوب نورت وشاشة البيانت تجبلي بريك سيستم فولت وتفصل والمثلث الاصفر ينور
كل التهييس ده بيحصل اول مكون طالع بالعربية وتفضل مهيسة كدة حوالي تلت ساعة وبعدين تتظبط وكل حاجة ترجع سليمة ومش عارف ده عيب ايه وخايف يكون الكمبيوتر بتاع العربية باظ ولا هيبوظ

**drmagieed** · 04-07-2012 02:10 AM

متابع

**shark_3li** · 04-07-2012 07:49 PM

الدينمو !!!
ده كده الموضوع كبير يعني هي المشكلة في الكهربة اللي داخلة العربية مش ممكن تكون بطارية خصوصا إن الكلام ده بيحصل أول مابكون طالع بالعربية وبيختفي بعد شوية ؟

**ahmedb1** · 05-07-2012 04:56 AM

المشاركة الأصلية كتبت بواسطة shark_3li

الدينمو !!!
ده كده الموضوع كبير يعني هي المشكلة في الكهربة اللي داخلة العربية مش ممكن تكون بطارية خصوصا إن الكلام ده بيحصل أول مابكون طالع بالعربية وبيختفي بعد شوية ؟

ممكن تكون السبب, على اساس ان الدينمو بيشحن البطارية , الافضل انك تكشف عليها , معلش انا مخدش بالي ان الحاجات بتحصل وبتختفي بعد شوية , انا الحاجات كانت بتحصل للعربية بعد لما اشغل العربية بشوية وبعد كده الحاجات دي بتظهر والسبب كان في ان الكهربة مابتوصلش

**MuhamedNabil** · 06-07-2012 01:14 AM

الاول اكشف على البطاريه و القواشيط بتعتها و على شحن الدينامو , الطبيعى فى الدينامو يكون شحنه 14 - 14.5 و هو بارد و 13.8 و هو سخن .
سعات الدينامو لو بايظ و ممكن يفصل شخن و ده مش خطر على الكهربة و ممكن شحنه يعلى قوى و ده بيكون خطر للكنترول و باقى الكهرباء
و الدينامو ده من الحجات المعروف انها بتبوظ فى العربية دى و فيه منه ثلاث احجام من 800 - 1500 استيراد
و ليه اطقم اصلاح صينى 200-350 بس انا مجليش قلب اجربه