ممكن حد يفيدنا هل كل قطع غيار السيينا موجوده بطنطا وفين بالضبط-مع جزيل الشكر
ممكن حد يفيدنا هل كل قطع غيار السيينا موجوده بطنطا وفين بالضبط-مع جزيل الشكر
و انا بضم صوتى ليك عشان ان شاء الله ناوية انزل بكرة ابص على عربيات سيينا و كنت عايزة اعرف انهى احسن؟؟
هو اللى اعرفه على العموم ان ال 1400 مونو انجيكشين و صيانتها اسهل من ال 1600 ال full injection
بس السؤال, لو انا مثلاً واحدة مش ناوية أجرى أوى بالعربية و كده, و ناوية أعمل الصيانة فى التوكيل او عند اى مركز صيانة محترم, هاتفرق معايا اوى صيانة ال 1600؟؟ ولا بصفة عامة مشاكلها رخمة و اكبر دماغى و اجيب ال 1400؟؟
و سؤال تانى, ال 1400 ينفع يركب عليها جنوط 14 عشان ثباتها يزيد ولا بلاش اعك؟؟ :Ob_mak1[1]:
مشاركة لبعض اسعار قطع الغيار اللي جبتها
من موضوع http://www.nilemotors.net/Nile/292827-2002-14.html
رحت امبارح بعد الفطار قولت اجيب كام حاجة للعربية كده علشان اصلحها
رحت لفيات 2000 و اشتريت :
_ طقم دبرياج ب 320 جنيه قالي تركي اصلي MAPA
_ فلتر هواء قالي اصلي بتاع العربية OPAr ب 45 جنيه
_ سير تقسيمة أصلي ب 55 جنيه
_ فلتر بنزين اسود ب 20 جنيه
_ طقم بوجيهات NGK ياباني اصلي 2 شمعة ب 80 جنيه
_ زيت فرامل Auto-Sheck DOT3 الماني 485 مللي
_ و اشتريت زيت باور موبيل من البنزينة ب 45 جنيه 1 لتر Atf320
لسه عايز اشتري سير الباور بس قالي ده بيبقي مقاسين ففكه و هاتهولي عندي المقاسين
و بالنسبة لطقم الدبرياج فيه منه التركي ب 280 بس قالي ده المضروب و فيه التركي الاصلي بتاعي ب 320 و فيه الايطالي ب 400
اكمل بعد الفطار ... :)
هل اجيب كابل الدبرياج من نفسي ولا استني لما الميكانيكي يشوفها سألت عليه الاصلي ب 75 جنيه
و بلية الشداد لسير الكاتينة الايطالي ب 30 و الالماني الاصلي ب 40
و سألت علي تيل الفرامل قالي الامامي ب 50-60
سؤال بعد اذنكم ايه سير الكاتينة ده ؟ هوهو سير التقسيمة ولا حاجة تانية ؟
و ان شاء الله اخلص الميكانيكة اللي فيها و ابدأ انتبه للعفشة علشان راحت في داهية خلاص :"(
__________________
الله ينور يا ريس
انت مقولتش سعر زيت الفرامل بكام
والطقم المابا التركى ده اللى انا قولتلك عليه نضيف بس هو اداهولك غالى 20 جنيه مثلا ولا حاجه
وتيل الفرامل ده التركى ولا الايطالى عشان فيه ايالى مضروب بيصفر خلى بالك
والفلتر الاسود ده شكله ايه ؟؟ الصفيح ده ولا ايه ؟؟
هرد عليك هناك :) :pirate03: :grinder:
و عليك يا كبيرنا
زيت الفرامل ب 15 جنيه
زي الفل طالما هو مش هتفرق يا كبير المهم الحمدلله انه طلع اللي قلتي عليه
مش فاكر تيل الفرامل نوعه ايه انا هخلي الميكانيكي يشوفهولي و يقولي محتاج تيير ولا لأ علشان لو كده اجيبه
الفلتر ده بلاستيك مجهول الهوية :hitwall3:
بيحط 80 !! الله يباركله ده عشان كده العربيه تعباك لان شكله مكانش بيصرف عليها
بص انت لو تقدر تجيب الاصلى يبقى افضل رجع ده وادفع الفرق وهات الاصلى
ولو عاوز تجرب ده مش مشكله جربه بس مترميش الاصلى ده لو اللى راكب اصلى :pirate03: عشان لو الفلتر ده خنق العربيه معاك رجع الاصلى تانى
بس ده اللى راكب اكيد حتلاقيه منزل طين وبلاوى سودا يعنى اظن انك حتى لو ركبت فلتر ب 5 جنيه حيبقى احسن من اللى راكب
هههههههههههههه عندك حق والله
المالك القديم يوم ما اشتريتها قالي انا اشتريتلها ستارة خلفية و خد الوصل روح استلمها من المحل قولتله لأ هاتها انت و انا اجي اخدها منك علي اساس انه عادي يعني بكلمه بعديها بأسبوع بقوله فين الستارة قالي انا روحت رجعتها و اخدت الفلوس :blabla: علشان انا دفعت تذكرة النادي فقولت ديه قصاد ديه :angry26: ربنا يسامحه بقي :pirate03: