-
هرمي نفسي من البلكونه
أنا خلاص بجيب جاز
أنا شغال في المشروع بتاع الزفت التخرج الدكتور فضل منيمنا والناس كلها شغاله من اول السنة وبيجبنا كل إسبوع يرزعنا كام ساعة رغي وشرح طب فين المشروع يقول إسمعوا الكلام
المعيد غدانا المشروع يوم الأربع الي فات وقابلنا الأحد الي فات قالنا يتسلم الحد الجي
النهارده رحنا للدكتور قالنا يتسلم بعد بكره ومعاه كتاب المشروع ومعاه السليدات بتاعت المشروع كمان (في يومين واخدين بالكم) والناس شغاله فيه بقالها 4 شهور وبيلطموا عشان ش لاحقين يخلصوا
والزفت الكمبيوتر بعمل save هنج وقفل البرنامج وطير شغل أخر 3 ساعات
وواحد في الجروب اللاب إتحرق والتانيه البرامج مش راضيه تشتغل انا خلاص إكتئبت شكلها مفيش تخرج السنة دي:breakpc2:
-
بصراحه مش عارف انصحك بحاجه
-
عادى جدا ..... كمل زى ما أنت أنا زمان مشروع التخرج ال File باظ قبل التسليم ب يومين عملته كله من اول و جديد كله بيعدى متقلقش
-
خليها على الله واوعى تيأس اعمل اللى تقدر عليه انا رحت المشروع مش نايم
-
-
وحد الله
واشتغل الصبح احسن من بليل
ساعات الصبح ابرك من بليل وبتنجز اكتر
وربنا يوفقك
-
بالراحة كدة ولا يهمك خالص
ياما بيحصل في مشاريع التخرج
بجد يا ما بيحصل بتلاقى مثلا هارد اتحرق قبل المناقشة بخمس دقايق :d ومفيش اي جهاز تانى عليه الحاجات :d
عادى ومفيش حاجة بتقف والدنيا بتعدى ..
مفيش حاجة اسمها مفيش تخرج السنة دى ، والتخرج مش هيقف على المشروع ، المشروع ده من اسهل ما تتخيل بس بعد ما تعدى منه ، المهم بس انت ظبط الدكتور وربنا يكرمك بدكتور كويس في المناقشة تثبته في اخر 5 دقايق زي ما انا عملت :d
احنا كنا بنحاول ننظم وقتنا ع الاخر ونخلص بدرى و كل حاجة ورغم كدة اتزنقنا في الاخر واتزنقنا في حاجات تافهة زي تنسيق الكتاب وطباعته ، والحاجات دى . .
والناس اللى كانوا مظبطين كل حاجة وعاملين انجازات هايلة ، تلاقي ربنا وعدهم بدكتور غلس في المناقشة .. فكل ده طبيعى ..
وطبيعى انك تتزنق في الاخر وتلطش كمان ، واديك قلت اللى بقالهم 4 شهور برضه مزنوقين ، فده العادى يعنى
روق كدة وبراحتك واهم حاجة ما تتوترش للدرجة اللى تخليك تنفض او ما تشتشغلش ، التوتر طبيعى بس يكون حافز للانجاز مش عائق
ربنا معاك يا يوكو وصدقنى هاااااااانت
انا خلصت بقالى سنة اهو
-
بص من الأخر كده فى ناس بتبيع مشاريع التخرج (طلبه من هندسه متخرجين بقالهم فتره)
ملهاش حل تانى للآسف !!
-
الدكتور ده شكله من النوع اللى بيحب الهدايا
او بيحب يجهز ولاده من مشاريع التخرج
ولا حول ولا قوة الا بالله
طبعا الله اعلم بيه ، بس ايه معنى انه ينيمكوا طول السنة ويتعمد يزنقكم اخر يومين ؟
-
ربنا معاك و مش تيأس و ان شاء الله خير
^_^
Content Relevant URLs by
vBSEO 3.6.0 PL2