استفتاء بتركن فى أى مكان فاضى تلاقيه فى الشارع ؟؟

**ahmedfd** · 22-06-2008 07:55 PM

المشاركة الأصلية كتبت بواسطة AhmedElsayed

الموضوع ده مهم اوى
وناس كتير شايفة ان مش من حق حد يركن قدام بيتها
طيب لو كل واحد فى الدنيا قالك محدش يركن قدام بيتى
اومال لو انا طلعت فى اى مشوار اركن فيييييييييييييييييييييييي ييييييييييييييييييييييين

الله ينور عليك...
على كل انا احيي صاحب الموضوع على صبره و تصرفه االمحترم والحضارى رغم انه للاسف مع شخص غير حضاري و لو كنت صغرت دماغك مع راجل زي ده كنت هتلوم نفسك بعد كده لولا لانه راجل كبير و ثانيا لانه ميستاهلش.
و ربنا يكون في عون مراته و بنته ده اكيد عاملهم 100 فضيحة.

**tutankhamoun** · 22-06-2008 08:40 PM

الموضوع أنا هابصله نظرة تانية طبقا للقوانين الأوروبية و العالمية المتعارف عليها
الأماكن التي تحت المنازل لها الأولاوية في الركن لأصحاب المنازل و المقيمين بها
و هنا يأتي دور الحكومة في إجبار أصحاب العمارات على بناء جراجات للسكان
بس الراجل قليل الأدب ............. بس عنده حق
يعني أنا لما أرجع من شغلي و ألاقي الناس راكنة مكاني و أقعد أنا ألف ساعة علشان أركن ............ أكيد هاتنرفز و أضايق
بس عمري ما أتكلم مع الناس بالإسلوب ده
خصوصا إن بلدنا الموقرة مفيهاش قانون

يبقى الخلاصة أنت مغلطتش على أساس العرف المصري
إنما لو في بلد فيها قانون .,...... كانت عربيتك أنت اللي أتشالت على الونش و دفعت الغرامة المحترمة

و بما أننا مازلنا في ج ع ع ................... يبقى كل واحد يعمل اللي هو عايزه علشان مفيش قانون

و تحيا ج ع ع ..................... و ربنا يستر طريقنا و يستر علينا من الأغبية

**Xpert** · 22-06-2008 08:53 PM

حضرتك ناسي ان بره فيه جراجات تحت الاحياء السكنيه ..و غير كده فيه باركنج لكل مجمع سكني للمقيمين .. و باركينج تاني للزوار .. و مافيش باركنج تحت البيوت في الشارع ! ... هناك الحي كله متختط .. مش كل واحد بيبني بمزاجه !

**tutankhamoun** · 22-06-2008 08:58 PM

المشاركة الأصلية كتبت بواسطة Xpert

حضرتك ناسي ان بره فيه جراجات تحت الاحياء السكنيه ..و غير كده فيه باركنج لكل مجمع سكني للمقيمين .. و باركينج تاني للزوار .. و مافيش باركنج تحت البيوت في الشارع ! ... هناك الحي كله متختط .. مش كل واحد بيبني بمزاجه !

بالظبط ............. كلامك 100 %
و ده اللي بيخلي الناس مش عارفة حقوقها فين ؟؟

و ده برضه اللي بيخلي مصر ............. ج ع ع بإقتدار

**fahd_628** · 22-06-2008 09:07 PM

دية حاجة بتنرفزنى جدا

الراجل دة بقى بعد كدة ممنوع يركن تحت اى بيت لأن صاحب المكان حيفضل يدور على ركنة كدة

بجد راجل فى منتهى التخلف

انا لو مكانك مش عارف كنت حعمل اية بس اكيد مكنتش حبقى هادى زيك كدة ابدا :)

**cobraa2008** · 23-06-2008 02:10 AM

ده انا ممكن ابفى عاقل زيك لحد ما ان الراجل يطلع واتصرف بنعرفتي يعني اتصل بخد قريبي ولا حاجة من بعيد موش قدام العمارة واخبيه يسحل العربية بعييييييييييييييد

**MoToRiZeR** · 23-06-2008 04:44 AM

بغض النظر بقي عن مين صح و مين غلط
الراجل ده قليل الذوق .. و قليل الذوق مينفعش تبقي متحضر معاه لازم تعلي صوتك و تعلمه الأدب

**yehia** · 23-06-2008 05:22 AM

طبعا كل واحد فينا حيكون ليه تصرف مختلف مع هذا الشخص قليل الذوق والذى لا يراعى سنه وما يتعين ان يكون متصفا فيه بالحكمة والنضج ...... لكن التصرف الخاص بصاحب الموضوع هو أفضل تصرف فعلا فى مثل هذا الموقف حتى لا تكون هناك اية مسائلة قانونية من قطر سيارة الرجل إلى مكان آخر وهو ما قد يدفعه إلى ادعاء سرقة سيارته ... او كسر زجاجها وهو ما يعد اتلافا لأموال الغير...فالخطأ لا يمكن معالجته أو الرد عليه بخطأ آخر...... وبصراحة انا شخصيا ماضمنش انى تحت ضغط الانفعال يكون ليا رد الفعل الصحيح هذا

**hero** · 23-06-2008 12:02 PM

هههههههههههههه
ههههههههههههههههههههههه

انت عارف ان في جريمة قتل حصلت بسبب موضوع مماثل..

والله بجد...وقريتها بنفسي في حوادث الاهرام....

واحد نازل مشوار وراح ركن قدام مطعم....وهبااااا

صاحب المطعم طلعلة...يابية...يابية...شيل عربيتك...

دة مكان اكل عيش.....البية طنش...علشان مش عايزيجادل...

قام صاحب المطعم....ومخرج الطبنجة.....وهابدة عيارين ارداة قتيلا.....وعجبي...

علشان كدة....انا ممكن اركن علي بعد 2 كم من المكان ايلي رايحة....اهم شيء....ان ما حدش يكون زعلان من ركنتي.....
لحسن ارجع الاقي العربية علي الاربع جنوووط....ولا ازاز مكسور....ولا حتي واحد قافل عليا ومش عايز يخرجني....

طيب تصدق....والله انا ساعات باركن العربية وانزل اخد تاكسي.....علشان قرف الركنات...

ولا يا سلام لو وقفت قدام محل...بيبع اي شيء...

ممكن ينتهي بيك الحال ....قاتل او مقتول....زي صاحبنا....

احمد ربنا ان الحكاية عدت وانك اتمالكت اعصابك....

وربنا يتوب علينا....وريحمنا....ويعافينا مما ابتلانا بية....

**SaLM!Na** · 23-06-2008 01:11 PM

الوضوع ده انتشر بشكل رهيب
يعني تلاقي كل واحد حاطط مكان عربيته طوبة كبيرة او برميل طبعا من تقله ماتقدرش تشيله
و لما تحاول بس تبص عليه أو حتى تفكر تلمسه تلاقي واحد طلعلك ماتعرفش منين و يقولك المكان ده محجوز و بالذات ان انا بنت مش باخد و ادي في الكلام مع الناس دي عشان عارفة اني لا هاخد حق ولا باطل
طب هل ده ينفع و لما كل واحد يحط برميل قدام العمارة يبقى كده محدش هيركن خالص بقى و هيطلعوا على الطرق الرئيسية و يزحمولنا البلد اكتر ما هيا و يركنوا بقى صف تاني و ايييييه تبقى حاجة اخر جمال

مشاهدة نتائج الإستطلاع: هل من حق اى شخص احتكار مكان ليه فى الشارع و محدش يقدر يركن فيه غيره ؟

الموضوع: استفتاء بتركن فى أى مكان فاضى تلاقيه فى الشارع ؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استفتاء بتركن في الشارع ولا في جراج و بكام؟؟

ياريت الناس تخلى بالها وهيا بتركن فى اى مكان

بتركن عربيتك فى جراج ولا بتسيبها مرمية فى الشارع؟؟؟؟؟؟

استفتاء على مكان مقابلة شهر نوفمبر

استفتاء علي مكان المقابلة القادمة

الكلمات الدلالية لهذا الموضوع

المفضلات

المفضلات

ضوابط المشاركة