خبطت بتاع دليفري والموبايل اتسرق :( :(

**maruti** · 04-07-2012 02:54 AM

ماشي في جامعة الدول وعلى يميني بيتزا هات
المهم مرا واحدا لقيت موتسيكل صيني دليفري بيعدي الطريق بلعرض وخارج من امام العربية اللي جمبي ومرا واحدة بقا اودامي وخبطو ووقع وزحف بتاع 5 متر روحت راكن ونازل الناس اتلمت على الواد ومحدش خد بالو مني كنت همشي وبعدين قلت حرام لازم اقف الناس فضلت تسال مين اللي خبطو قلت انا قلولي ودية المستشفى مرضتش وقلت اودي علشان البس قضية وانا مش غلطان واتخانقت مع الناس
لقيت واحد طلع وبيقولي انتا مش غلطان وبتاع الموتسيكل هوا اللي غلطان وانا شاهد معاك
وجالي واحد من على جمب اللي امشي من غير ما حد يشوفك استحرمت بصراحة
الراجل اللي قالي انتا مش غلطان قالي تعلى نودية المطعم وهما يتصرفو ركبت الواد والراجل واحنا في المطعم قالي هات اكلم اخويا اديتلو الموبايل اتكلم وانا انشغلت مع الناس اللي جت ورايا اللي شافو الحادثة على مين اللي غلطان فا بقول للواد فين الموبايل بيقولي اديتو للراجل اللي كان راكب معانا
فضلت اضور علية فص ملح ودااب
بعد ما حصل كدا بندم اني ممشتش من الاول وسيبت الواد يتحرق بجااز
وعندي الاكسدام وقع والفوج لايت اتكسرت والرفرف بااظ
والعربية لسا جديدة مكملتش شهرييين

**alaamousa** · 04-07-2012 04:00 AM

حبيب يا ماروتي
اولا قدر الله وما شاء فعل ثانيا الحمد لله ان الموضوع انتهى على خيير
ثانيا المهم انك اطمنت على الواد الدليفري حتى اذا كان غلطان لان هو ده المهم
انا اللي غايظني الواد اللي خد الموبايل شايفك وشايف الواد وفي وسط كل ده بيسرق
لا حول ولا قوة الا بالله
المهم الحمد لله انك بخييير

**maruti** · 04-07-2012 04:23 AM

المشاركة الأصلية كتبت بواسطة alaamousa

حبيب يا ماروتي
اولا قدر الله وما شاء فعل ثانيا الحمد لله ان الموضوع انتهى على خيير
ثانيا المهم انك اطمنت على الواد الدليفري حتى اذا كان غلطان لان هو ده المهم
انا اللي غايظني الواد اللي خد الموبايل شايفك وشايف الواد وفي وسط كل ده بيسرق
لا حول ولا قوة الا بالله
المهم الحمد لله انك بخييير

تسلم يا باشا اللي انا كمان مستغربلو الراجل فضل يقولي قدر الله ومشاء فعل والحمد الله انها جت على قد كدا ودا اختباار من ربنا
وسرق الموبايل بعد الكلمتين دول

**maruti** · 04-07-2012 04:26 AM

المشاركة الأصلية كتبت بواسطة s o p h o s

قدر الله وما شاء فعل
المهم انك بخير والواد محصلوش حاجة وقالولك انت
ربنا يعوضك خير ان شاء الله ..

الحمد الله على كل شئ
الواد في الاخر لما انا اتخانقت مع الناس فضل يقول اني مليش دعوة وان هوا اللي غلطاان
اميين ياارب

**maruti** · 04-07-2012 04:29 AM

المشاركة الأصلية كتبت بواسطة s o p h o s

قدر الله وما شاء فعل
المهم انك بخير والواد محصلوش حاجة وقالولك انت
ربنا يعوضك خير ان شاء الله ..

الحمد الله على كل شئ

**alaamousa** · 04-07-2012 04:31 AM

المشاركة الأصلية كتبت بواسطة maruti

تسلم يا باشا اللي انا كمان مستغربلو الراجل فضل يقولي قدر الله ومشاء فعل والحمد الله انها جت على قد كدا ودا اختباار من ربنا
وسرق الموبايل بعد الكلمتين دول :copy of majd(4):

لا حول ولا قوة الا بالله معلش يا كبييير

**aly_moh** · 04-07-2012 11:47 AM

روائع حكم فعل الخير

قال رسول الله صلى الله عليه وآله: (من فتح له باب خير فلينتهزه، فإنه لا يدري متى يغلق عنه).

وقال صلى الله عليه وآله: (إن الله يحب من الخير ما يعجل).

وقال صلى الله عليه وآله: (من يزرع خيرا يوشك ان يحصد خيرا).

قال الإمام أمير المؤمنين علي بن أبي طالب عليه السلام: (عليكم بأعمال الخير فتبادروها، ولا يكن غيركم أحق بها منكم).

وقال عليه السلام: (فعل الخير ذخيرة باقية، وثمرة زاكية).

وقال عليه السلام: (بادروا بعمل الخير قبل ان تشتغلوا عنه بغيره).

وقال عليه السلام: (افعلوا الخير ولا تحقروا منه شيئا، فإن صغيره كبير، وقليله كثير).

وقال عليه السلام: (إن الخير والشر لا يعرفان إلا بالناس، فإذا أردت ان تعرف الخير فأعمل الخير تعرف أهله، وإذا أردت ان تعرف الشر
فأعمل الشر تعرف أهله).

وقال عليه السلام: (فاعل الخير خير منه، وفاعل الشر شر منه).

قال الإمام جعفر الصادق عليه السلام: (إذا هممت بخير فلا تؤخره، فإن الله تبارك وتعالى ربما اطلع على عبده وهو على الشيء من طاعته فيقول: وعزتي وجلالي لا أعذبك بعدها).

وقال عليه السلام: (لا تصغر شيئا من الخير، فإنك تراه غدا حيث يسرك).

قال رسول الله صلى الله عليه وآله: (الدال على الخير كفاعله

**ahmedeihab** · 04-07-2012 12:27 PM

الحمد لله انها جت سليمه مع الواد

لا قدر الله فى المواقف اللى زي دى سيب كل حاجتك فى العربيه معادا البطاقه سبها فى جيبك

و اقفل عربيتك و اركنها بعيد

و ان شاء الله ربنا ما يعودها تانى قدر الله و ماشاء فعل

^_^