كدا كدا تجديد البطاقة المستعجل ب 75 جنيه ومن 3 ايام لاسبوع
وعلي حسب مكان سكنك فين لو القاهرة يبقي عباسةو او مدينة نصر
مع ان المفروض انه كل سجل مدني مميكن يقدر يطلعهالك
عرض للطباعة
كدا كدا تجديد البطاقة المستعجل ب 75 جنيه ومن 3 ايام لاسبوع
وعلي حسب مكان سكنك فين لو القاهرة يبقي عباسةو او مدينة نصر
مع ان المفروض انه كل سجل مدني مميكن يقدر يطلعهالك
العاديه بعد اسبوعين والمستعجل بعد 3 ايام , العاديه فى اى سجل المستعجل مدينه نصر والعباسيه وحلميه الزيتون
العاديه ب 15 والمستعجل ب 75
الورق لو مش هتغير حاجه فى البطاقه القديمه مش مطلوبه غير صوره البطاقه بس
لكن لو هتغير عنوان يبقى وصل مياه او غاز اول تليفون
لو هتغير الحاله الاجتماعيه قسيمه الجواز
لو هتغير الوظيفه يبقى تختمها من شغلك او النقابه اللى تابع ليها
وتحلق دقنك وتتكل على الله واضحك علشان الصوره تطلع حلوه
اليكم اخر الاخبار
خطفت نفسي من الشغل كده و قولت اروح اقدم الاستماره المستعجل و اللي عاملها من فترة و عليه ختم التامينات و كل حاجة
و معايا برضه الاستمارة العادية و مالي بيناتها تحسبا لا غلاسة
روحت قسم اول مدينة نصر
دخلت عالشباك
قالولي لازم تصور البطاقة , قشطة صورت و جيت (متعتبرش غلاسه بس شغال)
دخلت عالشباك
قدمت الاستمارة المستعجل
قالي فين البطاقة
اهي
قالي الختم ده مش نافع (اول غلاسة)
مش نافع ازاي يعني
قالي سايح على بعضه
انا طب هات الاستمارة دي انا حتى المسمى الوظيفي اللي فيها مش عاجبني (اخصائي برامج الية) تحس انك شغال في ورشة
قولتله معايا واحدة عادية و حعملها بالمؤهل
قالي هاتها
اهي
و ادتهاله و بديله الرخصة معاها مكتوب فيها حاصل على بكالوريوس علوم كمبيوتر
قالي اصل المؤهل (تاني غلاسة)
قولتله طب الباسبور اهو مكتوب فيه برضه المؤهل
قالي ماليش فيه
قولتله طب اعملها زي ماهي طالب
قالي اختمها من الجامعة:Copy of m-s5:
كرهت نفسي و جيت الشغل تاني
ياعم اختمها تانى ختم واضح وريح نفسك
انا بقه رحت اجددها قالى حتستلمها بعد شهر طبعا انا عملت كده :tire:
وقالى روح مدرية الامن طلعاها مستعجل حتخدها من 3 ايام الى اسبوع
السؤال هو فيه استماره مستعجل واستماره عاديه؟؟
اصل انا اشتريت الى بـ 15 جنيه ومليت البيانات هو الــ بــ 75 مختلفه عنها فى اليبانات والصيغه؟؟
تحياتى وربنا يصبرنا على ما ابتلانا من موظفين
معلش ياباشا بلدنا لسه الرخامه فيها ,انا لما بروح اى مصلحه حكوميه بيبقى معايا شنطه الساحر فيها كل الاوراق الرسميه اللى تخصنى من ساعه مااتولدت لغايه دلوقتى مع كام نسخه بردو للاحتياط ومايمنعش من شويه صور مختلفه بخلفيات بيضاء وخلافه , علشان اى حاجه يطلبوها اديهالهوم علاطول وبرده مش بخلى من الغلاسه
لو مش حتعمل بيها حاجة
لكن ممكن تروح قسم تاني تقدمها تشوف حيقولك ايه لو قلك نفس الكلام اشتري بقى المستعجل
انا عن نفسي حجرب اروح قسم تاني يمكن يطلع الموظف اللي فيه ابن ناس و يخلصني
عندك حق والله , روتين ممل و مقرف
بس منين مقرفين كده و منين عاملين الخدمات دي عالنت بدل فاقد و تجديد و توصيل للبيت !!
تحس ان دي جهة و دي جهة تانية خالص