صمامات السيارة

**amz2011** · 04-07-2012 02:34 AM

هى لانسر بومة كام صمام ؟

انا سمعت ان الاوكتافيا 8 صمامات بس ؟. هو داه كده مش يبقى عيب فى الموتور؟

هى النيسان و الباسات و التويوتا كام صمام؟

**MohammedAladel** · 04-07-2012 03:07 AM

معتقدش إن الأوكتافيا الفانتازيا 8 صمام لأن ال 8 صمام فى المحركات القديمة والله أعلم زى اللانوس واللوجان مثلا ودا مش عيب طبعا دا تصميم وطبعا المحركات الجديدة من فولكس حديثة جدا نازلة ب tsi اللى هو على ما أعتقد تربو زى اللى نازل فى الباسات على موتور 1400 سى سى بيولد 122 حصان وفى السى سى نوع برضه من فولكس نفس سعة الموتور السابق مع قوة 160 حصان

**graffittiii** · 04-07-2012 04:56 AM

الفانتازيا 16 صمام ...
مش معني كده أن المحركات ال 8 صمامات ده عيب ...
كل محرك ومتصمم بقدرة معينة حسب الغرض من أستخدامه ...

حضرتك بص بصه كده ف القسم التعليمي هتستفيد كتير إن شاء الله ...
.

**Eng_Mostafa_89** · 05-07-2012 06:01 AM

الفنتزيا تقريبا 16 صمام "وسمعت مرة انها 20 بس مدير المعرض دة كان فتاى حبة فماخدتش على كلامة"
اللى خلى صانعين السيارات انهم يحولوا يزودوا عدد الصمامات لكل اسطوانة ان مع السرعات العالية العربية الوقت اللى بيفتحوا الصمام بيكون صغير جدا ومبيلحقش يدخل الشحنة الكافية والمطلوبة للمحرك ودة طبعا بيأثر على العزم اللى خارج من الموتور وبيكون قليل فعلشان كدة ابتدوا يطوروا شوية فى موضوع الصمامات زمان كان صمام الحر وصمام العادم قد بعض بعد كدة خلو صمام الحر اكبر من صمام العادم وبعد كدة عملوا صمامين حر وصمام عادم وحاليا الشائع صمام حر بيكون قطرهم اكبر من صمامين العادم وفى عربيات بس لسة قليلة شوية 3 صمامات حر وصمامين عادم وطبعا فى حاجات تانى عملوها بجانب الكلام دة علشان يحولوا يزودوا كمية الشحنة الداخلة للمحرك زى التيربو وال cvvt

**mrghost** · 05-07-2012 11:48 AM

مشكور ع الافاده ياباشا
جزاك الله كل خير

**MohammedAladel** · 05-07-2012 08:10 PM

عربيات كتيرة بيبقى مكتوب عليها من ورا كام صمام زى الفيكترامثلا أو الميجان مكتوب عليها فى نص الباب الأماى من تحت فيه حتة بلاستيك بطول الباب مكتوب عليها سعة المحرك وكام صمام