فيه مكان اقدر الاقي فيه عبوة 5 لتر من ليكو مولي يا شباب - توكيل او حاجة زي كده - النزهة الجديدة او اكتوبر
فيه مكان اقدر الاقي فيه عبوة 5 لتر من ليكو مولي يا شباب - توكيل او حاجة زي كده - النزهة الجديدة او اكتوبر
طيب انا سألت هناك ومافيش العبوات 5 لتر - ممكن ألاقيها فين يا شباب - ولا مش موجود في مصر أساسا
انا معايا هيونداى i10 عاملة 40 الف كيلو و عاوز اغير زيت ايه افضل نوع ليها ؟!!
عاوز اعرف ايه افضل زيت لهيونداى i10 علما بأن العربية عاملة 40 الف كم ؟!!!
باشا جرب الmeguin ده زيت المانى الى بتددى الى ليكوى مولى و انا جربته و كمان رامى سرى كان نازل فيه فى سباق ريد بول درفت و قال فيه اشعار عن الزيت
جربه و مش هاتغيره ابدااا
السلام عليكم ورحمة الله
اعزائي اعضاء المنتدي الكريم ...اسمحولي اكتب تعليقي فى عدة نقاط مهمه للنقاش
انا قرأت تعليقات حضراتكم وعارف انها من فتره طويله
وكل واحد بينصح بنوع زيت معين هو شايف انه افضل من الاخر
مع كامل احترامي ........... هذا الكلام غير صحيح !!!!
لان كل نوع موتور له الزيت الخاص به ...... بمعني اوضح له اللزوجه الخاصه به ودرجة الخدمه
يعني كل واحد يشوف فى الكاتالوج بتاع عربيته مكتوب فيها , اللزوجه المطلوبه ودرجة الخدمه , وفى الغالب مش بيكتبوا درجة الخدمه
لكن لازم يكتبلك درجة اللزوجه وبتكون فى عدة درجات للزوجه .... اقل حاجه واعلي حاجه
مثلا بتكون : 10w40 او 10w50 او 5w-30 او .....
ودرجة الخدمه حتلاقيها مكتوبه علي الزيت من بره او من الخلف مثل SF او SIاو SM او SN او .....
فشوف الحاجه اللي تناسبك وحطها للموتو ربتاعك
وكمان مافيش حاجه اسمها كل زيت تمشي عليه كام الف كم !!! ده كلام من الميكانيكيه والتوكيلات اللي هما واخدين كلامهم من الميكانيكيه علشان الخبره !!! لكن لو شفت مهندس بيفهم وعارف يعني ايه علم اللزوجه والزيوت ...حتلاقي الكلام اختلف تماما
بالدليل ان مفيش اي علبة زيت مكتوب عليها تمشي عليها كام كيلو .... صح !!!! ليه الشركات مش عارفه ولا مش فاهمه ولا سايبا علمها للميكانيكيه والمفتيين بغير علم !!!!!
الزيت بيتغير لما يتم الاحتراق بتاعه كاملا(يسود تماما) وينقص كتير.....يعني ممكن تمشي بيه 15الف كم او ممكن 20الف كم ... علي حسب استخدامك
اما بالنسبة للمنظف "فلش" :
ممكن تستخدمه فى حالة لو انك حاطط زيت معدني علي تصنيعي
او مش عارف عندك ايه وعرفت وعايز ترجع لزيت الموتور الاصلي بتاعك
او لو السواد جوه الموتور (الترسبات) كتير وعايزه نظافه
او لو عامل فوق 60 الف كم وعايز تصحي الموتور شويه
ولزيادة المعلومات :
http://www.nilemotors.net/Nile/341680-a.html (القواعد الذهبية لاختيار زيت العربية.... موسوعة مبسطة لأساسيات زيوت المحركات)
ودمتم فى امان الله
اسمحلي بدون زعل..........
حضرتك كتبت التعليق ده فى عدة موايع كتير اوي
انا حبدأ اشك انك شغال فى الشركه دي
ياريت حضرتك تقرأ الكلام اللي فوق كويس وتراجع الرابط تاني ... حتتوصل انه مفيش حاجه اسمها ان زيت احسن من زيت فى المطلق ....... لازم تكون المقارنه مع ثبات درجة اللزوجه ومستوي الخدمه