لوسمحتم يا جماعه
كنت عايز اسأل عن الاتوماتيك في البيكانتو
هل فيه اي مشاكل
وهل تنصحوني بالاوتوماتيك ام المانيوال
ولا مش فارقه
عرض للطباعة
لوسمحتم يا جماعه
كنت عايز اسأل عن الاتوماتيك في البيكانتو
هل فيه اي مشاكل
وهل تنصحوني بالاوتوماتيك ام المانيوال
ولا مش فارقه
افيدونا يا جدعان
فينك يا نادر
خليك في المانويل افضل
انا سمعت من اكتر من حد هنا في المنتدى انك لو هاتجيب اوتوماتيك يبقى يفضل يكون ياباني أو ألماني.. فيه قالوا أو فرنسي كمان.. بس بلاش كوري.. و الله أعلم :)
مبدأيا انا مبحطش في دماغي كوري و ياباني و بتنجاني....ما ياما عربيات ألماني و فرنساوي و ياباني و أمريكي فتيساتها باظت....
ثقافة الشعب المصري منحصرة داخل اخاديد وغرف مغلقة و ده اللي بيخلي الناس تفوت علي نفسها فرص كتير ...مش بس في العربيات
بالنسبة للبيكانتو....لاأرشح الأوتوماتيك لسبب ان الموتور صغير...و معروف ان الأوتوماتيك سحبه أضعف...يعني مش هايسعفك في مواقف محتاج فيها تقرص جامد او تعدي عربية....هايبقي محتاج سواقة هادية و متزنة...
حاجة كمان 4 سرعات أوتو هاتخنقك عن 5 سرعات مانوال علي الموتور ده...المانوال هايديك مرونة و قدرة أكبر انك تتسارع و تستمتع
زودعلي كده حمل التكييف و لو في ناس قاعدة ورا كمان الدنيا هاتبقي صعبة شوية...
كلمة اخيرة قاله والد صديقي...و هو اللي جايبلي عربيتي....ماتجيبش أوتو في العربيات الصغيرة دي...استمتع بالمانوال و متخنقش و تحكم نفسك...مع العلم انه كان عنده اوتوماتيك و انا كان نفسي اجيبها...بس هو مشي بيها فترة و معجبتوش.
انا سألت للسبب ده
لأن انا حاسس ان الموتور حيبقي ضعيف علي 1100
فقلت اتأكد لأن كذا واحد قالي ماتجيبش اتوماتيك اقل من 1300
بس الصراحه الواحد اتخنق من الزحمه
وخصوصا اني بدب مشوار في الزحمه لغاية الكليه كل يوم
طيب هو ممكن أغير الفتيس المانيوال لأتوماتيك للبيكانتو .. ومتوفر ولا لأ
1086 بالتمام و الكمال :dاقتباس:
ده بيقولوا كمان 1000 سى سى بس مش 1100
انا معايا الاوتو , هي زي الفل في المشاوير اللي جوه البلد بس لما الطريق يفتح لازم تعمل كيك داون او تدوس علي زرار الاوفر درايف علشان تقدر تعمل تسارع
زي الفل يا باشا جوه البلد وبره وهي بالضبط 1086 سي سي مش 1000 سي سي ومفهاش مشاكل الا ان العفشة ناشفة شوية اتوكل على الله وهاتها وعلشان تحس بتسارع العربية ممكن كما ذكر الكيك داوون او الاوفر دراييف
انا جبت بيكانتو الأوتوماتيك و هى كويسة بس بتسخن لدارجة انه فى المرور معرفش ياخذ البصمة الا اما بردة شوية حد عارف لية ؟
بتسخن ازاي ؟؟؟؟هل لمبة الحرارة بتنور عندك ؟؟؟؟الطبيعي متسخنش الا السخونة الطبيعية وده حصل معاي في المرور والراجل استنى شوية وبعدين خد البصمة ؟؟؟بس طبعا كان لازم تشخشخ جيبك وتطلعله المعلوم!!!!
أنا حست انها سخنة قوي و لكن المؤشر منورش حتى الكبوت كان سخن و أنا بفتح علشان أشوف المايه و الزيت و لأتهم تمام
دي حاجة طبيعية جداً!!!!
أي عربية فيها نفس الكلام...مش هاينفع محرك يعمل ب"الإحتراق الداخلي" و يبقي بارد من بره....
اشكرك على اهتمامك
هات اوتوماتيك و ريح نفسك من الزحمه الفظيعه اللي في كل مكان و معاك ضمان 5 سنوات متقلقش
شاهدت فى المعارض نوعين من الفتيس الاوتوماتك واحد حارات زقزاق يمين وشمال ويقال علية الفتيس الجديد و معارض تانية فتيس اوتوماتك العادى يا ترى ايهما افضل للبكانتو طبعا